വെള്ളത്തിൽ മുങ്ങി തിരുവമ്പാടി ടൗണിലെ റോഡുകൾ

തി​രു​വ​മ്പാ​ടി: തി​ങ്ക​ളാ​ഴ്ച വൈ​കീ​ട്ട് പെ​യ്ത ക​ന​ത്ത​മ​ഴ​യി​ൽ ടൗ​ണി​ലെ ബ​സ് സ്റ്റാ​ൻ​ഡും തി​രു​വ​മ്പാ​ടി-​കൂ​ട​ര​ഞ്ഞി റോ​ഡും വെ​ള്ള​ത്തി​ൽ മു​ങ്ങി. റോ​ഡി​ൽ ഗ​താ​ഗ​തം ത​ട​സ്സ​പ്പെ​ട്ടു. ക​ട​ക​ളി​ൽ വെ​ള്ളം ക​യ​റു​മെ​ന്ന ആ​ശ​ങ്ക​യി​ലാ​യി​രു​ന്നു വ്യാ​പാ​രി​ക​ൾ. ഉ​ച്ച​ക്ക് ശേ​ഷം മൂ​ന്ന​ര​യോ​ടെ തു​ട​ങ്ങി​യ മ​ഴ അ​ഞ്ചു​വ​രെ ശ​ക്ത​മാ​യി തു​ട​ർ​ന്നു. ടൗ​ൺ പ​രി​സ​ര​ത്തെ ക​ക്കു​ണ്ട്-​ഇ​രു​വ​ഴി​ഞ്ഞി പു​ഴ തോ​ട് വ്യാ​പ​ക​മാ​യി സ്വ​കാ​ര്യ​വ്യ​ക്തി​ക​ൾ കൈ​യേ​റി​യ​തോ​ടെ​യാ​ണ് തി​രു​വ​മ്പാ​ടി​യി​ൽ വെ​ള്ള​ക്കെ​ട്ട് രൂ​ക്ഷ​മാ​യ​ത്.

നാ​ല് മീ​റ്റ​ർ വീ​തി​യു​ണ്ടാ​യി​രു​ന്ന തോ​ട് ക​ഴി​ഞ്ഞ ര​ണ്ട് പ​തി​റ്റാ​ണ്ടി​നി​ടെ ഒ​ന്ന​ര മീ​റ്റ​റാ​യി ചു​രു​ങ്ങി​യി​രു​ന്നു. ബ​സ് സ്റ്റാ​ൻ​ഡി​ന് പി​റ​കി​ൽ റീ​സ​ർ​വേ 78ൽ ​ഉ​ൾ​പ്പെ​ട്ട അ​ഞ്ച് ഏ​ക്ക​റോ​ള​മു​ള്ള വ​യ​ൽ - നീ​ർ​ത്ത​ട​ഭൂ​മി മ​ണ്ണി​ട്ട് നി​ക​ത്തി​യ​തും വെ​ള്ള​പ്പൊ​ക്ക​ത്തി​ന് കാ​ര​ണ​മാ​ണ്. വെ​ള്ള​ക്കെ​ട്ടി​ന്റെ ദു​രി​ത​മ​നു​ഭ​വി​ക്കു​ന്ന​ത് വ്യാ​പാ​രി​ക​ളും യാ​ത്ര​ക്കാ​രു​മാ​ണ്. തി​രു​വ​മ്പാ​ടി വി​ല്ലേ​ജ് ഓ​ഫി​സി​ന് സ​മീ​പം തോ​ട്ടി​ൽ​നി​ന്ന് നി​ശ്ചി​ത അ​ക​ലം പാ​ലി​ക്കാ​തെ ബ​ഹു​നി​ല കെ​ട്ടി​ടം നി​ർ​മി​ക്കു​ന്ന​ത് ഈ​യി​ടെ വി​വാ​ദ​മാ​യി​രു​ന്നു.

കെ​ട്ടി​ട​നി​ർ​മാ​ണ പ്ലാ​ൻ നി​യ​മാ​നു​സൃ​ത​മാ​യ​തി​നാ​ലാ​ണ് കെ​ട്ടി​ട​ത്തി​ന് അ​നു​മ​തി ന​ൽ​കി​യ​തെ​ന്നാ​യി​രു​ന്നു ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യു​ടെ വി​ശ​ദീ​ക​ര​ണം. 'ക​ക്കു​ണ്ട് - ഇ​രു​വ​ഴി​ഞ്ഞി പു​ഴ തോ​ട് വീ​ണ്ടെ​ടു​ക്കാ​ൻ കൈ​കോ​ർ​ക്കാം' എ​ന്ന ത​ല​ക്കെ​ട്ടി​ൽ മേ​യ് ഒ​മ്പ​തി​ന് 'മാ​ധ്യ​മം' വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. തോ​ട് നാ​ല് മീ​റ്റ​ർ വീ​തി​യി​ൽ പു​ന​രു​ദ്ധ​രി​ക്കാ​ൻ സ​ർ​വ​ക​ക്ഷി​യോ​ഗം ചേ​ര​ണ​മെ​ന്ന് ആ​വ​ശ്യ​വു​മു​യ​ർ​ന്നു. വെ​ള്ള​ക്കെ​ട്ട് ഒ​ഴി​വാ​ക്കാ​ൻ ബ​സ് സ്റ്റാ​ൻ​ഡി​ൽ ഓ​വു​ചാ​ൽ ന​വീ​ക​ര​ണ​പ്ര​വൃ​ത്തി ര​ണ്ടാ​ഴ്ച മു​മ്പ് തു​ട​ങ്ങി​യി​രു​ന്നു. മ​ഴ തു​ട​ങ്ങി​യ​തോ​ടെ പ​ണി നി​ർ​ത്തി​വെ​ച്ചി​രി​ക്കു​ക​യാ​ണ്.