തിരുവമ്പാടിയിലെ ഭാരത് പാചകവാതക ഗോഡൗൺ പ്രവർത്തനം നിയമവിരുദ്ധമെന്ന്

തി​രു​വ​മ്പാ​ടി: ടൗ​ണി​ലെ ഭാ​ര​ത് പാ​ച​ക​വാ​ത​ക ഗോ​ഡൗ​ൺ പ്ര​വ​ർ​ത്തി​ക്കു​ന്ന​ത് നി​യ​മ​വി​രു​ദ്ധ​മാ​യെ​ന്ന് സ​ബ് ക​ല​ക്ട​ർ. അ​ഗ്നി​ര​ക്ഷാ സേ​ന​യു​ടെ അ​ന്തി​മ നി​രാ​ക്ഷേ​പ പ​ത്ര​വും ഗ്രാ​മ​പ​ഞ്ചാ​യ​ത്തി​ന്റെ കം​പ്ലീ​ഷ​ൻ സ​ർ​ട്ടി​ഫി​ക്ക​റ്റും ഇ​ല്ലെ​ന്നി​രി​ക്കെ ഗോ​ഡൗ​ൺ അ​ട​ച്ചു​പൂ​ട്ട​ണ​മെ​ന്ന് സ​ബ് ക​ല​ക്ട​ർ വി. ​ചെ​ൽ​സാ​സി​നി ഉ​ത്ത​ര​വി​ട്ടു.

തി​രു​വ​മ്പാ​ടി സ്വ​ദേ​ശി​യാ​യ ആ​ന​ടി​യി​ൽ സൈ​ത​ല​വി​യു​ടെ പ​രാ​തി​യി​ലാ​ണ് ന​ട​പ​ടി. ഗോ​ഡൗ​ൺ അ​ട​ച്ചു​പൂ​ട്ട​ണ​മെ​ന്ന് ര​ണ്ടു വ​ർ​ഷം മു​മ്പ് ആ​ർ.​ഡി.​ഒ ഉ​ത്ത​ര​വി​ട്ടെ​ങ്കി​ലും ന​ട​പ്പാ​യി​രു​ന്നി​ല്ല. അ​ഗ്നി​ര​ക്ഷാ​സേ​ന​യു​ടെ അ​ന്തി​മ നി​രാ​ക്ഷേ​പ​പ​ത്ര​മു​ൾ​പ്പെ​ടെ​യു​ള്ള എ​ല്ലാ രേ​ഖ​ക​ളും ഉ​ണ്ടെ​ന്നാ​യി​രു​ന്നു ഉ​ട​മ അ​വ​കാ​ശ​പ്പെ​ട്ടി​രു​ന്ന​ത്.

എ​ന്നാ​ൽ, രേ​ഖ​ക​ൾ ഹാ​ജ​രാ​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ലാ​ണ് നി​യ​മ​വി​രു​ദ്ധ​മാ​യി പ്ര​വ​ർ​ത്തി​ക്കു​ന്ന ഗോ​ഡൗ​ൺ അ​ട​ച്ചു​പൂ​ട്ടാ​ൻ സ​ബ് ക​ല​ക്ട​ർ നി​ർ​ദേ​ശി​ച്ച​ത്. ഗോ​ഡൗ​ണു​മാ​യി ബ​ന്ധ​പ്പെ​ട്ട പ​രാ​തി​യി​ൽ വി​ജി​ല​ൻ​സ് തി​രു​വ​മ്പാ​ടി പ​ഞ്ചാ​യ​ത്തി​ൽ നേ​ര​ത്തെ പ​രി​ശോ​ധ​ന ന​ട​ത്തി​യി​രു​ന്നു.

റി​സ​ർ​വേ 78ൽ ​വ​യ​ൽ​പ്ര​ദേ​ശം നി​ക​ത്തി​യാ​ണ് പാ​ച​ക​വാ​ത​ക ഗോ​ഡൗ​ൺ പ്ര​വ​ർ​ത്തി​ക്കു​ന്ന​തെ​ന്ന ആ​രോ​പ​ണം നേ​ര​ത്തെ ഉ​യ​ർ​ന്നി​രു​ന്നു. പ​രാ​തി​യെ തു​ട​ർ​ന്ന് വ​യ​ൽ നി​ക​ത്തി​യ മ​ണ്ണെ​ടു​ത്ത് മാ​റ്റ​ണ​മെ​ന്ന് അ​ധി​കൃ​ത​ർ നി​ർ​ദേ​ശി​ച്ചെ​ങ്കി​ലും ന​ട​പ്പാ​യി​ല്ല.

വ​യ​ൽ നി​ക​ത്തി നി​ർ​മി​ച്ച കെ​ട്ടി​ട​മാ​യ​തി​നാ​ലാ​ണ് പ​ഞ്ചാ​യ​ത്ത് കം​പ്ലീ​ഷ​ൻ സ​ർ​ട്ടി​ഫി​ക്ക​റ്റ് ന​ൽ​കാ​തി​രു​ന്ന​ത്. ആ​ശു​പ​ത്രി, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ഓ​ഡി​റ്റോ​റി​യം, ബാ​ങ്ക് എ​ന്നി​വ​ക്ക് സ​മീ​പം അ​ഗ്നി​ര​ക്ഷാ​സേ​ന​യു​ടെ അ​ന്തി​മ നി​രാ​ക്ഷേ​പ​പ​ത്ര​മി​ല്ലാ​ത്ത പാ​ച​ക ഗോ​ഡൗ​ൺ പ്ര​വ​ർ​ത്തി​ക്കു​ന്ന​ത് അ​പ​ക​ട​ക​ര​മാ​ണെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു.