പൂവാറംതോടിൽ പട്ടാപ്പകൽ പുലി ?

തി​രു​വ​മ്പാ​ടി: കൂ​ട​ര​ഞ്ഞി പൂ​വാ​റം​തോ​ടി​ൽ വീ​ണ്ടും പു​ലി​യെ ക​ണ്ടെ​ന്ന് പ്ര​ദേ​ശ​വാ​സി​ക​ൾ. പൂ​വാ​റം​തോ​ട് മേ​ട​പാ​റ​യി​ലെ റി​സോ​ർ​ട്ടി​ലേ​ക്ക് പോ​കു​ന്ന ജീ​പ്പ് യാ​ത്രി​ക​രാ​ണ് കൃ​ഷി​യി​ട​ത്തി​ൽ പു​ലി​യെ​ന്ന് സം​ശ​യി​ക്കു​ന്ന ജീ​വി​യെ ക​ണ്ട​ത്. ശ​നി​യാ​ഴ്ച രാ​വി​ലെ ഒ​മ്പ​തോ​ടെ​യാ​ണ് സം​ഭ​വം.

വ​ന​പാ​ല​ക​ർ പ്ര​ദേ​ശ​ത്ത് പ​രി​ശോ​ധ​ന ന​ട​ത്തി​യെ​ങ്കി​ലും ജീ​വി​യെ ക​ണ്ടെ​ത്താ​നാ​യി​ല്ല. ക​ഴി​ഞ്ഞ ബു​ധ​നാ​ഴ്ച രാ​ത്രി​യും പു​ലി​യോ​ടു സാ​മ്യ​മു​ള്ള ജീ​വി​യെ ക​ണ്ടി​രു​ന്നു. റോ​ഡി​ന് കു​റു​കെ ഓ​ടു​ന്ന പു​ലി​യെ​ന്ന് സം​ശ​യി​ക്കു​ന്ന ജീ​വി​യെ​യാ​ണ് കാ​റി​ന്റെ വെ​ളി​ച്ച​ത്തി​ൽ ബു​ധ​നാ​ഴ്ച ക​ണ്ട​ത്.

പ​ക​ൽ സ​മ​യ​ത്ത് പു​ലി​യോ​ട് സാ​മ്യ​മു​ള്ള ജീ​വി​യെ ക​ണ്ട​തോ​ടെ ജ​ന​വാ​സ​മേ​ഖ​ല​യാ​യ പ്ര​ദേ​ശ​ത്ത് ക​ർ​ഷ​ക​ർ ഭീ​തി​യി​ലാ​ണ്. എ​ൻ.​എ​സ്.​എ​സ് ക്യാ​മ്പ് ന​ട​ക്കു​ന്ന പൂ​വാ​റം​തോ​ട് ജി.​എ​ൽ.​പി സ്കൂ​ൾ ജീ​വി​യെ ക​ണ്ട സ്ഥ​ല​ത്തി​ന്റെ 200 മീ​റ്റ​ർ​മാ​ത്രം അ​ക​ലെ​യാ​ണ്. പൂ​വാ​റം​തോ​ട് സെ​ന്റ് മേ​രീ​സ് ദേ​വാ​ല​യം, ഗ്രാ​മ​പ​ഞ്ചാ​യ​ത്ത് സാം​സ്കാ​രി​ക നി​ല​യം എ​ന്നി​വ​യും സ​മീ​പ​ത്താ​ണ്.

ജീ​വി​യെ പി​ടി​കൂ​ടാ​ൻ കൂ​ടൊ​രു​ക്ക​ണ​മെ​ന്ന് ആ​വ​ശ്യ​മു​യ​ർ​ന്നി​ട്ടു​ണ്ട്. നാ​യാ​ടം​പൊ​യി​ലി​ലെ വീ​ട്ടി​ൽ​നി​ന്ന് മൂ​ന്ന് വ​ള​ർ​ത്തു നാ​യ​ക​ൾ ഈ​യി​ടെ അ​പ്ര​ത്യ​ക്ഷ​മാ​യ​താ​യി നാ​ട്ടു​കാ​ർ പ​റ​ഞ്ഞു. പ്ര​ദേ​ശ​വാ​സി​ക​ൾ ക​ണ്ട ജീ​വി പു​ലി​യാ​ണെ​ന്ന് വ​നം വ​കു​പ്പ് സ്ഥി​രീ​ക​രി​ച്ചി​ട്ടി​ല്ല.

നാ​ട്ടു​കാ​ർ ആ​ശ​ങ്ക​യി​ലാ​യ സാ​ഹ​ച​ര്യ​ത്തി​ൽ താ​മ​ര​ശ്ശേ​രി റേ​ഞ്ച് ഫോ​റ​സ്റ്റ് ഓ​ഫി​സ​ർ കെ.​വി. ബി​ജു ശ​നി​യാ​ഴ്ച വൈ​കീ​ട്ട് സ്ഥ​ല​ത്തെ​ത്തി. എ​ട്ടം​ഗ വ​നം​വ​കു​പ്പ് ആ​ർ.​ആ​ർ.​ടി. സം​ഘ​ത്തെ പ്ര​ദേ​ശ​ത്ത് നി​യോ​ഗി​ച്ചു. കൂ​ട​ര​ഞ്ഞി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ആ​ദ​ർ​ശ് ജോ​സ​ഫ്, ഗ്രാ​മ​പ​ഞ്ചാ​യ​ത്തം​ഗം എ​ൽ​സ​മ്മ ജോ​ർ​ജ് എ​ന്നി​വ​ർ സ്ഥ​ല​ത്തെ​ത്തി.