ക്ഷേത്രത്തിൽ അഴിഞ്ഞാടി മോഷ്ടാക്കൾ

കോഴിക്കോട്: കോട്ടൂളി പൈപ്പ് ലൈൻ റോഡിനുസമീപം മാമ്പിലാംപറമ്പ് മാലാടത്ത് ക്ഷേത്രത്തിൽ കള്ളന്മാരുടെ അഴിഞ്ഞാട്ടം. ക്ഷേത്രത്തിന്‍റെ ഓഫിസ് മുറി, തൊട്ടടുത്ത മൂന്നുമുറികൾ എന്നിവയുടെ പൂട്ടുതകർത്ത് അകത്തുകയറിയ സംഘം ഭണ്ഡാരങ്ങളിലടക്കം നിരവധിയിടങ്ങളിൽ മോഷണം നടത്തി.

രണ്ട് വലിയ ഉരുളി, രണ്ട് ചെറിയ ഉരുളി, 10 അടി നീളത്തിലുള്ള വിളക്ക്, മൂന്ന് തൂക്കുവിളക്ക് എന്നിവ നഷ്ടപ്പെട്ടതായി ക്ഷേത്രാധികാരികൾ പറഞ്ഞു. അഞ്ച് ഭണ്ഡാരങ്ങൾ തകർത്തു. ഭണ്ഡാരങ്ങളിൽ മൊത്തം 20,000 രൂപയുണ്ടായിരുന്നതായി കരുതുന്നു. എല്ലാംകൂടി ഒരുലക്ഷത്തോളം രൂപയുടെ നഷ്ടമുണ്ടായതായാണ് കണക്കാക്കുന്നത്.

വ്യാഴാഴ്ച പുലർച്ച അഞ്ചോടെ ജീവനക്കാർ പാട്ടുവെക്കാൻ മുറികളിലൊന്നിൽ എത്തിയപ്പോഴാണ് കുത്തിത്തുറന്നതായി കണ്ടത്. ഇവർ അറിയിച്ചതനുസരിച്ച് ക്ഷേത്രകമ്മിറ്റിയംഗങ്ങൾ എത്തിയപ്പോഴാണ് കള്ളന്മാരുടെ ആക്രമണം കണ്ടെത്തിയത്. മുറികളെല്ലാം തുറന്ന നിലയിലായിരുന്നു. മേശയും അലമാരകളും വാരിവലിച്ചിട്ട നിലയിലാണ്.

പുറത്തെ മണ്ഡപത്തിലുണ്ടായിരുന്ന ആറുനില വിളക്ക്, മുഖ്യ കോവിലിനുമുന്നിലെ ഓട്ടുമണി, ഉപക്ഷേത്രത്തിന് ചുറ്റുമുള്ള തൂക്കുവിളക്കുകൾ എന്നിവയെല്ലാം നഷ്ടമായതിലുൾപ്പെടുന്നു. ഉപക്ഷേത്രത്തിനുമുന്നിലെ രണ്ട് ഭണ്ഡാരങ്ങളുടെയും പൂട്ടുപൊളിച്ച് പണം കൊണ്ടുപോയി. ഒരു ഭണ്ഡാരം ഇളക്കിയെടുത്ത് ക്ഷേത്രത്തിനുപിന്നിൽ എത്തിച്ച് കുത്തിത്തുറന്നു.

വെള്ളിയുരുളി അലൂമിനിയമാണെന്ന് കരുതിയാവാം എടുത്തില്ല. മൂന്ന് ഭണ്ഡാരം പൊളിക്കാൻ നോക്കിയെങ്കിലും കഴിഞ്ഞിട്ടില്ല. ക്ഷേത്ര കമ്മിറ്റി സെക്രട്ടറി സി.ജെ. രാജഗോപാലിന്‍റെ പരാതിയിൽ മെഡിക്കൽ കോളജ് പൊലീസ് സംഘം സ്ഥലത്തെത്തി.

നി​രീ​ക്ഷ​ണ കാ​മ​റ പ​രി​ശോ​ധി​ക്കും

മെ​ഡി​ക്ക​ൽ കോ​ള​ജ്​ സി.​ഐ ബെ​ന്നി​ലാ​ലി​ന്‍റെ നേ​തൃ​ത്വ​ത്തി​ൽ പൊ​ലീ​സ്, ഡോ​ഗ്​ സ്​​ക്വാ​ഡ്​ എ​ന്നി​വ​ർ സ്​​ഥ​ല​ത്ത്​ പ​രി​ശോ​ധ​ന ന​ട​ത്തി. വി​ര​ല​ട​യാ​ള വി​ദ​ഗ്​​ധ​ർ തെ​ളി​വു​ക​ൾ ശേ​ഖ​രി​ച്ചു. പൊ​ലീ​സ്​ നാ​യ് ക്ഷേ​ത്ര​ത്തി​നു​ചു​റ്റും ഓ​ടി, ഓ​ഫി​സു​ക​ളി​ലും ചു​റ്റി​യ​ശേ​ഷം ഭ​ണ്ഡാ​ര​ങ്ങ​ളും മ​ണ​ത്ത​ശേ​ഷം പൈ​പ്പ്​ ലൈ​ൻ റോ​ഡ്​ വ​ഴി പ​ട്ടേ​രി ഭാ​ഗ​ത്തേ​ക്ക്​ ഓ​ടി. ​

ക്ഷേ​ത്ര​ത്തി​ലും പ​രി​സ​ര​ത്തു​മൊ​ന്നും സി.​സി.​ടി.​വി കാ​മ​റ​യി​ല്ല. നാ​യ് ഓ​ടി​യ ഭാ​ഗ​ത്ത്​ ര​ണ്ടു​കി​ലോ​മീ​റ്റ​റോ​ളം അ​ക​ലെ​യു​ള്ള സി.​സി.​ടി.​വി കാ​മ​റ പ​രി​ശോ​ധി​ക്കാ​ൻ പൊ​ലീ​സ്​ തീ​രു​മാ​നി​ച്ചു. പൊ​ലീ​സ്​ പ​രി​ശോ​ധ​ന​യി​ൽ വെ​ട്ടു​ക​ത്തി, ചു​റ്റി​ക, ഹെ​ൽ​മെ​റ്റ്​ എ​ന്നി​വ ക​ണ്ടെ​ത്തി. വെ​ട്ടു​ക​ത്തി ക്ഷേ​ത്രം ഒ​ഫി​സി​ൽ​നി​ന്ന്​ എ​ടു​ത്ത​താ​ണെ​ന്ന്​ തി​രി​ച്ച​റി​ഞ്ഞു.