ഹൗസ് സർജന്മാരില്ല, ഡോക്ടർമാരും കുറവ്; ബീച്ച് ആശുപത്രിയിൽ ദുരിതത്തിലായി രോഗികൾ

കോ​ഴി​ക്കോ​ട്: പ​നി​യ​ട​ക്കം പ​ക​ർ​ച്ച​വ്യാ​ധി​ക​ൾ വ​ർ​ധി​ക്കു​ന്ന​തി​നി​ടെ ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ലാ​ത്ത ബീ​ച്ച് ആ​ശു​പ​ത്രി​യി​ൽ ഹൗ​സ് സ​ർ​ജ​ന്മാ​ർ കൂ​ടി ഇ​ല്ലാ​താ​യ​തോ​ടെ രോ​ഗി​ക​ൾ ദു​രി​ത​ത്തി​ൽ. ചി​കി​ത്സ​ക്കു​വേ​ണ്ടി മ​ണി​ക്കൂ​റു​ക​ളോ​ളം കാ​ത്തി​രി​ക്കേ​ണ്ട അ​വ​സ്ഥാ​ണ്.

ഒ.​പി​യി​ലും കാ​ഷ്വ​ൽ​റ്റി​യി​ലും വേ​ണ്ട​ത്ര ഡോ​ക്ട​ർ​മാ​രി​ല്ല. ആ​ശു​പ​ത്രി​യി​ൽ നേ​ര​ത്തെ​യു​ണ്ടാ​യി​രു​ന്ന ഹൗ​സ് സ​ർ​ജ​ന്മാ​ർ ഇ​ന്റേ​ൺ​ഷി​പ് പൂ​ർ​ത്തി​യാ​ക്കി മ​ട​ങ്ങി​യ​താ​ണ് പ്ര​തി​സ​ന്ധി രൂ​ക്ഷ​മാ​ക്കി​യി​രി​ക്കു​ന്ന​ത്. നേ​ര​ത്തെ നാ​ൽ​പ​തി​ല​ധി​കം ഹൗ​സ് സ​ർ​ജ​ന്മാ​രു​ടെ സേ​വ​ന​മു​ണ്ടാ​യി​രു​ന്ന ആ​ശു​പ​ത്രി​യി​ൽ ഇ​പ്പോ​ൾ ഒ​റ്റ ഹൗ​സ് സ​ർ​ജ​ൻ​പോ​ലും ഇ​ല്ല. ഇ​തു​മൂ​ലം ഒ.​പി​യി​ലും കാ​ഷ്വ​ൽ​റ്റി​യി​ലും രാ​വി​ലെ മു​ത​ൽ രോ​ഗി​ക​ളു​ടെ നീ​ണ്ട​നി​ര​യാ​ണ്. മ​ണി​ക്കൂ​റു​ക​ൾ വ​രി​നി​ന്ന് കു​ഴ​ങ്ങു​ന്ന​തോ​ടെ ഒ.​പി​യി​ൽ കാ​ണി​ക്കാ​നെ​ത്തി​യ രോ​ഗി​ക​ൾ അ​ത്യാ​ഹി​ത വി​ഭാ​ഗ​ത്തി​ലേ​ക്ക് പോ​വു​ന്ന​ത് അ​വി​ടെ​യും തി​ര​ക്ക് വ​ർ​ധി​ക്കാ​നി​ട​യാ​ക്കു​ന്നു.

മാ​ത്ര​മ​ല്ല, ഹൗ​സ് സ​ർ​ജ​ന്മാ​ർ ഇ​ല്ലാ​താ​യ​തോ​ടെ അ​ത്യാ​ഹി​ത വി​ഭാ​ഗ​ത്തി​ലും ഒ​രു ഡോ​ക്ട​റു​ടെ സേ​വ​നം മാ​ത്ര​മേ ല​ഭി​ക്കു​ന്നു​ള്ളൂ. അ​തി​നി​ടെ അ​പ​ക​ട​ങ്ങ​ളു​ടെ​യും മ​റ്റു കേ​സു​ക​ളു​ടെ​യും അ​ന്വേ​ഷ​ണ​ത്തി​ന് പൊ​ലീ​സ് എ​ത്തും. ഒ​രു കേ​സി​ന് 20 മി​നി​റ്റി​ല​ധി​കം പൊ​ലീ​സി​ന് വേ​ണ്ടി​വ​രും. ഇ​ത് കൂ​ടി​യാ​വു​ന്ന​തോ​ടെ അ​ത്യാ​ഹി​ത വി​ഭാ​ഗ​ത്തി​ലും രോ​ഗി​ക​ൾ​ക്ക് ചി​കി​ത്സ വൈ​കാ​നി​ട​യാ​ക്കു​ന്നു. ന​ഗ​ര​ത്തി​ലെ വി​വി​ധ പൊ​ലീ​സ് സ്റ്റേ​ഷ​നു​ക​ളി​ൽ​നി​ന്ന് പ്ര​തി​ക​ളെ വൈ​ദ്യ പ​രി​ശോ​ധ​ന​ക്കെ​ത്തി​ക്കു​ന്ന​തും ഇ​വി​ടെ​യാ​ണ്. നേ​ര​ത്തെ സാ​ര​മ​ല്ലാ​ത്ത കേ​സു​ക​ൾ ഹൗ​സ് സ​ർ​ജ​ന്മാ​ർ കൈ​കാ​ര്യം ചെ​യ്യു​മാ​യി​രു​ന്നു.

തീ​ര​ദേ​ശ​വാ​സി​ക​ളു​ടെ​യും ന​ഗ​ര​സ​ഭ​യി​ലെ​യും സ​മീ​പ​പ്ര​ദേ​ശ​ങ്ങ​ളി​ലെ​യും സാ​ധാ​ര​ണ​ക്കാ​രു​ടെ​യും ഏ​ക ആ​ശ്ര​യ​മാ​ണ് ബീ​ച്ച് ആ​ശു​പ​ത്രി. നാ​ഷ​ന​ൽ മെ​ഡി​ക്ക​ൽ കൗ​ൺ​സി​ലി​ന്റെ പു​തി​യ തീ​രു​മാ​ന​പ്ര​കാ​രം സൂ​പ്ര​ണ്ടു​മാ​ർ​ക്ക് നേ​രി​ട്ട് വി​ദ്യാ​ർ​ഥി​ക​ൾ​ക്ക് ഇ​ന്റേ​ൺ​ഷി​പ് അ​നു​വ​ദി​ക്കാ​ൻ ക​ഴി​യാ​ത്ത​താ​ണ് പ്ര​തി​സ​ന്ധി രൂ​ക്ഷ​മാ​ക്കു​ന്ന​ത്. ഇ​നി ആ​ശു​പ​ത്രി​യി​ലേ​ക്ക് ഹൗ​സ് സ​ർ​ജ​ന്മാ​രെ ല​ഭി​ക്ക​ണ​മെ​ങ്കി​ൽ ഡി.​എം.​ഒ വ​ഴി മെ​ഡി​ക്ക​ൽ വി​ദ്യാ​ഭ്യാ​സ കൗ​ൺ​സി​ലി​ന് അ​പേ​ക്ഷ ന​ൽ​ക​ണം.