മഞ്ഞവെള്ളം ഒഴുക്ക് നിലച്ചില്ല; മീനുകൾ ചത്തുപൊങ്ങുന്നു

രാ​മ​നാ​ട്ടു​ക​ര: ചീ​ഞ്ഞു​നാ​റു​ന്ന മാ​ലി​ന്യം ഉ​ൾ​പ്പെ​ടു​ന്ന ബ​ണ്ട് തു​റ​ന്നു​വി​ട്ട​തോ​ടെ പു​ഴ​വെ​ള്ളം മ​ഞ്ഞ​നി​റ​മാ​യ​തി​ന് ശ​മ​ന​മി​ല്ല. രാ​മ​നാ​ട്ടു​ക​ര ന​ഗ​ര​സ​ഭ​യി​ലെ പ​ല ഭാ​ഗ​ങ്ങ​ളി​ൽ​നി​ന്നു​മാ​യി ഒ​ഴു​കി​യെ​ത്തു​ന്ന അ​ഴ​ക്കു നി​റ​ഞ്ഞ വെ​ള്ളം മു​ട്ടി​യ​റ തോ​ട്ടി​ലെ ഷ​ട്ട​ർ തു​റ​ന്നു​വി​ട്ട​തോ​ടെ​യാ​ണ് ര​ണ്ടു കി​ലോ​മീ​റ്റ​ർ ദൂ​ര​മു​ള്ള പു​ല്ലി​പ്പു​ഴ മ​ഞ്ഞ വെ​ള്ളം ഒ​ഴു​കി നാ​റു​ന്ന​ത്. ഇ​ന്ന​ലെ ആ​രോ​ഗ്യ വി​ഭാ​ഗം ജീ​വ​ന​ക്കാ​ർ എ​ത്തി വെ​ള്ളം പ​രി​ശോ​ധി​ച്ചു.

വെ​ള്ള​ത്തി​നു ക​ടു​ത്ത മ​ഞ്ഞ​നി​റം കു​റ​ഞ്ഞി​ട്ടു​ണ്ട്. പ്ര​ദേ​ശ​വാ​സി​ക​ൾ ഉ​പ​യോ​ഗി​ച്ചു വ​രു​ന്ന​താ​ണ് പു​ല്ലി​പ്പു​ഴ​യി​ലെ വെ​ള്ളം. വെ​ള്ളം ശ​രീ​ര​ത്തി​ൽ ത​ട്ടു​മ്പോ​ൾ ചൊ​റി​ച്ചി​ലു​ണ്ട്. പ​ല ഭാ​ഗ​ത്താ​യി മീ​നു​ക​ൾ ച​ത്തു​പൊ​ങ്ങു​ന്നു​മു​ണ്ട്. തോ​ണി​യി​ൽ കോ​രു​വ​ല ഉ​പ​യോ​ഗി​ച്ച് നാ​ട്ടു​കാ​ർ മ​ഞ്ഞ വെ​ള്ള​ത്തി​ൽ​നി​ന്നും മീ​ൻ​പി​ടി​ച്ച് മ​റ്റു​പു​ഴ​ക​ളി​ൽ നി​ക്ഷേ​പി​ക്കു​ന്നു​ണ്ട്. പി. ​ഹ​മീ​ദ് മാ​സ്റ്റ​ർ എം.​എ​ൽ.​എ പ്ര​ശ്ന​ത്തി​ന്റെ ഗൗ​ര​വം ക​ണ​ക്കി​ലെ​ടു​ത്ത് ക​ല​ക്ട​ർ ഉ​ൾ​പ്പെ​ടെ​യു​ള്ള​വ​രു​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ട്.