കാ​ഴ്ച ഭ​യാ​ന​കം; ക​ണ്ണ​ട​ക്കാ​നാ​കു​ന്നി​ല്ല രാ​മ​കൃ​ഷ്ണ​ന്

കോ​ഴി​ക്കോ​ട്: രാ​ത്രി ഉ​റ​ക്ക​മൊ​ഴി​ച്ചു​ള്ള ഡ്യൂ​ട്ടി ക​ഴി​ഞ്ഞു​വ​ന്നാ​ൽ രാ​മ​കൃ​ഷ്ണ​ന് പ​ക​ലു​റ​ക്കം പ​തി​വാ​ണ്. ത​ലേ​ന്ന് ഉ​റ​ക്ക​മൊ​ഴി​ഞ്ഞ​തി​ന്റെ ക്ഷീ​ണ​മു​ണ്ടെ​ങ്കി​ലും അ​പ​ക​ടം നേ​രി​ൽ ക​ണ്ട​തി​ന്റെ ഭീ​തി​യി​ൽ രാ​മ​കൃ​ഷ്ണ​ന് ചൊ​വ്വാ​ഴ്ച പ​ക​ൽ ഒ​രു​ത​രി​പോ​ലും ഉ​റ​ങ്ങാ​നാ​യി​ല്ല.

ക​ണ്ണ​ട​ക്കു​മ്പോ​ഴേ​ക്കും റോ​ഡി​ൽ കി​ട​ന്നു​ള്ള കൂ​ട്ട​ക്ക​ര​ച്ചി​ലും തീ ​ആ​ളി​പ്പ​ട​രു​ന്ന​തി​ന്റെ ഭ​യാ​ന​ക ചി​ത്ര​വും ക​ണ്ണി​ലെ​ത്തും. ആം​ബു​ല​ൻ​സ് മ​റി​ഞ്ഞ് തീ​പി​ടി​ച്ച് രോ​ഗി വെ​ന്തു​മ​രി​ച്ച അ​പ​ക​ട​സ്ഥ​ല​ത്തി​ന്റെ തൊ​ട്ടു​മു​ന്നി​ലു​ള്ള ഹ്യു​ണ്ടാ​യ് ഷോ​റൂ​മി​ലെ സെ​ക്യൂ​രി​റ്റി ജീ​വ​ന​ക്കാ​ര​നാ​ണ് രാ​മ​കൃ​ഷ്ണ​ൻ.

പു​ല​ർ​ച്ച മൂ​ന്നേ​കാ​ലോ​ടെ ദൂ​രെ​നി​ന്ന് ആം​ബു​ല​ൻ​സി​ന്റെ സൈ​റ​ൺ മു​ഴ​ക്കം സെ​ക്യൂ​രി​റ്റി കാ​ബി​നി​ലി​രു​ന്നു കേ​ട്ടി​രു​ന്ന​താ​യി രാ​മ​കൃ​ഷ്ണ​ൻ പ​റ​യു​ന്നു. ഉ​ട​ൻ​ത​ന്നെ ഉ​ഗ്ര​ശ​ബ്ദം റോ​ഡി​ൽ​നി​ന്ന് കേ​ട്ടു. പി​ന്നീ​ട് കേ​ട്ട​ത് സ്ത്രീ​ക​ളു​ടെ കൂ​ട്ട​ക്ക​ര​ച്ചി​ലാ​ണ്. പു​റ​ത്തു​വ​ന്ന് നോ​ക്കു​മ്പോ​ഴേ​ക്കും തീ ​പ​ട​രു​ന്ന​താ​ണ് ക​ണ്ട​ത്.

റോ​ഡി​ൽ ഒ​രു പു​രു​ഷ​ൻ കി​ട​ന്നു പി​ട​യു​ന്ന​തും കാ​ണു​ന്നു​ണ്ടാ​യി​രു​ന്നു. പ​ല വാ​ഹ​ന​ങ്ങ​ൾ ക​ട​ന്നു​പോ​യെ​ങ്കി​ലും ഒ​ന്നും നി​ർ​ത്തി​യി​ല്ലെ​ന്ന് രാ​മ​കൃ​ഷ്ണ​ൻ പ​റ​ഞ്ഞു. ത​ന്റെ കൈ​യി​ലു​ണ്ടാ​യി​രു​ന്ന ഫോ​ൺ ചെ​യ്യാ​ൻ​പോ​ലും ക​ഴി​യാ​തെ പ​രി​ഭ്രാ​ന്ത​നാ​യി.

അ​തു​വ​ഴി​വ​ന്ന ഇ​രു​ച​ക്ര​വാ​ഹ​നം നി​ർ​ത്തി. കാ​ര്യ​ങ്ങ​ൾ മ​ന​സ്സി​ലാ​യ​തോ​ടെ ഇ​ദ്ദേ​ഹം ആ​ശു​പ​ത്രി​ഭാ​ഗ​ത്തേ​ക്ക് പോ​യി. ഇ​തി​നി​ടെ, ഓ​ട്ടോ ഡ്രൈ​വ​ർ മിം​സ് ആ​ശു​പ​ത്രി​യി​ൽ വി​വ​രം അ​റി​യി​ച്ച​തി​നെ​തു​ട​ർ​ന്ന് ആം​ബു​ല​ൻ​സ് എ​ത്തി പ​രി​ക്കേ​റ്റ​വ​രെ കൊ​ണ്ടു​പോ​യി. വാ​ഹ​ന​ത്തി​നു​ള്ളി​ൽ രോ​ഗി​യു​ണ്ടെ​ന്ന വി​വ​രം ര​ക്ഷ​പ്പെ​ട്ട​വ​ർ അ​റി​യി​ച്ചെ​ങ്കി​ലും നോ​ക്കി​നി​ൽ​ക്കാ​നേ ക​ഴി​ഞ്ഞു​ള്ളൂ.

തീ ​ആ​ളി​പ്പ​ട​ർ​ന്ന് മൂ​ന്നു​നി​ല കെ​ട്ടി​ട​ത്തി​ന്റെ മു​ക​ൾ​ഭാ​ഗം വ​രെ ക​ത്തി ക​മ്പി​ക​ളും ഷീ​റ്റു​ക​ളും ​ഉ​രു​കി അ​ട​ർ​ന്നു​വീ​ഴു​ക​യാ​യി​രു​ന്നു. നി​ര​വ​ധി കാ​റു​ക​ൾ ഷോ​റൂ​മി​ൽ ഉ​ള്ള​തി​നാ​ൽ തീ​പ​ട​ർ​ന്നാ​ൽ അ​പ​ക​ട​മാ​കു​മെ​ന്ന് ക​രു​തി ബ​ന്ധ​പ്പെ​ട്ട​വ​രെ വി​വ​ര​മ​റി​യി​ച്ചു. ആ​ശു​പ​ത്രി അ​ധി​കൃ​ത​ർ വി​വ​രം അ​റി​യി​ച്ച​തി​നെ​ത്തു​ട​ർ​ന്ന് അ​ഗ്നി​ശ​മ​ന ഉ​ദ്യോ​ഗ​സ്ഥ​രും പൊ​ലീ​സും വൈ​ദ്യു​തി ജീ​വ​ന​ക്കാ​രും സ്ഥ​ല​ത്തെ​ത്തി.

ക​ന​ത്ത മ​ഴ​യി​ലും ഏ​റെ​നേ​രം പ​ണി​പ്പെ​ട്ടാ​ണ് കെ​ട്ടി​ട​ത്തി​ലെ​യും ആം​ബു​ല​ൻ​സി​ലെ​യും തീ​യ​ണ​ച്ച​ത്. രോ​ഗി​യു​ടെ ക​ത്തി​ക്ക​രി​ഞ്ഞ ശ​രീ​ര​ഭാ​ഗം പു​റ​ത്തെ​ടു​ത്ത ദാ​രു​ണ​കാ​ഴ്ച താ​ങ്ങാ​നാ​യി​ല്ലെ​ന്ന് രാ​മ​കൃ​ഷ്ണ​ൻ പ​റ​ഞ്ഞു. ഭ​ർ​ത്താ​വ് സം​ഭ​വം വി​വ​രി​ച്ച​ത് ക​ര​ച്ചി​ലോ​ടെ​യാ​യി​രു​ന്നു​വെ​ന്ന് രാ​മ​കൃ​ഷ്ണ​ന്റെ ഭാ​ര്യ പ​റ​ഞ്ഞു.