Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightസംസ്ഥാനത്ത്​ 80 കഴിഞ്ഞ ...

സംസ്ഥാനത്ത്​ 80 കഴിഞ്ഞ തടവുകാർ പത്തുപേരെന്ന്​ ജയിൽവകുപ്പ്​

text_fields
bookmark_border
സംസ്ഥാനത്ത്​ 80 കഴിഞ്ഞ തടവുകാർ പത്തുപേരെന്ന്​ ജയിൽവകുപ്പ്​
cancel

കോഴിക്കോട്​: 80 വയസ്സിന്​ മുകളിലുള്ള 10 തടവുകാരാണ് സംസ്ഥാനത്ത് വിവിധ ജയിലുകളിൽ കഴിയുന്നതെന്ന്​ഡെപ്യൂട്ടി ഇൻസ്പെക്ടർ ജനറൽ ഓഫ് പ്രിസൺസ്.

കോഴിക്കോട് സെൻറ്​ സേവ്യേഴ്സ് കോളജ് എൻ.എസ്.എസ് വിദ്യാർഥികൾ നൽകിയ അപേക്ഷയിലാണ്​ തിരുവനന്തപുത്ത് ആറും കണ്ണൂരിൽ രണ്ടും വിയ്യൂരിൽ രണ്ടും പേർ തടവിൽ കഴിയുന്നതായി രേഖാമൂലം അറിയിച്ചത്​.

80 വയസ്സിന്​ മുകളിലുള്ള തടവുകാരിൽ പലരും ജയിൽമോചിതരായാൽ സ്വീകരിക്കാൻ ബന്ധുക്കൾ തയാറാവാത്ത സാഹചര്യത്തിൽ ​ സുരക്ഷിതമായി താമസിക്കാൻ വേണ്ട നടപടികൾ സർക്കാറി​‍െൻറ ഭാഗത്തുനിന്ന്​ ഉണ്ടാവണമെന്ന്​ ആവശ്യപ്പെട്ട്​ 50​ എൻ.എസ്.എസ് വളൻറിയർമാർ ഒപ്പിട്ട നിവേദനം വിവിധ വകുപ്പുകൾക്ക്​ അയച്ചിരുന്നു.

കോളജ് പ്രിൻസിപ്പൽ പ്രഫ. വർഗീസ് മാത്യു, എൻ.എസ്.എസ് പ്രോഗ്രാം ഓഫിസർമാരായ അവിനാശ് അശോക്, ജയ സോണി, വിദ്യാർഥി പ്രതിനിധി പ്രിയൻ സണ്ണി എന്നിവരുടെ നേതൃത്വത്തിൽ സംസ്ഥാനത്തെ ജയിലുകളിൽ കഴിയുന്ന 80 വയസ്സിന്​ മുകളിലുള്ള തടവുകാരെ നിബന്ധനകൾക്ക് വിധേയമായി ജയിൽമുക്തമാക്കണമെന്ന് ആവശ്യപ്പെട്ട്​ സുപ്രീംകോടതി ചീഫ് ജസ്​റ്റിസ്, ദേശീയ മനുഷ്യാവകാശ കമീഷൻ ചെയർപേഴ്സൻ എന്നിവർക്കും നിവേദനം അയച്ചിരുന്നു.


Show Full Article
TAGS:prison department inmates 
News Summary - The prison department says there are 10 inmates past 80 in the state
Next Story