വിദ്യാർഥിനിയെ ലഹരിസംഘം കണ്ണിയാക്കിയ സംഭവം: കേസ് പത്തുപേർക്കെതിരെ; ആറുപേരെ തിരിച്ചറിഞ്ഞു

കോ​ഴി​ക്കോ​ട്: സ്കൂ​ൾ വി​ദ്യാ​ർ​ഥി​നി​യെ ല​ഹ​രി​ക്ക​ടി​മ​യാ​ക്കി മ​യ​ക്കു​മ​രു​ന്ന് കാ​രി​യ​റും വി​ൽ​പ​ന​ക്കാ​രി​യു​മാ​ക്കി​യെ​ന്ന പ​രാ​തി​യി​ൽ പൊ​ലീ​സ് വി​ശ​ദാ​ന്വേ​ഷ​ണം തു​ട​ങ്ങി. ഒ​മ്പ​താം ക്ലാ​സ് വി​ദ്യാ​ർ​ഥി​നി​യു​ടെ പ​രാ​തി​യി​ൽ മെ​ഡി​ക്ക​ൽ കോ​ള​ജ് പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ പ​ത്തു പ്ര​തി​ക​ളാ​ണു​ള്ള​ത്.

ഇ​തി​ൽ ആ​റു​പേ​രെ തി​രി​ച്ച​റി​ഞ്ഞി​ട്ടു​ണ്ട്. കു​ട്ടി ന​ൽ​കി​യ മൊ​ഴി​യു​ടെ അ​ടി​സ്ഥാ​ന​ത്തി​ൽ അ​വ​ശേ​ഷി​ച്ച​വ​​രെ കു​റി​ച്ചും അ​​ന്വേ​ഷ​ണം ന​ട​ക്കു​ന്നു​ണ്ട്. പ്ര​തി​ക​ളി​ൽ ര​ണ്ടു​പേ​ർ കു​ട്ടി​യു​ടെ നാ​ട്ടി​ൽ​ത​ന്നെ​യു​ള്ള​വ​രാ​ണ്. സം​ഘം സ​മാ​ന രീ​തി​യി​ൽ വേ​റെ​യും വി​ദ്യാ​ർ​ഥി​ക​ളെ ല​ഹ​രി​ക്ക​ട​ത്തി​നും വ്യാ​പാ​ര​ത്തി​നും ഉ​പ​യോ​ഗി​ച്ചോ എ​ന്നും പ​രി​ശോ​ധി​ക്കു​ന്നു​ണ്ട്.

സൈ​ബ​ർ സെ​ല്ലി​ന്റെ​യ​ട​ക്കം സ​ഹാ​യ​ത്തോ​ടെ ഡി​ജി​റ്റ​ൽ തെ​ളി​വു​ക​ളു​ൾ​പ്പെ​ടെ ശേ​ഖ​രി​ച്ചാ​ണ് കേ​സി​ൽ അ​ന്വേ​ഷ​ണം പു​രോ​ഗ​മി​ക്കു​ന്ന​ത്. അ​തേ​സ​മ​യം, ല​ഹ​രി​സം​ഘ​വു​മാ​യി ബ​ന്ധ​പ്പെ​ട്ട മൊ​ബൈ​ൽ ഫോ​ൺ ന​ശി​പ്പി​ക്ക​പ്പെ​ട്ടു എ​ന്നാ​ണ് വി​ദ്യാ​ർ​ഥി​യു​ടെ മൊ​ഴി. ജു​വ​നൈ​ൽ ജ​സ്റ്റി​സ് ആ​ക്റ്റ്, എ​ൻ.​ടി.​പി.​എ​സ് ആ​ക്റ്റ്, കേ​ര​ള പൊ​ലീ​സ് ആ​ക്റ്റ് എ​ന്നി​വ പ്ര​കാ​ര​മാ​ണ് കേ​സ്.

മെ​ഡി​ക്ക​ൽ കോ​ള​ജ് പൊ​ലീ​സ് സം​ഘം കു​ട്ടി​യി​ൽ​നി​ന്നും മാ​താ​വി​ൽ​നി​ന്നും കൂ​ടു​ത​ൽ വി​വ​ര​ങ്ങ​ൾ ശേ​ഖ​രി​ച്ചു. സ്കൂ​ൾ അ​ധി​കൃ​ത​ർ, സ​ഹ​പാ​ഠി​ക​ൾ ഉ​ൾ​പ്പെ​ടെ​യു​ള്ള​വ​രി​ൽ​നി​ന്നും വ​രും ദി​വ​സം ഇ​നി വി​വ​രം ശേ​ഖ​രി​ക്കും. സ്കൂ​ളി​ലെ സ​ഹ​പാ​ഠി​ക​ള​ട​ക്ക​മു​ള്ള​വ​ർ​ക്ക് ല​ഹ​രി​വ​സ്തു കൈ​മാ​റി​യെ​ന്ന് കു​ട്ടി നേ​ര​ത്തെ വെ​ളി​പ്പെ​ടു​ത്തി​യി​രു​ന്നു.

ഇ​ക്കാ​ര്യ​ങ്ങ​ളി​ലാ​ണ് പൊ​ലീ​സ് വ്യ​ക്ത​ത വ​രു​ത്തു​ക. ല​ഹ​രി​സം​ഘം കു​ട്ടി​യു​മാ​യി ആ​ദ്യം ബ​ന്ധ​പ്പെ​ട്ട​ത് ഇ​ൻ​സ്റ്റ​ഗ്രാം വ​ഴി​യാ​യ​തി​നാ​ൽ സ​മൂ​ഹ മാ​ധ്യ​മ​ങ്ങ​ളി​ലെ ഗ്രൂ​പ്പു​ക​ൾ സൈ​ബ​ർ സെ​ൽ നി​രീ​ക്ഷി​ക്കു​ന്നു​ണ്ട്. സി​റ്റി പൊ​ലീ​സ് മേ​ധാ​വി രാ​ജ്പാ​ൽ മീ​ണ​യു​ടെ നി​ർ​ദേ​ശ പ്ര​കാ​ശം നാ​ർ​ക്കോ​ട്ടി​ക് സെ​ൽ അ​സി. ക​മീ​ഷ​ണ​ർ പ്ര​കാ​ശ​ൻ പ​ട​ന്ന​യി​ലി​ന്റെ നേ​തൃ​ത്വ​ത്തി​ൽ മെ​ഡി​ക്ക​ൽ കോ​ള​ജ് ഇ​ൻ​സ്പെ​ക്ട​ർ എം.​എ​ൽ. ബെ​ന്നി ലാ​ലു അ​ട​ക്കം പ​ത്തു​പേ​രു​ടെ പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്ക​രി​ച്ചു.

ര​ക്ഷി​താ​ക്ക​ൾ വേ​ർ​പി​രി​ഞ്ഞ​തോ​ടെ മാ​താ​വി​നൊ​പ്പം താ​മ​സി​ക്കു​ന്ന പെ​ൺ​കു​ട്ടി​ക്ക് ഓ​ൺ​ലൈ​ൻ പ​ഠ​ന​ത്തി​ന് വാ​ങ്ങി​ന​ൽ​കി​യ മൊ​ബൈ​ൽ ഫോ​ൺ വ​ഴി ഇ​ൻ​സ്റ്റ​ഗ്രാ​മി​ലൂ​ടെ​യാ​ണ് ല​ഹ​രി​സം​ഘ​വു​മാ​യി ബ​ന്ധ​മു​ണ്ടാ​കു​ന്ന​ത്. ‘റോ​യ​ൽ ഡ്ര​ഗ്സ്’ എ​ന്ന ഇ​ൻ​സ്റ്റ​ഗ്രാം ഗ്രൂ​പ്പി​ലു​ള്ള​വ​രാ​ണ് ത​ന്നെ എം.​ഡി.​എം.​എ അ​ട​ക്ക​മു​ള്ള ല​ഹ​രി​ക്ക് അ​ടി​മ​യാ​ക്കി​യ​ത് എ​ന്നാ​ണ് വി​ദ്യാ​ർ​ഥി​യു​ടെ ​മൊ​ഴി. പി​ന്നാ​ലെ ല​ഹ​രി​ക്ക​ട​ത്തി​നും വി​ൽ​പ​ന​ക്കു​മ​ട​ക്കം സം​ഘം ഉ​പ​യോ​ഗി​ച്ചു.

നാ​ലു​മാ​സം മു​മ്പ് കു​ട്ടി​യു​ടെ ഇ​രു​കൈ​ക​ളി​ലും ബ്ലേ​ഡു​കൊ​ണ്ട് വ​ര​ഞ്ഞ പാ​ടു​ക​ൾ ക​ണ്ടെ​ത്തു​ക​യും പെ​രു​മാ​റ്റ​ത്തി​ൽ പൊ​രു​ത്ത​ക്കേ​ടു​ണ്ടാ​വു​ക​യും ചെ​യ്ത​തോ​ടെ​യാ​ണ് ല​ഹ​രി​യു​ടെ സൂ​ച​ന ല​ഭി​ച്ച​ത്.

പി​ന്നാ​ലെ കൗ​ൺ​സ​ലി​ങ് ന​ൽ​കു​ക​യും ഡി ​അ​ഡി​ക്ഷ​ൻ സെ​ന്റ​റി​ൽ പ്ര​വേ​ശി​പ്പി​ക്കു​ക​യു​മാ​യി​രു​ന്നു. ഇ​തി​നി​ടെ പി​താ​വ് താ​മ​സി​ക്കു​ന്ന ബം​ഗ​ളൂ​രു​വി​ലേ​ക്ക് പോ​യ കു​ട്ടി​യെ അ​വി​ടെ​നി​ന്നും ല​ഹ​രി​സം​ഘം ബ​ന്ധ​പ്പെ​ട്ട് കാ​രി​യ​റാ​ക്കു​ക​യും ചെ​യ്തി​രു​ന്നു. സം​ഭ​വ​ത്തി​ൽ ബാ​ലാ​വ​കാ​ശ ക​മീ​ഷ​ൻ പൊ​ലീ​സി​നോ​ട് റി​പ്പോ​ർ​ട്ട് തേ​ടു​ക​യും ജി​ല്ല ശി​ശു​സം​ര​ക്ഷ​ണ ഓ​ഫി​സ​ർ സ്വ​ന്തം നി​ല​യി​ൽ അ​ന്വേ​ഷ​ണ​മാ​രം​ഭി​ക്കു​ക​യും ചെ​യ്തി​ട്ടു​ണ്ട്.

പ​രാ​തി പ​റ​ഞ്ഞി​ട്ടും പൊ​ലീ​സ് ന​ട​പ​ടി സ്വീ​ക​രി​ക്കാ​ത്ത​തി​ൽ വി​മ​ർ​ശ​നം

കോ​ഴി​ക്കോ​ട്: ല​ഹ​രി ഇ​ട​പാ​ടി​ന്റെ​യും ല​ഹ​രി​വ​സ്തു കു​ട്ടി​യു​ടെ കൈ​യി​ലെ​ത്തി​യ​തി​ന്റെ​യും വി​വ​ര​ങ്ങ​ൾ അ​റി​യി​ച്ചി​ട്ടും മെ​ഡി​ക്ക​ൽ കോ​ള​ജ് പൊ​ലീ​സ് ന​ട​പ​ടി സ്വീ​ക​രി​ക്കാ​ഞ്ഞ​ത് വി​മ​ർ​ശ​ന​ങ്ങ​ൾ​ക്കി​ട​യാ​ക്കു​ന്നു. നി​ർ​ണാ​യക വെ​ളി​പ്പെ​ടു​ത്ത​ലു​ക​ൾ ന​ട​ത്തി​യ കു​ട്ടി​യു​ടെ ബാ​ഗി​ൽ​നി​ന്ന് മൂ​ന്നു​മാ​സം മു​മ്പ് ല​ഹ​രി​വ​സ്തു​ക്ക​ൾ കി​ട്ടി​യ​തോ​ടെ കു​ട്ടി​യു​ടെ മാ​താ​വും നാ​ട്ടി​ലെ സാ​മൂ​ഹി​ക പ്ര​വ​ർ​ത്ത​ക​യും മെ​ഡി​ക്ക​ൽ കോ​ള​ജ് പൊ​ലീ​സ് സ്റ്റേ​ഷ​നി​ലെ​ത്തി കാ​ര്യ​ങ്ങ​ൾ പ​റ​ഞ്ഞി​രു​ന്നു.

എ​ന്നാ​ൽ, പൊ​ലീ​സ് വേ​ണ്ട​ത്ര ജാ​ഗ്ര​ത പു​ല​ർ​ത്തു​ക​യോ കേ​സെ​ടു​ക്കു​ക​യോ ചെ​യ്തി​ല്ല. കു​ട്ടി​യു​​ടെ ബാ​ഗി​ൽ​നി​ന്ന് ല​ഭി​ച്ച ല​ഹ​രി സ്റ്റാ​മ്പ് സ​ഹി​ത​മാ​യി​രു​ന്നു ​ബ​ന്ധ​പ്പെ​ട്ട​വ​ർ ​പൊ​ലീ​സ് സ്റ്റേ​ഷ​നി​ലെ​ത്തി​യ​ത്. ഇ​വ​രെ വീ​ട്ടി​ലേ​ക്ക് മ​ട​ക്കി അ​യ​ച്ച​തി​നു​പി​ന്നാ​ലെ ​ജ​ന​മൈ​ത്രി പൊ​ലീ​സ് ഉ​ദ്യോ​ഗ​സ്ഥ​ർ വീ​ട്ടി​ലെ​ത്തു​ക​യും കു​ടും​ബ​ത്തെ ഉ​പ​ദേ​ശി​ക്കു​ക​യും ഇ​തൊ​ന്നും പു​റ​ത്തു​പ​റ​യേ​ണ്ടെ​ന്ന് അ​റി​യി​ക്കു​ക​യു​മാ​യി​രു​ന്നു​വ​ത്രെ.

വി​വ​രം അ​റി​യി​ച്ചി​ട്ടും പൊ​ലീ​സ് ന​ട​പ​ടി സ്വീ​ക​രി​ക്കാ​ത്ത​ത് വ​ലി​യ വീ​ഴ്ച​യാ​ണെ​ന്നാ​ണ് ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. മാ​ത്ര​മ​ല്ല, പൊ​ലീ​സി​ന്റെ ഇ​ത്ത​രം നി​ല​പാ​ടു​ക​ളാ​ണ് ല​ഹ​രി​സം​ഘ​ങ്ങ​ൾ​ക്ക് വി​ദ്യാ​ർ​ഥി​ക​ളെ​യ​ട​ക്കം ക​ണ്ണി​ചേ​ർ​ക്കാ​ൻ സ​ഹാ​യ​മാ​കു​ന്ന​തെ​ന്നു​മാ​ണ് പ​രാ​തി.