ആളൊഴുക്ക് തുടരുമ്പോഴും ആധുനികമാവാതെ മേഖല ശാ​സ്​​ത്രകേന്ദ്രം

കോ​ഴി​ക്കോ​ട്: മ​റ്റൊ​രു മ​ധ്യ വേ​ന​ല​വ​ധി കൂ​ടി വ​ന്ന​തോ​ടെ കേ​ന്ദ്ര സ​ർ​ക്കാ​റി​ന്‍റെ നാ​ഷ​ന​ൽ കൗ​ൺ​സി​ൽ ഓ​ഫ്​ സ​യ​ൻ​സ്​ മ്യൂ​സി​യ​ത്തി​ന്​ കീ​ഴി​ലു​ള്ള 26 ശാ​സ്​​ത്ര​കേ​ന്ദ്ര​ങ്ങ​ളി​ൽ കേ​ര​ള​ത്തി​ലു​ള്ള ഏ​ക കേ​ന്ദ്ര​മാ​യ കോ​ഴി​ക്കോ​ട് മേ​ഖ​ല ശാ​സ്ത്ര​കേ​ന്ദ്ര​ത്തി​ലേ​ക്ക് കാ​ഴ്ച​ക്കാ​രു​ടെ ഒ​ഴു​ക്ക് തു​ട​ങ്ങി. റ​മ​ദാ​ൻ വ്ര​തം കൂ​ടി ക​ഴി​ഞ്ഞാ​ൽ വ​ൻ തി​ര​ക്കാ​ണ് കേ​ന്ദ്ര​ത്തി​ൽ പ്ര​തീ​ക്ഷി​ക്കു​ന്ന​ത്. 1997ജ​നു​വ​രി 30ന്​​ ​മു​ഖ്യ​മ​ന്ത്രി ഇ.​കെ. നാ​യ​നാ​ർ 5.6 ഏ​ക്ക​ർ സ്ഥ​ല​ത്ത് തു​റ​ന്നു​ കൊ​ടു​ത്ത​ശേ​ഷം 90 ല​ക്ഷ​ത്തോ​ളം പേ​ർ കേ​ന്ദ്ര​ത്തി​ലെ​ത്തി​യെ​ന്നാ​ണ്​ ക​ണ​ക്ക്​. കോ​വി​ഡി​ന് ശേ​ഷം കാ​ഴ്ച​ക്കാ​രി​ൽ ന​ല്ല വ​ർ​ധ​ന​യു​ണ്ട്. ആ​ളും വ​രു​മാ​ന​വും കൂ​ടു​മ്പോ​ഴും അ​ത്യാ​വ​ശ്യ​മാ​യ ആ​ധു​നി​ക​വ​ത്ക​ര​ണം കേ​ന്ദ്ര​ത്തി​ൽ ന​ട​ക്കു​ന്നി​ല്ലെ​ന്ന് പ​രാ​തി​യു​ണ്ട്. പ്ലാ​ന​റ്റേ​റി​യ​ത്തി​ന് ഓ​രോ ദി​വ​സം ക​ഴി​യു​ന്തോ​റും കാ​ഴ്ച​ക​ൾ മ​ങ്ങി പു​തു​മ ന​ശി​ക്കു​ക​യാ​ണെ​ന്ന് സ​ന്ദ​ർ​ശ​ക​ർ പ​റ​യു​ന്നു. ശാ​സ്ത്രം അ​നു​ദി​നം വ​ള​രു​മ്പോ​ഴും 2012 ൽ ​ന​വീ​ക​രി​ച്ച സം​വി​ധാ​ന​മാ​ണ് ഇ​പ്പോ​ഴും കേ​ന്ദ്ര​ത്തി​ലു​ള്ള​ത്. ഇ​ത് പു​തു​ക്കേ​ണ്ട കാ​ലം അ​തി​ക്ര​മി​ച്ചു. 10 വ​ർ​ഷ​ത്തി​നി​ട​ക്കെ​ങ്കി​ലും ഇ​ത്ത​രം സം​വി​ധാ​ന​ങ്ങ​ൾ മാ​റ്റാ​റു​ണ്ട്. ഇ​ല​ക്ട്രോ​ണി​ക് സം​വി​ധാ​ന​ങ്ങ​ളും മ​റ്റും കാ​ല​ഹ​ര​ണ​പ്പെ​ട്ടു. കേ​ന്ദ്ര​ത്തോ​ട് അ​നു​ബ​ന്ധി​ച്ച് പ്ര​വ​ർ​ത്തി​ക്കു​ന്ന മൊ​ബൈ​ൽ പ്ര​ദ​ർ​ശ​ന സം​വി​ധാ​ന​വും കാ​ല​ഹ​ര​ണ​പ്പെ​ട്ടു.

ന​വീ​ക​ര​ണ​ത്തി​ന് പ​ദ്ധ​തി​ക​ൾ സ​മ​ർ​പ്പി​ച്ച​താ​യാ​ണ് അ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ കാ​ര്യ​ങ്ങ​ൾ ഇ​ഴ​ഞ്ഞ് നീ​ങ്ങു​ന്നു. ഈ ​നി​ല തു​ട​ർ​ന്നാ​ൽ മെ​ല്ലെ മെ​ല്ലെ ആ​ളു​ക​ൾ പ്ലാ​ന​റ്റേ​റി​യം ഒ​ഴി​വാ​ക്കി പോ​കാ​നു​ള്ള സാ​ധ്യ​ത​യു​ണ്ട്. പ്ലാ​ന​റ്റേ​റി​യം, ത്രീ​ഡി തി​യ​റ്റ​ർ എ​ന്നി​വ​ക്കൊ​പ്പം സ​മു​ദ്ര ഗാ​ല​റി, ജ്യോ​തി​ശാ​സ്ത്ര ഗാ​ല​റി, മി​റ​ർ മാ​​ജി​ക്, ഫ​ൺ സ​യ​ൻ​സ്, സ​യ​ൻ​സ് പാ​ർ​ക്ക് എ​ന്നീ പ്ര​ദ​ർ​ശ​ന​ങ്ങ​ളും മേ​ഖ​ലാ ശാ​സ്ത്ര​കേ​​ന്ദ്ര​ത്തി​ലു​ണ്ട്. പു​രാ​ത​ന കാ​ല​ത്തെ മൃ​ഗ​ങ്ങ​ളു​ടെ മാ​തൃ​ക​യു​ള്ള പ്രീ ​ഹി​സ്റ്റോ​റി​ക് കോ​ർ​ണ​ർ, ഓ​ഡി​റ്റോ​റി​യം തു​ട​ങ്ങി​യ​വ​യു​മു​ണ്ട്. 70 രൂ​പ​യാ​ണ് മൊ​ത്തം കാ​ണാ​നു​ള്ള പ്ര​വേ​ശ​ന ഫീ​സ്.

വി​ദ്യാ​ഭ്യാ​സ സ്ഥാ​പ​ന​ങ്ങ​ൾ വ​ഴി​യെ​ത്തു​ന്ന​വ​ർ​ക്ക് 35 രൂ​പ മ​തി. കോ​ഴി​ക്കോ​ട് ക​ഴി​ഞ്ഞാ​ൽ ബം​ഗ​ളൂ​രു, ഗു​ൽ​ബ​ർ​ഗ, തി​രു​നെ​ൽ​വേ​ലി, തി​രു​പ്പ​തി എ​ന്നി​വി​ട​ങ്ങ​ളി​ലാ​ണ് നാ​ഷ​ന​ൽ കൗ​ൺ​സി​ൽ ഓ​ഫ്​ സ​യ​ൻ​സ്​ മ്യൂ​സി​യ​ത്തി​ന്​ കീ​ഴി​ലു​ള്ള തൊ​ട്ട​ടു​ത്തു​ള്ള മ​റ്റ് കേ​ന്ദ്ര​ങ്ങ​ൾ.