ഇ​താ​ണ് കേ​ര​ള​ത്തി​ലെ ആ​ദ്യ​ത്തെ സ്​​പെ​ഷ​ൽ സൂ​പ്പ​ർ മാ​ർ​ക്ക​റ്റ്

പാ​ലേ​രി: ക​ടി​യ​ങ്ങാ​ട് ത​ണ​ൽ-​ക​രു​ണ കാ​മ്പ​സി​ൽ വ്യാ​ഴാ​ഴ്ച ഒ​രു വേ​റി​ട്ട സൂ​പ്പ​ർ മാ​ർ​ക്ക​റ്റ് തു​റ​ക്കും. ഭി​ന്ന​ശേ​ഷി​ക്കാ​ർ നേ​രി​ട്ട് ന​ട​ത്തു​ന്ന കേ​ര​ള​ത്തി​ലെ ആ​ദ്യ​ത്തെ സൂ​പ്പ​ർ​മാ​ർ​ക്ക​റ്റ് ആ​ണ് ക​ടി​യ​ങ്ങാ​ട് കാ​മ്പ​സി​ൽ പ്ര​വ​ർ​ത്ത​നം ആ​രം​ഭി​ക്കു​ന്ന​ത്.

ഭി​ന്ന​ശേ​ഷി​യു​ള്ള​വ​രു​ടെ ഉ​ന്ന​മ​നം ല​ക്ഷ്യ​മാ​ക്കി ആ​രം​ഭി​ക്കു​ന്ന ഈ ​മി​നി സൂ​പ്പ​ർ മാ​ർ​ക്ക​റ്റി​ന്റെ പൂ​ർ​ണ​നി​യ​ന്ത്ര​ണം ത​ണ​ൽ ക​രു​ണ സ്കൂ​ൾ വൊ​ക്കേ​ഷ​ന​ൽ വി​ദ്യാ​ർ​ഥി​ക​ളാ​ണ് നി​ർ​വ​ഹി​ക്കു​ന്ന​ത്. ഇ​തി​ന്റെ ലാ​ഭം മു​ഴു​വ​ൻ കു​ട്ടി​ക​ൾ​ക്കു​ത​ന്നെ​യാ​ണ് വീ​തി​ച്ചു​ന​ൽ​കു​ക​യെ​ന്ന​തും പ്ര​ധാ​ന​മാ​ണ്.

കു​ട്ടി​ക​ൾ നി​ർ​മി​ച്ച നി​ര​വ​ധി സാ​ധ​ന​ങ്ങ​ളും ഇ​വി​ടെ വി​ൽ​പ​ന​ക്കു​ണ്ട്. ഭി​ന്ന​ശേ​ഷി സൗ​ഹൃ​ദ​സ​മൂ​ഹം രൂ​പ​പ്പെ​ടു​ത്തു​ക​യും അ​തു​വ​ഴി വി​വി​ധ മേ​ഖ​ല​ക​ളി​ൽ വേ​ർ​തി​രി​വു​ക​ൾ കൂ​ടാ​തെ ഇ​ട​പെ​ടാ​ൻ സാ​ധി​ക്കു​ക​യും ചെ​യ്യു​ന്നു എ​ന്ന​താ​ണ് ഈ ​സം​രം​ഭ​ത്തി​ന്റെ സ​വി​ശേ​ഷ​ത. ഭി​ന്ന​ശേ​ഷി​ക്കാ​രെ സം​ര​ക്ഷി​ക്കു​ന്ന മാ​തൃ​കാ ചു​വ​ടു​വെ​പ്പി​ന് നാ​ടും നാ​ട്ടു​കാ​രും സ​ജീ​വ പി​ന്തു​ണ​യു​മാ​യി മു​ന്നി​ലു​ണ്ട്. വ്യാ​ഴാ​ഴ്ച 11ന് ​ഡോ. സ​ചി​ത്തും ത​ണ​ൽ വി​ദ്യാ​ർ​ഥി​ക​ളും ഉ​ദ്ഘാ​ട​നം ചെ​യ്യും. വ്യ​വ​സാ​യി ടി.​ടി.​കെ. അ​മ്മ​ദ് ഹാ​ജി ആ​ദ്യ​വി​ൽ​പ​ന ന​ട​ത്തും.