ഡോക്ടർമാർക്ക് സംഭവിക്കുന്ന വീഴ്ച: അന്വേഷണങ്ങൾക്ക് അകാലമരണം

കോ​ഴി​ക്കോ​ട്: ഡോ​ക്ട​ർ​മാ​ർ കു​റ്റ​ക്കാ​രാ​വു​ന്ന കേ​സു​ക​ളി​ൽ എ​ല്ലാ അ​ന്വേ​ഷ​ണ​ങ്ങ​ളും കാ​റ്റാ​യി​പ്പോ​വു​ന്ന അ​വ​സ്ഥ. സ​ർ​ക്കാ​ർ-​സ്വ​കാ​ര്യ ആ​ശു​പ​ത്രി​ക​ൾ എ​ന്ന വ്യ​ത്യാ​സ​മി​ല്ല ഈ ​പ്ര​വ​ണ​ത​ക്ക്. കോ​ഴി​ക്കോ​ട് മെ​ഡി. കോ​ള​ജു​മാ​യി ബ​ന്ധ​പ്പെ​ട്ട സം​ഭ​വ​ങ്ങ​ളും മാ​വൂ​ർ റോ​ഡ് നാ​ഷ​ന​ൽ ആ​ശു​പ​​ത്രി​യി​ൽ ഈ​യ​ടു​ത്ത കാ​ല​ത്തു​ണ്ടാ​യ കാ​ല് മാ​റി ശ​സ്ത്ര​ക്രി​യ​കേ​സും ഇ​തി​നു​ദാ​ഹ​ര​ണ​മാ​ണ്.

മെ​ഡി. കോ​ള​ജി​ലെ മാ​തൃ​ശി​ശു സം​ര​ക്ഷ​ണ​കേ​ന്ദ്ര​ത്തി​ൽ അ​ഞ്ചു വ​ർ​ഷം മു​മ്പ് യു​വ​തി​യു​ടെ വ​യ​റ്റി​ൽ ശ​സ്ത്ര​ക്രി​യോ​പ​ക​ര​ണം മ​റ​ന്നു​വെ​ച്ച സം​ഭ​വ​ത്തി​ൽ യു​വ​തി​യു​ടെ പ​രാ​തി​യി​ൽ കു​റ്റ​ക്കാ​രെ ക​​ണ്ടെ​ത്താ​ൻ പ്ര​യാ​സ​മാ​ണെ​ന്നാണ് ആ​രോ​ഗ്യ​വ​കു​പ്പ് മ​ന്ത്രി​യു​ടെ വാ​ക്കു​ക​ൾ ന​ൽ​കു​ന്ന സൂ​ച​ന.

ത​ൽ​ക്കാ​ലം ന​ഷ്ട​പ​രി​ഹാ​രം ന​ൽ​കി പ​രാ​തി​ക്കാ​രി​യു​ടെ പ്ര​തി​ഷേ​ധം ഒ​തു​ക്കാ​നു​ള്ള നീ​ക്ക​മാ​ണ് ന​ട​ക്കു​ന്ന​ത്. വ​ലി​യ വി​വാ​ദ​മാ​യ കേ​സാ​യി​ട്ടു​പോ​ലും ആ​രോ​ഗ്യ​വ​കു​പ്പ് നി​സ്സാ​ര​മാ​യാ​ണ് കേ​സ് കൈ​കാ​ര്യം ​ ചെ​യ്ത​തെ​ന്ന വി​മ​ർ​ശ​ന​മു​യ​ർ​ന്നി​ട്ടു​ണ്ട്. ഹ​ർ​ഷി​ന എ​ന്ന യു​വ​തി സ​മ​ര​ത്തി​നി​റ​ങ്ങു​​മ്പോ​ൾ സ​ർ​ക്കാ​ർ ഇ​ട​പെ​ടു​ന്ന അ​വ​സ്ഥ​യാ​ണ് ര​ണ്ടു ത​വ​ണ ഉ​ണ്ടാ​യ​ത്.

നീ​തി ല​ഭി​ക്കു​ന്നി​ല്ലെ​ന്നു​പ​റ​ഞ്ഞ് യു​വ​തി മൂ​ന്നു മാ​സം മു​മ്പ് മാ​തൃ​ശി​ശു​സം​ര​ക്ഷ​ണ​കേ​ന്ദ്ര​ത്തി​ൽ സ​മ​ര​ത്തി​ന് ത​യാ​റെ​ടു​ത്ത​പ്പോ​ഴാ​ണ് ആ​ദ്യം മ​ന്ത്രി ഇ​ട​പെ​ട്ട​ത്. പു​തി​യ അ​ന്വേ​ഷ​ണ​ക​മീ​ഷ​നെ നി​യോ​ഗി​ക്കു​മെ​ന്നും സ​ർ​ക്കാ​ർ കൂ​ടെ നി​ൽ​ക്കു​മെ​ന്നു​മൊ​ക്കെ മ​ന്ത്രി കൊ​ടു​ത്ത വാ​ക്കി​ൽ വി​ശ്വ​സി​ച്ച് അ​ന്ന് അ​വ​ർ സ​മ​​രം അ​വ​സാ​നി​പ്പി​ച്ചു. പി​ന്നെ മൂ​ന്നു മാ​സം ക​ഴി​യു​മ്പോ​ഴും ഒ​രു വി​വ​ര​വും സ​ർ​ക്കാ​റി​ന്റെ ഭാ​ഗ​ത്തു​നി​ന്നു​ണ്ടാ​യി​ല്ല. ഫെ​ബ്രു​വ​രി 27ന് ​യു​വ​തി മെ​ഡി. കോ​ള​ജി​ന് മു​ന്നി​ൽ സ​ത്യ​ഗ്ര​ഹ​സ​മ​രം തു​ട​ങ്ങി.

ഏ​ഴു ദി​വ​സം നീ​തി തേ​ടി തെ​രു​വി​ൽ ക​ഴി​ഞ്ഞ യു​വ​തി​ക്ക് ന​ഷ്ട​പ​രി​ഹാ​രം വാ​ഗ്ദാ​നം ന​ൽ​കി സ​മ​ര​ത്തി​ൽ​നി​ന്ന് പി​ന്തി​രി​പ്പി​ച്ചി​രി​ക്കു​ക​യാ​ണ്. വ​യ​റ്റി​ൽ കു​ടു​ങ്ങി​യ ശ​സ്ത്ര​ക്രി​യോ​പ​ക​ര​ണ​ത്തി​ന്റെ കാ​ല​പ്പ​ഴ​ക്കം നി​ർ​ണ​യി​ക്കാ​ൻ കേ​ര​ള​ത്തി​ൽ സം​വി​ധാ​ന​മി​ല്ല​ത്രെ. പു​റ​ത്ത​യ​ച്ച് പ​രി​ശോ​ധി​ച്ച് വ​രാ​നൊ​ക്കെ സ​മ​യ​മെ​ടു​ക്കു​​മെ​ന്ന് പ​റ​ഞ്ഞ് ത​ൽ​ക്കാ​ലം ന​ഷ്ട പ​രി​ഹാ​രം ഉ​റ​പ്പു ന​ൽ​കി​യി​രി​ക്കു​ക​യാ​ണ് സ​ർ​ക്കാ​ർ.

ഡോ​ക്ട​ർ​മാ​ർ കു​റ്റ​ക്കാ​രാ​കു​ന്ന കേ​സി​ൽ സ​ർ​ക്കാ​ർ അ​ന്വേ​ഷ​ണം വ​ഴി​മു​ട്ടു​ന്ന​തി​ന് മ​റ്റൊ​രു​ദാ​ഹ​ര​ണം കോ​ഴി​ക്കോ​ട് മെ​ഡി. കോ​ള​ജി​ൽ ത​ന്നെ അ​ടു​ത്ത​കാ​ല​ത്ത് ഉ​ണ്ടാ​യി. മ​രു​ന്ന് കു​ത്തി​വെ​ച്ച​യു​ട​ൻ കൂ​ട​ര​ഞ്ഞി സ്വ​ദേ​ശി​യാ​യ വീ​ട്ട​മ്മ മ​രി​ച്ച സം​ഭ​വ​ത്തി​ൽ ഡോ​ക്ട​ർ​മാ​രു​ടെ​യും ന​ഴ്സി​ന്റെ ഭാ​ഗ​ത്തു​നി​ന്ന് ഗു​രു​ത​ര വീ​ഴ്ച സം​ഭ​വി​ച്ച​താ​യി അ​സി. പൊ​ലീ​സ് ക​മീ​ഷ​ണ​റു​ടെ നേ​തൃ​ത്വ​ത്തി​ൽ ന​ട​ന്ന അ​ന്വേ​ഷ​ണ​ത്തി​ൽ ക​ണ്ടെ​ത്തി.

ഇ​തു സം​ബ​ന്ധി​ച്ച റി​പ്പോ​ർ​ട്ട് പൊ​ലീ​സ് ഡി.​എം.​ഒ​ക്ക് സ​മ​ർ​പ്പി​ച്ചു. മെ​ഡി​ക്ക​ൽ ബോ​ർ​ഡ് രൂ​പ​വ​ത്ക​രി​ച്ച് പ​രി​ശോ​ധി​ക്കു​മെ​ന്ന് പ​റ​ഞ്ഞെ​ങ്കി​ലും പി​ന്നെ അ​തി​നെ കു​റി​ച്ച് ഒ​രു വി​വ​ര​വു​മി​ല്ല.

മാ​വൂ​ർ റോ​ഡ് നാ​ഷ​ന​ൽ ആ​ശു​പ​ത്രി​യി​ൽ രോ​ഗി​യു​ടെ കാ​ൽ​മാ​റി ശ​സ്ത്ര​ക്രി​യ ന​ട​ന്ന സം​ഭ​വ​ത്തി​ൽ ഗു​രു​ത​ര പ​രാ​തി​യാ​ണ് ബ​ന്ധു​ക്ക​ൾ ഉ​ന്ന​യി​ച്ച​ത്. ഇ​നി മെ​ഡി​ക്ക​ൽ ബോ​ർ​ഡ് പ​രി​ശോ​ധി​ച്ച് ഡോ​ക്ട​റു​ടെ വീ​ഴ്ച ക​ണ്ടെ​ത്തി​യാ​ലേ ന​ട​പ​ടി​യു​മാ​യി പൊ​ലീ​സി​ന് മു​ന്നോ​ട്ടു പോ​വാ​നാ​വൂ. ആ​ശു​പ​ത്രി​യു​മാ​യി ബ​ന്ധ​പ്പെ​ട്ട് എ​ന്തു പ​രാ​തി വ​രു​മ്പോ​ഴും അ​ന്വേ​ഷ​ണ​ത്തി​ന് ആ​രോ​ഗ്യ​മ​ന്ത്രി ഉ​ത്ത​ര​വി​ട​ൽ പ​തി​വാ​ണ്. പ​ക്ഷേ, പി​ന്നെ അ​തി​നെ കു​റി​ച്ച് മ​ന്ത്രി​യും മ​റ​ക്കു​ന്ന അ​വ​സ്ഥ​യാ​ണ്.

ഏ​ഴു ദി​വ​സം തെ​രു​വി​ൽ നീ​തി തേ​ടി സ​മ​രം ന​ട​ത്തി​യ പാ​വ​പ്പെ​ട്ട യു​വ​തി​യു​ടെ അ​ടു​ത്ത് അ​നു​ര​ജ്ഞ​ന​ത്തി​ന് വ​രു​​മ്പോ​ൾ അ​വ​രു​ടെ പ​രാ​തി സം​ബ​ന്ധി​ച്ച അ​ന്വേ​ഷ​ണ റി​പ്പോ​ർ​ട്ട് കി​ട്ടി​യി​ട്ടു​​ണ്ടെ​ന്നും വാ​യി​ക്കാ​ൻ സ​മ​യം കി​ട്ടി​യി​ട്ടി​ല്ലെ​ന്നു​മാ​യി​രു​ന്നു ആ​രോ​ഗ്യ​മ​ന്ത്രി മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞ​ത്.