കേന്ദ്രത്തിന് യുവജനങ്ങളെ വഞ്ചിക്കുന്ന നിലപാട് -മന്ത്രി മുഹമ്മദ് റിയാസ്

കോ​ഴി​ക്കോ​ട്: തൊ​ഴി​ലി​​ന്റെ കാ​ര്യ​ത്തി​ലു​ൾ​പ്പെ​ടെ യു​വ​ജ​ന​ങ്ങ​ളെ വ​ഞ്ചി​ക്കു​ന്ന നി​ല​പാ​ടാ​ണ് കേ​ന്ദ്ര സ​ർ​ക്കാ​ർ സ്വീ​ക​രി​ക്കു​ന്ന​തെ​ന്ന് മ​ന്ത്രി പി.​എ. മു​ഹ​മ്മ​ദ് റി​യാ​സ്. ‘പ്ര​ധാ​ന​മ​ന്ത്രി​യോ​ട് നൂ​റ് ചോ​ദ്യ​ങ്ങ​ൾ’ എ​ന്ന മു​ദ്രാ​വാ​ക്യ​മു​യ​ർ​ത്തി ഡി.​വൈ.​എ​ഫ്.​ഐ ജി​ല്ല ക​മ്മി​റ്റി മു​ത​ല​ക്കു​ള​ത്ത് സം​ഘ​ടി​പ്പി​ച്ച യു​വ​ജ​ന സം​ഗ​മം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

കോ​ടി​ക്ക​ണ​ക്കി​ന് തൊ​ഴി​ൽ ല​ഭ്യ​മാ​ക്കു​മെ​ന്ന് പ​റ​ഞ്ഞ​വ​ർ യു​വ​ജ​ന​ങ്ങ​ളെ വ​ഞ്ചി​ച്ച് പ​ല മേ​ഖ​ല​യി​ലും ക​രാ​ർ വ​ത്ക​ര​ണ​മ​ട​ക്കം ന​ട​പ്പാ​ക്കി​യി​രി​ക്കു​ക​യാ​ണ്. രാ​ജ്യ​ത്തെ യു​വ​ജ​ന​ങ്ങ​ൾ നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി തൊ​ഴി​ലി​ല്ലാ​യ്മ​യാ​ണ്. ഇ​തി​ന്റെ നി​ര​ക്ക് ഓ​രോ വ​ർ​ഷ​വും കൂ​ടി​ക്കൂ​ടി വ​രു​ക​യാ​ണ്.

എ​ൽ.​ഡി.​എ​ഫ് സ​ർ​ക്കാ​ർ 1.60 ല​ക്ഷം പേ​ർ​ക്കാ​ണ് സ​ർ​ക്കാ​ർ ജോ​ലി ല​ഭ്യ​മാ​ക്കി​യ​ത്. മാ​ത്ര​മ​ല്ല പൂ​ട്ടി​ക്കി​ട​ന്ന പ​ല പൊ​തു​മേ​ഖ​ല സ്ഥാ​പ​ന​ങ്ങ​ളും തു​റ​ന്ന് രാ​ജ്യ​ത്തി​നു​ത​ന്നെ മാ​തൃ​ക​യാ​യ പ്ര​വ​ർ​ത്ത​ന​ങ്ങ​ളാ​ണ് കേ​ര​ള​സ​ർ​ക്കാ​ർ ന​ട​ത്തു​ന്ന​ത്. തൊ​ഴി​ലു​റ​പ്പ് പ​ദ്ധ​തി കാ​ര്യ​ക്ഷ​മ​മാ​യി ന​ട​ക്കു​ന്ന​ത് കേ​ര​ള​ത്തി​ലാ​​ണെ​ന്നും അ​ദ്ദേ​ഹം പ​റ​ഞ്ഞു.

രാ​ജ്യ​ത്തി​ന്റെ വൈ​വി​ധ്യ​ങ്ങ​ളെ ഒ​ന്നൊ​ന്നാ​യി ത​ക​ർ​ക്കു​ക​യാ​ണ്. അ​തി​ന്റെ ഭാ​ഗ​മാ​യി ക​ലാ​പ​ങ്ങ​ളും വി​ഭാ​ഗീ​യ​ത​യും മ​ത വ​ർ​ഗീ​യ​ത​യും പ​ല​ഭാ​ഗ​ത്തും ഉ​ണ്ടാ​വു​ന്നു. പാ​ഠ​പു​സ്ത​ക​ങ്ങ​ളി​ൽ​നി​ന്ന് ഗാ​ന്ധി വ​ധം ഉ​ൾ​പ്പെ​ടെ കേ​ന്ദ്രം ഒ​ഴി​വാ​ക്ക​പ്പെ​ട്ടു. കെ -​റെ​യി​ൽ കേ​ര​ള​ത്തി​ന് അ​നി​വാ​ര്യ​മാ​​ണെ​ന്നും വ​ന്ദേ ഭാ​ര​ത് ട്രെ​യി​നി​ന് കെ ​റെ​യി​ലി​ന്റെ ബ​ദ​ലാ​കാ​നാ​വി​ല്ലെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ജി​ല്ല പ്ര​സി​ഡ​ന്റ് എ​ൽ.​ജി. ലി​ജീ​ഷ് അ​ധ്യ​ക്ഷ​ത വ​ഹി​ച്ചു. എം. ​വി​ജി​ൻ എം.​എ​ൽ.​എ, കെ.​എം. സ​ചി​ൻ​ദേ​വ് എം.​എ​ൽ.​എ, കെ.​ഇ.​എ​ൻ. കു​ഞ്ഞ​ഹ​മ്മ​ദ്, കെ.​പി. രാ​മ​നു​ണ്ണി, കെ.​കെ. ല​തി​ക, എ​സ്.​കെ. സ​ജീ​ഷ്, കെ.​കെ. ദി​നേ​ശ​ൻ, പി.​സി. ഷൈ​ജു തു​ട​ങ്ങി​യ​വ​ർ സം​സാ​രി​ച്ചു.