കൊടുവള്ളിയിൽ ഗുണ്ടാസംഘങ്ങളുടെ ആക്രമണം തുടർക്കഥ

കൊ​ടു​വ​ള്ളി: കേ​ട്ടു​കേ​ൾ​വി മാ​ത്ര​മാ​യി​രു​ന്ന ഗു​ണ്ടാ​സം​ഘ​ങ്ങ​ളു​ടെ ആ​ക്ര​മ​ണ​ങ്ങ​ൾ കൊ​ടു​വ​ള്ളി പൊ​ലീ​സ് സ്റ്റേ​ഷ​ൻ പ​രി​ധി​യി​ലും തു​ട​ർ​ക്ക​ഥ​യാ​വു​ന്നു. മി​ക്ക​പ്പോ​ഴും പ​ണ​മി​ട​പാ​ടു​മാ​യും മ​റ്റും ബ​ന്ധ​പ്പെ​ട്ട ത​ർ​ക്ക​ങ്ങ​ളാ​ണ് അ​ക്ര​മ​സം​ഭ​വ​ങ്ങ​ളി​ലേ​ക്ക് വ​ഴി​വെ​ക്കു​ന്ന​ത്. നാ​ട്ടി​ൻ​പു​റ​ങ്ങ​ളി​ല​ട​ക്ക​മു​ള്ള​വ​ർ ഇ​ത്ത​രം സം​ഘ​ങ്ങ​ളി​ൽ ഉ​ൾ​പ്പെ​ട്ടി​ട്ടു​ണ്ടെ​ന്നാ​ണ് വി​വ​രം. അ​ടു​ത്ത കാ​ല​ങ്ങ​ളി​ൽ വി​വി​ധ അ​ക്ര​മ​ക്കേ​സു​ക​ളി​ൽ പ്ര​തി​ക​ളാ​യി പി​ടി​ക്ക​പ്പെ​ട്ട​വ​രു​ടെ ബ​ന്ധ​ങ്ങ​ൾ ഇ​തി​ലേ​ക്കാ​ണ് എ​ത്തു​ന്ന​ത്.

കൊ​ടു​വ​ള്ളി സ്റ്റേ​ഷ​ൻ പ​രി​ധി​യി​ൽ മാ​ത്രം ഏ​താ​നും മാ​സ​ത്തി​നി​ടെ അ​ഞ്ചി​ലേ​റെ അ​ക്ര​മ​സം​ഭ​വ​ങ്ങ​ളി​ലാ​ണ് പൊ​ലീ​സ് കേ​സെ​ടു​ത്ത​ത്. ഇ​തി​ൽ അ​വ​സാ​ന​മാ​യി ന​ട​ന്ന​ത് ഏ​പ്രി​ൽ 27ന് ​വെ​ണ്ണ​ക്കാ​ട് വി​വാ​ഹ പാ​ർ​ട്ടി സ​ഞ്ച​രി​ച്ച ബ​സ് നാ​ലം​ഗ ഗു​ണ്ടാ​സം​ഘം അ​ടി​ച്ച് ത​ക​ർ​ത്ത​താ​ണ്.

ഇ​തി​ൽ കു​പ്ര​സി​ദ്ധ കു​റ്റ​വാ​ളി കാ​സ​ർ​കോ​ട് ഭീ​മ​ന​ടി ഒ​റ്റ​ത്തെ​യ്യി​ൽ വീ​ട്ടി​ൽ ഒ.​ടി. ഷ​മീ​ർ (ആ​ട് ഷ​മീ​ർ-34), കാ​സ​ർ​കോ​ട് കൊ​ള​വ​യ​ൽ, സു​മ​യ്യ മ​ൻ​സി​ലി​ൽ അ​ബ്ദു​ൽ അ​സീ​സ് (31), തി​രു​വ​ന​ന്ത​പു​രം നെ​ടു​മ​ങ്ങാ​ട് ചെ​റ്റ​ച്ച​ൽ ആ​ഷ്ന മ​ൻ​സി​ൽ അ​മീ​ൻ അ​ജ്‌​മ​ൽ (25) എ​ന്നി​വ​രാ​ണ് പി​ട​യി​ലാ​യ​ത്. കോ​ട​തി റി​മാ​ൻ​ഡ് ചെ​യ്ത ഇ​വ​രെ കൊ​ഴി​ക്കോ​ട് സ​ബ് ജ​യി​ലി​ലേ​ക്കാ​ണ് മാ​റ്റി​യ​ത്.

കേ​സി​ൽ ഒ​ളി​വി​ൽ​പോ​യ തി​രു​വ​ന​ന്ത​പു​രം ചി​റ​യി​ൻ​കീ​ഴ് സ്വ​ദേ ശി ​അ​മ​ൽ എ​ന്ന കി​ടു​ക്കി​നെ (25) പി​ടി​കൂ​ടാ​നു​ണ്ട്. ഇ​യാ​ൾ​ക്കാ​യി അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്.

2025 ഫെ​ബ്രു​വ​രി 17നാ​ണ് പു​ത്തൂ​ർ അ​മ്പ​ലം​ക​ണ്ടി​യി​ലെ സ്ഥാ​പ​ന​ത്തി​ൽ​നി​ന്ന് ഭ​ക്ഷ​ണം ക​ഴി​ക്കാ​നെ​ന്ന പേ​രി​ൽ കാ​റി​ൽ യു​വാ​വി​നെ ക​യ​റ്റി​ക്കൊ​ണ്ടു​പോ​യി മ​ർ​ദി​ച്ച് വ​ഴി​യി​ൽ ഇ​റ​ക്കി​വി​ട്ട സം​ഭ​വം ന​ട​ന്ന​ത്. 2024 ഡി​സം​ബ​ർ 24നാ​ണ് കി​ഴ​ക്കോ​ത്ത് താ​നി​ക്ക​ൽ മു​ഹ​മ്മ​ദ്‌ സാ​ലി​ക്ക് (41) രാ​ത്രി​യി​ൽ സാ​ലി​യു​ടെ ഉ​ട​മ​സ്ഥ​ത​യി​ലു​ള്ള ഈ​സ്റ്റ് കി​ഴ​ക്കോ​ത്ത് കെ​ട്ടി​ട​ത്തി​ൽ​വെ​ച്ച് ഇ​ന്നോ​വ കാ​റി​ലെ​ത്തി​യ അ​ജ്ഞാ​ത​സം​ഘ​ത്തി​ന്റെ വെ​ട്ടേ​റ്റ​ത്. 2024 ആ​ഗ​സ്റ്റി​ലാ​ണ് വാ​വാ​ട് സെ​ന്റ​ർ ക​പ്പ​ലാം കു​ഴി​യി​ൽ എ​ട്ടാം ക​ണ്ട​ത്തി​ൽ താ​മ​സി​ക്കു​ന്ന മു​ഹ​മ്മ​ദ് നി​സാ​ബി​നെ (27) കാ​റി​ലെ​ത്തി​യ ര​ണ്ടം​അം​ഗ സം​ഘം വീ​ട്ടി​ൽ ക​യ​റി വ​ടി​വാ​ൾ​കൊ​ണ്ട് വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മം ന​ട​ന്ന​ത്.

വാ​വാ​ട് എ​ര​ഞ്ഞോ​ണ സ്വ​ദേ​ശി​യാ​യ യു​വാ​വി​ന് നേ​രെ​യും രാ​ത്രി​യി​ൽ അ​ജ്ഞാ​ത​സം​ഘ​ത്തി​ന്റെ ആ​ക്ര​മ​ണ​മു​ണ്ടാ​യി​രു​ന്നു. തൃ​ശൂ​രി​ലു​ള്ള മോ​ഷ​ണ​സം​ഘ​മാ​ണ് ക്വ​ട്ടേ​ഷ​ൻ ഏ​റ്റെ​ടു​ത്ത് ജ്വ​ല്ല​റി ഉ​ട​മ​യെ ക​ത്തി​കാ​ട്ടി കാ​റി​ടി​പ്പി​ച്ച് സ്വ​ർ​ണം ക​വ​ർ​ച്ച ചെ​യ്ത​ത്. എ​ളേ​റ്റി​ൽ വ​ട്ടോ​ളി​യി​ലും വ്യാ​പാ​രി​യെ ത​ട്ടി​ക്കൊ​ണ്ട് പോ​യി മ​ർ​ദി​ച്ച് പ​രി​ക്കേ​ൽ​പി​ച്ച സം​ഭ​വ​മു​ണ്ടാ​യി​രു​ന്നു. ഇ​തി​ൽ മി​ക്ക കേ​സു​ക​ളും പ​ണ​മി​ട​പാ​ടു​മാ​യി ബ​ന്ധ​പ്പെ​ട്ട​താ​ണ്. നാ​ട്ടി​ൽ വ​ർ​ധി​ച്ചു​വ​രു​ന്ന ഗു​ണ്ടാ​സം​ഘ​ങ്ങ​ളു​ടെ ആ​ക്ര​മ​ണ​ങ്ങ​ൾ നി​യ​മ​പാ​ല​ക​ർ ത​ട​യ​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.