തുഷാരഗിരി സംരക്ഷണം: വനംവകുപ്പ് ഉന്നത ഉദ്യോഗസ്ഥരും ജനപ്രതിനിധികളും സ്ഥലം സന്ദർശിച്ചു

താ​മ​ര​ശ്ശേ​രി (കോഴിക്കോട്​): തു​ഷാ​ര​ഗി​രി വ​നം​വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ച്ചു. ലി​ൻ​റോ ജോ​സ​ഫ് എം.​എ​ൽ.​എ, ഫോ​റ​സ്​​റ്റ്​ ചീ​ഫ് ക​ൺ​സ​ർ​വേ​റ്റ​ർ വി​നോ​ദ്കു​മാ​ർ, ഡി.​എ​ഫ്.​ഒ രാ​ജീ​വ്, സി.​ടി.​പി.​സി സെ​ക്ര​ട്ട​റി ബീ​ന തു​ട​ങ്ങി​യ​വ​രാ​ണ് ചൊ​വ്വാ​ഴ്ച തു​ഷാ​ര​ഗി​രി സ​ന്ദ​ർ​ശി​ച്ച​ത്. തു​ഷാ​ര​ഗി​രി വി​നോ​ദ​സ​ഞ്ചാ​ര കേ​ന്ദ്രം സം​ര​ക്ഷി​ക്കു​ന്ന​തി​നു​വേ​ണ്ട എ​ല്ലാ ന​ട​പ​ടി​ക​ളും സ്വീ​ക​രി​ക്കു​മെ​ന്നും പ്ര​കൃ​തി​ദ​ത്ത​മാ​യ സ്വാ​ഭാ​വി​ക​ത നി​ല​നി​ർ​ത്തു​ക​യാ​ണ് മു​ഖ്യ​ല​ക്ഷ്യ​മെ​ന്നും എം.​എ​ൽ.​എ​യും വ​നം വ​കു​പ്പ് അ​ധി​കൃ​ത​രും പ​റ​ഞ്ഞു.

2001ൽ ​ഇ.​എ​ഫ്.​എ​ൽ ആ​യി സ​ർ​ക്കാ​ർ ഏ​റ്റെ​ടു​ത്ത ഭൂ​മി അ​ഞ്ച്​ സ്വ​കാ​ര്യ​വ്യ​ക്തി​ക​ൾ സു​പ്രീം​കോ​ട​തി​യെ സ​മീ​പി​ച്ച് അ​നു​കൂ​ല വി​ധി സ​മ്പാ​ദി​ച്ച​തി​നാ​ൽ 24 ഏ​ക്ക​ർ തി​രി​ച്ചു​ന​ൽ​കു​ന്ന​തി​ന് വി​ധി പു​റ​പ്പെ​ടു​വി​ച്ച സാ​ഹ​ച​ര്യ​ത്തി​ലാ​ണ് വ​നം വ​കു​പ്പ് സ​ന്ദ​ർ​ശ​നം. 160 ഏ​ക്ക​ർ ഏ​റ്റെ​ടു​ത്ത​തി​ൽ 24 ഏ​ക്ക​റി​ലാ​ണ് സു​പ്രീം​കോ​ട​തി വി​ധി വ​ന്ന​ത്.

വ​നം​വ​കു​പ്പി​ൻെ​റ ടി​ക്ക​റ്റ് കൗ​ണ്ട​റി​ന് താ​ഴെ, ര​ണ്ടാം വെ​ള്ള​ച്ചാ​ട്ട​ത്തി​ന് സ​മീ​പം എ​ന്നി​വി​ട​ങ്ങ​ളി​ലെ സ്ഥ​ലം സ്വ​കാ​ര്യ വ്യ​ക്തി​ക​ൾ​ക്ക് തി​രി​ച്ചു പോ​യാ​ൽ പ്ര​തി​സ​ന്ധി​യാ​വു​മെ​ന്നും അ​തു സം​ര​ക്ഷി​ക്കാ​ൻ ക​ഴി​യേ​ണ്ട​തു​ണ്ടെ​ന്നും യോ​ഗ​ത്തി​ൽ പ​ങ്കെ​ടു​ത്ത ജ​ന​പ്ര​തി​നി​ധി​ക​ൾ പ​റ​ഞ്ഞു. പ്ര​കൃ​തി​സം​ര​ക്ഷ​ണ സ​മി​തി, വ​ന​സം​ര​ക്ഷ​ണ സ​മി​തി, ക​ർ​ഷ​ക​ർ എ​ന്നി​വ​രു​ടെ അ​ഭി​പ്രാ​യ​ങ്ങ​ളും നി​ർ​ദേ​ശ​ങ്ങ​ളും ഉ​ദ്യോ​ഗ​സ്ഥ​ർ ആ​രാ​ഞ്ഞു.