താമരശ്ശേരി ചുരത്തിൽ കാർ തടഞ്ഞു കവർച്ച: ഒരാൾകൂടി പിടിയിൽ

താ​മ​ര​ശ്ശേ​രി: താ​മ​ര​ശ്ശേ​രി ചു​ര​ത്തി​ൽ കാ​ർ ത​ട​ഞ്ഞു​നി​ർ​ത്തി 68 ല​ക്ഷം ക​വ​ർ​ന്ന സം​ഘ​ത്തി​ലെ ഒ​രാ​ളെ​ക്കൂ​ടി അ​ന്വേ​ഷ​ണ​സം​ഘം അ​റ​സ്റ്റു ചെ​യ്തു.എ​റ​ണാ​കു​ളം കോ​ട്ട​പ്പ​ടി തെ​ക്കെ​ട​ത്തു വീ​ട്ടി​ൽ ജി​ജോ സാ​ജു (31) വി​നെ​യാ​ണ് എ​റ​ണാ​കു​ളം പെ​രു​മ്പാ​വൂ​ർ കോ​ട്ട​പ്പ​ടി​വെ​ച്ച് പൊ​ലീ​സ് പി​ടി​കൂ​ടി​യ​ത്.ക​ഴി​ഞ്ഞ വ​ർ​ഷം ഡി​സം​ബ​ർ 13ന് ​രാ​വി​ലെ​ ചു​രം ഒ​മ്പ​താം വ​ള​വി​നും എ​ട്ടാം വ​ള​വി​നും ഇ​ട​യി​ലാണ് സംഭവം നടന്നത്.

കൊടുവള്ളിയിൽ നിന്ന് സ്വർണം വാങ്ങാൻ മൈസുരുവിൽ നിന്ന് കാ​റി​ൽ വ​ന്ന മ​ഹാ​രാ​ഷ്ട്ര സ്വ​ദേ​ശി​യും മൈ​സൂ​രു​വി​ൽ താ​മ​സ​ക്കാ​ര​നു​മാ​യ വി​ശാ​ൽ ഭ​ഗ​ത് മ​ട്‌​ക​രി എ​ന്നാ​ളെ നാ​ല് കാ​റു​ക​ളി​ലാ​യി വ​ന്ന ക​വ​ർ​ച്ച സം​ഘം ത​ട​ഞ്ഞു​നി​ർ​ത്തി മ​ർ​ദി​ച്ച​ശേ​ഷം 68 ല​ക്ഷം രൂ​പ​യു​മാ​യി ക​ട​ന്നു​ക​ള​യുകയായിരുന്നു.

നി​ര​വ​ധി സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ച് അ​ന്വേ​ഷ​ണം ന​ട​ത്തി​യ പൊ​ലീ​സ് എ​ട്ട് പ്ര​തി​ക​ളെ​യും ഇ​തി​ന​കം പി​ടി​കൂ​ടി​യി​രു​ന്നു. തൃ​ശൂ​ർ, എ​റ​ണാ​കു​ളം കേ​ന്ദ്രീ​ക​രി​ച്ചു​ള്ള കു​ഴ​ൽ​പ്പ​ണ ക​വ​ർ​ച്ച സം​ഘ​ത്തി​ൽ​പെ​ട്ട​വ​രാ​ണ് ക​വ​ർ​ച്ച ആ​സൂ​ത്ര​ണം ചെ​യ്ത​ത്. ഇ​പ്പോ​ൾ പി​ടി​യി​ലാ​യ ജി​ജോ സാ​ജു ക​ഴി​ഞ്ഞ​വ​ർ​ഷം കോ​യ​മ്പ​ത്തൂ​രി​ൽ ന​ട​ന്ന ഹൈ​വേ ക​വ​ർ​ച്ച​യി​ലും പ്ര​തി​യാ​ണെ​ന്നും സം​ഭ​വ​ത്തി​ന് ര​ണ്ടു​ദി​വ​സം മു​മ്പ് ഇ​യാ​ൾ ഉ​ൾ​പ്പെ​ട്ട സം​ഘം വ​യ​നാ​ട്ടി​ൽ എ​ത്തി റി​സോ​ർ​ട്ടി​ൽ മു​റി​യെ​ടു​ത്താ​ണ് ക​വ​ർ​ച്ച ആ​സൂ​ത്ര​ണം ചെ​യ്‍ത​തെ​ന്നും പൊ​ലീ​സ് പ​റ​ഞ്ഞു.

വി​ശാ​ൽ ഭ​ഗ​തിനെ പ്രതി ജിജോ സാജു സ്വ​ന്തം കാ​റി​ൽ ബ​ത്തേ​രി മു​ത​ൽ പി​ന്തു​ട​ർ​ന്ന് ന​ൽ​കി​യ വി​വ​രം അ​നു​സ​രി​ച്ചാ​ണ് കൂ​ട്ടാ​ളി​ക​ൾ ചു​ര​ത്തി​ൽ​വെ​ച്ച് കാ​ർ ത​ട​ഞ്ഞു​നി​ർ​ത്തി ക​വ​ർ​ച്ച ന​ട​ത്തി​യ​ത്. ക​വ​ർ​ച്ച​ക്കു​ശേ​ഷം ഇ​യാ​ൾ ത​മി​ഴ്നാ​ട്ടി​ലും ഗോ​വ​യി​ലും ഒ​ളി​ച്ചു​താ​മ​സി​ക്കു​ക​യാ​യി​രു​ന്നു. പ്ര​തി​യെ താ​മ​ര​ശ്ശേ​രി കോ​ട​തി റി​മാ​ൻ​ഡ് ചെ​യ്തു. താ​മ​ര​ശ്ശേ​രി ഡി​വൈ.​എ​സ്.​പി ഇ.​പി. പ്ര​മോ​ദി​ന്റെ നി​ർ​ദേ​ശ​പ്ര​കാ​രം താ​മ​ര​ശ്ശേ​രി ഇ​ൻ​സ്‌​പെ​ക്ട​ർ കെ.​ഒ. പ്ര​ദീ​പാ​ണ് പ്ര​തി​യെ അ​റ​സ്റ്റ് ചെ​യ്ത​ത്.