അറവുമാലിന്യ പ്ലാന്റിനെതിരെ നാട്ടുകാരുടെ പ്രതിഷേധം: ട്രയൽ റൺ നടത്താനായില്ല

താ​മ​ര​ശ്ശേ​രി: പു​തു​പ്പാ​ടി ഗ്രാ​മ​പ​ഞ്ചാ​യ​ത്തി​ലെ കൊ​ട്ടാ​ര​ക്കോ​ത്ത് സ്വ​കാ​ര്യ അ​റ​വു​മാ​ലി​ന്യ പ്ലാ​ന്റി​നെ​തി​രെ സ​മ​രം ന​ട​ത്തു​ന്ന സ്ത്രീ​ക​ൾ ഉ​ൾ​പ്പെ​ടെ​യു​ള്ള നാ​ട്ടു​കാ​ർ പ്ര​തി​ഷേ​ധ​വു​മാ​യി ഉ​പ​രോ​ധി​ച്ച​തോ​ടെ ട്ര​യ​ൽ റ​ൺ ന​ട​ത്താ​നാ​യി​ല്ല. ഹൈ​കോ​ട​തി​യു​ടെ ഉ​ത്ത​ര​വി​നെ തു​ട​ർ​ന്ന് പ്ര​തി​ഷേ​ധ​ക്കാ​രാ​യ 30 പേ​രെ പൊ​ലീ​സ് അ​റ​സ്റ്റു​ചെ​യ്തു നീ​ക്കി​യെ​ങ്കി​ലും നാ​ട്ടു​കാ​രാ​യ നൂ​റു​ക​ണ​ക്കി​നു​പേ​ർ സം​ഘ​ടി​ച്ചെ​ത്തി ഉ​പ​രോ​ധ​വും പ്ര​തി​ഷേ‌‌​ധ​വും തു​ട​ർ​ന്ന​തോ​ടെ സ​മ​ര​ക്കാ​രെ നീ​ക്കാ​നു​ള്ള ശ്ര​മം പൊ​ലീ​സ് ഉ​പേ​ക്ഷി​ച്ചു.

വ്യാ​ഴാ​ഴ്ച രാ​വി​ലെ എ​ട്ടോ​ടെ ത​ന്നെ നാ​ട്ടു​കാ​ർ സ്ഥ​ല​ത്ത് ത​മ്പ​ടി​ച്ചി​രു​ന്നു. 9.30 ഓ​ടെ മ​ലോ​റം കൊ​ട്ടാ​ര​ക്കോ​ത്ത് റോ​ഡി​ൽ റോ​ഡ് ഉ​പ​രോ​ധം തു​ട​ങ്ങി. താ​മ​ര​ശ്ശേ​രി ത​ഹ​സി​ൽ​ദാ​ർ, ഡി​വൈ.​എ​സ്.​പി എ​ന്നി​വ​ർ സ​മ​ര​ക്കാ​രു​മാ​യി സം​സാ​രി​ച്ചെ​ങ്കി​ലും പ്ര​തി​ഷേ​ധ​ത്തി​ൽ നി​ന്നും പി​ന്മാ​റാ​ൻ ത​യാ​റ​ല്ലെ​ന്ന് അ​റി​യി​ച്ച​തോ​ടെ​യാ​ണ് സ​മ​ര​ത്തി​ന് നേ​തൃ​ത്വം ന​ൽ​കു​ന്ന 30 പേ​രെ അ​റ​സ്റ്റ് ചെ​യ്ത് താ​മ​ര​ശ്ശേ​രി പൊ​ലീ​സ് ജാ​മ്യ​ത്തി​ൽ വി​ട്ട​ത്.

അ​റ​സ്റ്റി​ന് ശേ​ഷ​വും പ്ര​ദേ​ശ​ത്ത് പ്ര​തി​ഷേ​ധം തു​ട​ർ​ന്നു. പു​തു​പ്പാ​ടി ഗ്രാ​മ​പ​ഞ്ചാ​യ​ത്ത് മു​ൻ വൈ​സ് പ്ര​സി​ഡ​ന്റ് ഷം​സീ​ർ പോ​ത്താ​റ്റി​ൽ, ഗ്രാ​മ​പ​ഞ്ചാ​യ​ത്ത് അം​ഗം കെ.​ജി. ഗീ​ത, കെ.​സി. വേ​ലാ​യു​ധ​ൻ, വ​ത്സ​ൻ ന​മ്പൂ​രി​കു​ന്ന്, ഷാ​ഫി വ​ള​ഞ്ഞ​പാ​റ, ഉ​ൾ​പ്പെ​ടെ​യു​ള്ള​വ​രെ​യാ​ണ് അ​റ​സ്റ്റ് ചെ​യ്ത് ജാ​മ്യ​ത്തി​ൽ വി​ട്ട​യ​ച്ച​ത്. പ്ലാ​ന്റി​നെ​തി​രെ​യു​ള്ള നാ​ട്ടു​കാ​രു​ടെ പ്ര​തി​ഷേ​ധം ക​ല​ക്ട​ർ, കോ​ട​തി എ​ന്നി​വ​ർ​ക്ക് റി​പ്പോ​ർ​ട്ട് ചെ​യ്യു​മെ​ന്ന് അ​ധി​കൃ​ത​ർ അ​റി​യി​ച്ച​തോ​ടെ​യാ​ണ് നാ​ട്ടു​കാ​രി​ൽ കു​റ​ച്ച് പേ​രെ​ങ്കി​ലും പി​രി​ഞ്ഞു​പോ​യ​ത്.

സ​മ​ര​പ്പ​ന്ത​ലി​ൽ പ്ര​തി​ഷേ​ധ​ക്കാ​ർ തു​ട​ർ​ന്നു. വൈ​കീ​ട്ട് നാ​ല​ര​യോ​ടെ പ്ലാ​ന്റി​ലേ​ക്ക് വി​റ​കു​മാ​യി ലോ​റി വ​ന്ന​ത് വീ​ണ്ടും പ്ര​തി​ഷേ​ധ​ത്തി​നി​ട​യാ​ക്കി. മ​ലോ​റ​ത്ത് വെ​ച്ച് ലോ​റി ത​ട​ഞ്ഞു ചി​ല്ല് ത​ക​ർ​ത്തു. തു​ട​ർ​ന്നും സ്ത്രീ​ക​ളു​ൾ​പ്പെ​ടെ​യു​ള്ള നാ​ട്ടു​കാ​ർ സം​ഘ​ടി​ച്ചെ​ത്തി റോ​ഡ് ഉ​പ​രോ​ധി​ച്ചു. പ്ര​ദേ​ശ​ത്ത് നാ​ട്ടു​കാ​രാ​യ പ്ര​തി​ഷേ​ധ​ക്കാ​ർ ജാ​ഗ്ര​ത​യോ​ടെ നി​ല​യു​റ​പ്പി​ച്ചി​ട്ടു​ണ്ട്. സ​മ​ര​ക്കാ​രെ നേ​രി​ടാ​നാ​യി വ​ൻ പൊ​ലീ​സ് സ​ന്നാ​ഹ​മാ​യി​രു​ന്നു സ്ഥ​ല​ത്തെ​ത്തി​യ​ത്.