ചുരത്തിൽ ടിപ്പർ മറിഞ്ഞ് ഡ്രൈവർക്ക് പരിക്ക്

താമരശ്ശേരി: ആറാം വളവിനു സമീപം ടിപ്പർ ലോറി മറിഞ്ഞ് ഡ്രൈവർക്ക് പരിക്ക്. വയനാട്ടിൽനിന്ന്​ കോഴിക്കോട് ഭാഗത്തേക്ക് വരുകയായിരുന്ന ടിപ്പർ ലോറിയാണ് ചൊവ്വാഴ്ച പുലർച്ച നാലരയോടെ അപകടത്തിൽപ്പെട്ടത്.

ഇതേത്തുടർന്ന് വാഹന ഗതാഗതം ഭാഗികമായി തടസ്സപ്പെട്ടു. ഹൈവേ പൊലീസും ചുരം സംരക്ഷണസമിതി പ്രവർത്തകരും ചേർന്ന് വൺവേ അടിസ്ഥാനത്തിൽ വാഹനങ്ങൾ കടത്തിവിട്ടു. ക്രെയിനെത്തിച്ച് ലോറി നീക്കിയ ശേഷം രാവിലെ എട്ടരയോടെയാണ് ഗതാഗതം പൂർണമായി പുനഃസ്ഥാപിച്ചത്. പരിക്കേറ്റ ഡ്രൈവറെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു.