ജനങ്ങളുടെ അടിസ്ഥാന പ്രശ്നങ്ങൾ പരിഹരിക്കുക അദാലത്ത് ലക്ഷ്യം -മന്ത്രി മുഹമ്മദ് റിയാസ്

താ​മ​ര​ശ്ശേ​രി: താ​ലൂ​ക്ക് ത​ല​ങ്ങ​ളി​ൽ ന​ട​ക്കു​ന്ന അ​ദാ​ല​ത്തു​ക​ൾ വ​ഴി സ​ർ​ക്കാ​ർ ജ​ന​ങ്ങ​ളി​ലേ​ക്ക് ഇ​റ​ങ്ങി​ച്ചെ​ന്ന് അ​വ​രു​ടെ അ​ടി​സ്ഥാ​ന ജീ​വി​ത​പ്ര​ശ്ന​ങ്ങ​ളാ​ണ് പ​രി​ഹ​രി​ക്കു​ന്ന​തെ​ന്ന് മ​ന്ത്രി പി.​എ. മു​ഹ​മ്മ​ദ് റി​യാ​സ്. സം​സ്ഥാ​ന സ​ർ​ക്കാ​റി​ന്റെ ര​ണ്ടാം വാ​ർ​ഷി​ക​ത്തോ​ട​നു​ബ​ന്ധി​ച്ച് സം​ഘ​ടി​പ്പി​ച്ച ‘ക​രു​ത​ലും കൈ​ത്താ​ങ്ങും’ താ​മ​ര​ശ്ശേ​രി താ​ലൂ​ക്ക് ത​ല അ​ദാ​ല​ത്തി​നു ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു മ​ന്ത്രി.

ശ​നി​യാ​ഴ്ച കൊ​യി​ലാ​ണ്ടി താ​ലൂ​ക്കി​ലും തി​ങ്ക​ളാ​ഴ്ച വ​ട​ക​ര താ​ലൂ​ക്കി​ലു​മാ​ണ് അ​ദാ​ല​ത്തു​ക​ൾ ന​ട​ക്കു​ന്ന​ത്. ജ​ന​ങ്ങ​ൾ അ​ദാ​ല​ത്തി​ന് വ​ൻ സ്വീ​കാ​ര്യ​ത​യാ​ണ് ന​ൽ​കു​ന്ന​തെ​ന്നും മ​ന്ത്രി പ​റ​ഞ്ഞു. സ​ർ​ക്കാ​റി​ന്റെ ര​ണ്ടാം വാ​ർ​ഷി​ക​ത്തി​ന്റെ ഭാ​ഗ​മാ​യി ജ​ന​ങ്ങ​ളു​ടെ പ്ര​ശ്ന​ങ്ങ​ളി​ൽ ഇ​ട​പെ​ട്ട് അ​വ പ​രി​ഹ​രി​ക്കു​ക എ​ന്ന ല​ക്ഷ്യ​മാ​ണ് സ​ർ​ക്കാ​റി​നു​ള്ള​ത്.

പ​രാ​തി​ക​ളി​ൽ വ​ലി​യൊ​രു ശ​ത​മാ​നം തീ​ർ​പ്പ് ക​ൽ​പി​ച്ചു. മ​റ്റു​ള്ള​വ പ​രി​ശോ​ധി​ച്ച് തീ​രു​മാ​ന​ങ്ങ​ൾ കൈ​ക്കൊ​ള്ളു​ന്ന​തി​ന് ജി​ല്ല ക​ല​ക്ട​റു​ടെ നേ​തൃ​ത്വ​ത്തി​ൽ ഇ​ട​പെ​ട​ലു​ക​ൾ ന​ട​ത്തു​ന്നു​ണ്ടെ​ന്നും മ​ന്ത്രി പ​റ​ഞ്ഞു.

താ​മ​ര​ശ്ശേ​രി താ​ലൂ​ക്ക് ത​ല അ​ദാ​ല​ത്തി​ലേ​ക്ക് 600 പ​രാ​തി​ക​ളാ​ണ് ല​ഭി​ച്ച​ത്. 250ഓ​ളം പു​തി​യ പ​രാ​തി​ക​ളും ല​ഭി​ച്ചു. 298 പ​രാ​തി​ക​ൾ അ​ദാ​ല​ത്തി​ൽ പ​രി​ഗ​ണി​ച്ചു. 276 പ​രാ​തി​ക​ളി​ൽ പ​രി​ഹാ​ര​മാ​യി. 302 പ​രാ​തി​ക​ൾ പ​രി​ഹാ​രം കാ​ണു​ന്ന​തി​നാ​യി വി​വി​ധ വ​കു​പ്പു​ക​ളി​ലേ​ക്ക് അ​യ​ച്ചു.

ത​ദ്ദേ​ശ സ്വ​യം​ഭ​ര​ണ വ​കു​പ്പു​മാ​യി ബ​ന്ധ​പ്പെ​ട്ട പ​രാ​തി​ക​ളി​ലാ​ണ് കൂ​ടു​ത​ൽ പ​രി​ഹാ​രം ന​ൽ​കാ​ൻ സാ​ധി​ച്ച​ത്. മ​ന്ത്രിമാരായ കെ. രാജൻ, അഹമ്മദ് ദേവർകോവിൽ, എം.​എ​ൽ.​എ​മാ​രാ​യ കെ.​എം. സ​ച്ചി​ൻ​ദേ​വ്, ലി​ന്റോ ജോ​സ​ഫ്, ജി​ല്ല ക​ല​ക്ട​ർ എ. ​ഗീ​ത, സ​ബ് ക​ല​ക്ട​ർ വി. ​ചെ​ൽ​സാ​സി​നി, എ.​ഡി.​എം സി. ​മു​ഹ​മ്മ​ദ് റ​ഫീ​ഖ് തു​ട​ങ്ങി​യ​വ​ർ പ​ങ്കെ​ടു​ത്തു.