പുഴയിൽ വീണ രണ്ടരവയസ്സുകാരിയെ രക്ഷിച്ച് 14കാരൻ

താ​മ​ര​ശ്ശേ​രി: പു​ഴ​യി​ൽ വീ​ണ ര​ണ്ട​ര​വ​യ​സ്സു​കാ​രി​യു​ടെ ജീ​വ​ൻ ര​ക്ഷി​ച്ച​ത്​ 14 കാ​ര​െൻറ ധീ​ര​ത. വീ​ട്ടു​കാ​രു​ടെ ക​ണ്ണ് വെ​ട്ടി​ച്ച് പു​റ​ത്തി​റ​ങ്ങി​യ ര​ണ്ട​ര വ​യ​സ്സു​കാ​രി സു​മ​യ്യ​യാ​ണ് വീ​ടി​ന് 200 മീ​റ്റ​ർ അ​ക​ലെ​യു​ള്ള പു​ഴ​യി​ൽ വീ​ണ​ത്. അ​ധി​കം ഒ​ഴു​ക്കും ആ​ഴ​വു​മി​ല്ലാ​ത്ത ഭാ​ഗ​ത്ത് പു​ഴ​യി​ൽ വീ​ണു​കി​ട​ന്ന മു​ള​യു​ടെ കൊ​മ്പി​ൽ ത​ങ്ങി​നി​ന്ന കു​ട്ടി​യു​ടെ നി​ല​വി​ളികേ​ട്ട് ഓ​ടി​യെ​ത്തി​യ അ​യ​ൽ​വാ​സിയായ ആ​ദി​ൽ ഒ​ന്നുംനോ​ക്കാ​തെ പു​ഴ​യി​ലേ​ക്ക് എ​ടു​ത്തുചാ​ടി സു​മ​യ്യ​യെ ര​ക്ഷ​പ്പെ​ടു​ത്തു​ക​യാ​യി​രു​ന്നു. ചൊ​വ്വാ​ഴ്ച ഉ​ച്ച​ക്ക്​ ര​ണ്ടോ​ടെ​യാ​യി​രു​ന്നു സം​ഭ​വം.

ആ​ദി​ൽ ഈ​ങ്ങാ​പ്പു​ഴ എം.​ജി.​എം ഹൈ​സ്കൂ​ളി​ലെ ഒ​മ്പ​താം ക്ലാ​സ് വി​ദ്യാ​ർ​ഥി​യാ​ണ്. ഈ​ങ്ങാ​പ്പു​ഴ കു​റ്റി​പ്പി​ലാ​ക്ക​ണ്ടി ഫാ​റൂ​ഖ്-​അ​നീ​സ ദ​മ്പ​തി​ക​ളു​ടെ മ​ക​നാ​ണ് ആ​ദി​ൽ.

അ​യ​ൽ​വാ​സി​യാ​യ ഉ​മ​ർ- സു​ഹ​റ ദ​മ്പ​തി​ക​ളു​ടെ മ​ക​ളാ​ണ് ര​ണ്ട​ര വ​യ​സ്സു​കാ​രി സു​മ​യ്യ. കു​ട്ടി​യെ മ​ര​ണ​ത്തി​ൽ​നി​ന്ന് ര​ക്ഷി​ച്ച ആ​ദി​ലി​നെ അ​നു​മോ​ദി​ക്കാ​നു​ള്ള ത​യാ​റെ​ടു​പ്പി​ലാ​ണ് പ്ര​ദേ​ശ​വാ​സി​ക​ൾ.