അ​ക്ക​രെ കടക്കാൻ താ​ൽ​ക്കാ​ലി​ക പാ​ലം; സു​ര​ക്ഷി​ത​മ​ല്ലെ​ന്ന് നാ​ട്ടു​കാ​ർ

നാ​ദാ​പു​രം: വി​ല​ങ്ങാ​ട് മ​ഞ്ഞ​ച്ചീ​ളി​ൽ മ​റു​ക​ര പ​റ്റാ​ൻ പാ​ല​മെ​ന്ന സ​ർ​ക്കാ​ർ വാ​ഗ്ദാ​നം ന​ട​പ്പി​ലാ​യി​ല്ല. വാ​ർ​ഡ് മെം​ബ​ർ സ​ൽ​മ രാ​ജു​വി​ന്‍റെ നേ​തൃ​ത്വ​ത്തി​ൽ താ​ൽ​ക്കാ​ലി​ക സം​വി​ധാ​നം ഒ​രു​ക്കി​യെ​ങ്കി​ലും സു​ര​ക്ഷ ഭീ​തി​യി​ൽ നാ​ട്ടു​കാ​ർ. മ​ഞ്ഞ​ച്ചീ​ളി​ലാ​ണ് ഉ​രു​ൾ​പൊ​ട്ട​ലി​ൽ ഒ​രാ​ളു​ടെ മ​ര​ണ​ത്തി​നി​ട​യാ​ക്കു​ക​യും നി​ര​വ​ധി വീ​ടു​ക​ൾ ത​ക​രു​ക​യും ചെ​യ്ത ദു​ര​ന്തം വി​ത​ച്ച​ത്. പാ​ലം ത​ക​ർ​ന്ന​തി​നെ​തു​ട​ർ​ന്ന് നാ​ട്ടു​കാ​ർ​ക്ക് പു​റം ലോ​ക​വു​മാ​യി ആ​ഴ്ച​ക​ളോ​ളം ബ​ന്ധ​പ്പെ​ടാ​ൻ ക​ഴി​യാ​തെ ഒ​റ്റ​പ്പെ​ട്ടു​പോ​യി​രു​ന്നു.

ഇ​വി​ടെ ത​ക​ർ​ന്ന പാ​ല​ത്തി​ന് പ​ക​രം പു​തി​യ പാ​ലം പ​ണി​യ​ണ​മെ​ന്ന് സ്ഥ​ലം സ​ന്ദ​ർ​ശി​ച്ച മ​ന്ത്രി​മാ​ർ, ഉ​ന്ന​ത ജ​ന​പ്ര​തി​നി​ധി​ക​ൾ, ഉ​ദ്യോ​ഗ​സ്ഥ​ർ എ​ന്നി​വ​രോ​ട് നി​ര​ന്ത​രം ആ​വ​ശ്യം ഉ​ന്ന​യി​ക്കു​ക​യും പ​രി​ഗ​ണി​ക്കാ​മെ​ന്ന് ഉ​റ​പ്പു ന​ൽ​കു​ക​യും ചെ​യ്തി​രു​ന്നു. എ​ന്നാ​ൽ, കാ​ല​വ​ർ​ഷം തി​മി​ർ​ത്തു പെ​യ്യാ​ൻ തു​ട​ങ്ങി​യി​ട്ടും വാ​ഗ്ദാ​ന​ങ്ങ​ൾ പാ​ലി​ക്ക​പ്പെ​ടാ​തെ ക​ടു​ത്ത അ​വ​ഗ​ണ​ന​യി​ലാ​ണ് ഇ​വി​ടു​ത്തു​കാ​ർ. പാ​ലം പ​ണി​യു​ന്ന​തി​ന് പ​ക​രം ഉ​രു​ൾ​പൊ​ട്ട​ലി​ൽ ഒ​ലി​ച്ചെ​ത്തി​യ പാ​റ​ക്കൂ​ട്ട​ങ്ങ​ളും മ​റ്റും ഉ​പ​യോ​ഗി​ച്ച് കു​ഴി​ക​ൾ അ​ട​ച്ച് താ​ൽ​ക്കാ​ലി​ക യാ​ത്ര മാ​ർ​ഗം ഒ​രു​ക്കു​ക​യാ​യി​രു​ന്നു അ​ധി​കാ​രി​ക​ൾ ചെ​യ്ത​ത്.

മ​ഴ​യെ​ത്തി​യ​തോ​ടെ ഉ​രു​ൾ​പൊ​ട്ട​ൽ തീ​ർ​ത്ത ചാ​ലു​ക​ളി​ലൂ​ടെ ഒ​ഴു​കി​യെ​ത്തി​യ മ​ഴ​വെ​ള്ളം ഇ​വി​ടെ വ​ൻ​തോ​തി​ൽ വെ​ള്ള​ക്കെ​ട്ട് രൂ​പ​പ്പെ​ടു​ത്തി​യ​തോ​ടെ അ​പ​ക​ട ഭീ​ഷ​ണി ഉ​യ​ർ​ത്തു​ക​യാ​ണ്. ഇ​തേ തു​ട​ർ​ന്ന് വെ​ള്ള​മൊ​ഴി​ഞ്ഞു പോ​കാ​ൻ താ​ൽ​ക്കാ​ലി​ക സം​വി​ധാ​ന​മൊ​രു​ക്കാ​ൻ പ്ര​ദേ​ശ​വാ​സി​ക​ൾ നി​ർ​ബ​ന്ധി​ത​രാ​വു​ക​യാ​യി​രു​ന്നു.

ഉ​രു​ട്ടി പാ​ല​ത്തി​ൽ​നി​ന്ന് ഉ​പേ​ക്ഷി​ച്ച ര​ണ്ട് സി​മ​ന്‍റ് പൈ​പ്പ് സ്ഥ​ല​ത്തെ​ത്തി​ച്ച് വെ​ള്ളം പു​റ​ത്തേ​ക്ക് ഒ​ഴു​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​ത്. മണ്ണുമാന്തി യന്ത്രം ഉ​പ​യോ​ഗി​ച്ച് കു​ഴി​യെ​ടു​ത്ത് പൈ​പ്പി​നു മു​ക​ളി​ൽ മ​ണ്ണി​ട്ട് മൂ​ടു​ക​യാ​യി​രു​ന്നു. മ​ഴ ക​ന​ക്കു​ന്ന​തോ​ടെ പൈ​പ്പി​ന് മു​ക​ളി​ലെ മ​ണ്ണ് എ​ത്ര കാ​ലം നി​ൽ​ക്കു​മെ​ന്നാ​ണ് നാ​ട്ടു​കാ​രു​ടെ ആ​ശ​ങ്ക.

മ​ഴ ശ​ക്ത​മാ​യാ​ൽ വെ​ള്ള​ത്തി​ന്‍റെ കു​ത്തൊ​ഴു​ക്കി​ൽ എ​ല്ലാം ത​കി​ടം മ​റി​യു​മെ​ന്നും ഇ​ത് വീ​ണ്ടും പ്ര​ദേ​ശ​ത്ത് ഒ​റ്റ​പ്പെ​ട​ലി​ന്‍റെ സാ​ധ്യ​ത വ​ർ​ധി​പ്പി​ക്കു​മെ​ന്നും മ​ഞ്ഞ​ച്ചീ​ളി​ന് സ​മീ​പ​ത്തെ താ​മ​സ​ക്കാ​ർ പ​റ​യു​ന്നു. താ​ൽ​ക്കാ​ലി​ക നി​ർ​മാ​ണ​ത്തെ​തു​ട​ർ​ന്ന് ര​ണ്ടു ദി​വ​സ​മാ​യി ഇ​വി​ടെ​നി​ന്ന് പു​ല്ലു​വാ വ​രെ​യു​ള്ള വ​ലി​യ വാ​ഹ​ന​ങ്ങ​ളു​ടെ ഗ​താ​ഗ​തം ത​ട​ഞ്ഞി​ട്ടു​ണ്ട്.