ടാങ്കർ ലോറി മിനിലോറിയിലും ഓട്ടോയിലും ഇടിച്ച്​ അപകടം; നാലുപേർക്കു പരിക്ക്

കൊയിലാണ്ടി: ദേശീയ പാതയിൽ ചേമഞ്ചേരിയിൽ ഗ്യാസ് ടാങ്കർ ലോറി മിനിലോറിയിലും ഓട്ടോറിക്ഷയിലും ഇടിച്ച് നാലുപേർക്കു പരിക്ക്. രാത്രിയാണ് അപകടം.

മംഗലാപുരത്തു നിന്ന് കൊച്ചിയിൽ ഗ്യാസ് ഇറക്കി തിരിച്ചു പോകുകയായിരുന്ന ടാങ്കർ ലോറി. ഓട്ടോ യാത്രക്കാരായ രണ്ടു പേരെ കോഴിക്കോട് മെഡിക്കൽ കോളജ് ആശുപത്രിയിലും ലോറി ഡ്രൈവർമാരെ കൊയിലാണ്ടി താലൂക്ക് ഹെഡ്ക്വാർട്ടേഴ്സ് ആശുപത്രിയിലും പ്രവേശിപ്പിച്ചു.ഏറെ നേരം ഗതാഗതം തടസ്സപ്പെട്ടു. അഗ്നി സുരക്ഷ സേന, പൊലീസ്, നാട്ടുകാർ എന്നിവർ രക്ഷപ്രവർത്തനം നടത്തി.