എക്സൈസ് ഓഫിസറെ ആക്രമിച്ച പ്രതികൾ പിടിയിൽ

വെ​ള്ളി​മാ​ട്കു​ന്ന്: കു​രു​വ​ട്ടൂ​രി​ൽ എ​ക്സൈ​സ് ഓ​ഫി​സ​റെ ആ​ക്ര​മി​ച്ച ആ​റു​പേ​ർ പി​ടി​യി​ൽ. അ​റ​വ​ങ്ങാ​ട്ട് താ​ഴം ആ​ന​ന്ദ​ൻ (56), പ്ര​കാശൻ(54), ആ​കേ​ഷ് (21), ആ​കാ​ശ് (25), അ​ശ്വി​ൻ (26), ജി​നു (32) എ​ന്നി​വ​രെ​യാ​ണ് ചേ​വാ​യൂ​ർ പൊ​ലീ​സ് അ​റ​സ്റ്റ് ചെ​യ്ത​ത്. കോ​ഴി​ക്കോ​ട് എ​ക്സൈ​സ് എ​ൻ​ഫോ​ഴ്സ്മെൻറ് സ്പെ​ഷ​ൽ സ്ക്വാ​ഡ് ഓ​ഫി​സി​ൽ അ​സി. എ​ക്സൈ​സ് ഇ​ൻ​സ്പെ​ക്ട​റാ​യി​രു​ന്ന ശി​വ​ദാ​സ​നും ഭാ​ര്യ​യും ക​ഴി​ഞ്ഞ മേ​യി​ൽ കു​രു​വ​ട്ടൂ‍‌‌‍‍രി​ൽ മ​ക​ന്റെ ഫു​ട്ബാ​ൾ മ​ത്സ​രം കാ​ണാ​ൻ പോ​യ​പ്പോ​ൾ മു​ൻ​വൈ​രാ​ഗ്യം വെ​ച്ച് പ്ര​തി​ക​ൾ ആ​ക്ര​മി​ക്കു​ക​യാ​യി​രു​ന്നു.

2018ൽ ​കു​രു​വ​ട്ടൂ​രി​ൽ പ​ര​സ്യ മ​ദ്യ​പാ​ന​ത്തി​നും വി​ൽ​പ​ന​ക്കു​മെ​തി​രെ റെ​യ്‍ഡ് ന​ട​ത്തി​യ​തി​ലു​ള്ള വി​രോ​ധം വെ​ച്ച് പ്ര​തി​ക​ൾ സം​ഘം​ചേ‍ർ​ന്ന് ത​ട​ഞ്ഞ് ആ​ക്ര​മി​ച്ചു പ​രി​ക്കേ​ൽ​പി​ക്കു​ക​യും സം​ഭ​വം ത​ട​യാ​ൻ ശ്ര​മി​ച്ച ഭാ​ര്യ​യെ മ​ർ​ദി​ക്കു​ക​യും അ​ശ്ലീ​ല ഭാ​ഷ​യി​ൽ തെ​റി​വി​ളി​ക്കു​ക​യു​മാ​യി​രു​ന്നു. ചേ​വാ​യൂ​ർ പൊ​ലീ​സ് ഇ​ൻ​സ്പെ​ക്ട​ർ മ​ഹേ​ഷി​ന്റെ നി​ർ​ദേ​ശ​പ്ര​കാ​രം എ​സ്.​ഐ​മാ​രാ​യ കെ. ​രോ​ഹി​ത്, സ​ന്തോ​ഷ്, എ.​എ​സ്.​ഐ ബി​ന്ദു എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ ക​സ്റ്റ​ഡി​യി​ലെ​ടു​ത്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.