ഇല്ല, പോയിട്ടില്ല; കോഴിക്കോടിന്റെ കാൽപന്ത് പെരുമ​

കോ​ഴി​ക്കോ​ട്: കോ​ഴി​ക്കോ​ട്ടു​കാ​ർ​ക്ക് ഫു​ട്ബാ​ളി​നോ​ട് ക​മ്പം​കു​റ​ഞ്ഞെ​ന്ന് പ​റ​ഞ്ഞ​വ​ർ കാ​ണു​ക. സൂ​പ്പ​ർ ക​പ്പി​ൽ ഇ​തു​വ​രെ ക​ണ്ട കോ​ർ​പ​റേ​ഷ​ൻ സ്റ്റേ​ഡി​യ​മാ​യി​രു​ന്നി​ല്ല ഞാ​യ​റാ​ഴ്ച രാ​ത്രി​യി​ൽ. 22,565 കാ​ണി​ക​ളാ​ണ് കേ​ര​ള ബ്ലാ​സ്റ്റേ​ഴ്സ്-​ബം​ഗ​ളൂ​രു എ​ഫ്.​സി മ​ത്സ​രം കാ​ണാ​ൻ ഒ​ഴു​കി​യെ​ത്തി​യ​ത്.

അ​വ​ധി ദി​വ​സ​മാ​യ​തും മ​ത്സ​രം രാ​ത്രി​യി​ലാ​യ​തും കാ​ണി​ക​ളെ ആ​ക​ർ​ഷി​ക്കു​ന്ന​തി​ന് കാ​ര​ണ​മാ​യെ​ങ്കി​ലും മു​ഖ്യ ആ​ക​ർ​ഷ​ണം ബ്ലാ​സ്റ്റേ​ഴ്സ് ത​ന്നെ​യാ​യി​രു​ന്നു. ഐ.​എ​സ്.​എ​ല്ലി​ന്റെ നോ​ക്കൗ​ട്ടി​ൽ ബം​ഗ​ളൂ​രു​വി​ന്റെ സു​നി​ൽ ഛേത്രി​യു​ടെ വി​വാ​ദ ഗോ​ളി​ൽ പ്ര​തി​ഷേ​ധി​ച്ച് കോ​ച്ച് ഇ​വാ​ൻ വു​കോ​മാ​നോ​വി​ച്ച് ടീ​മി​നെ​യും വി​ളി​ച്ച് ക​ളി പൂ​ർ​ത്തി​യാ​ക്കാ​തെ ഇ​റ​ങ്ങി​പ്പോ​ന്ന​പ്പോ​ൾ ആ​രാ​ധ​ക​ർ മ​ന​സ്സി​ൽ കു​റി​ച്ച മ​ത്സ​ര​മാ​യി​രു​ന്നു കോ​ഴി​ക്കോ​ട്ട് ന​ട​ന്ന​ത്.

ഓ​രോ ബ്ലാ​സ്റ്റേ​ഴ്സ് നീ​ക്ക​ത്തി​ലും സ്റ്റേ​ഡി​യം മ​ഞ്ഞ​ക്ക​ട​ലാ​യി. കാ​ണി​ക​ൾ ആ​ർ​ത്തു​വി​ളി​ച്ചു. മൊ​ബൈ​ൽ ഫോ​ണി​ലെ ടോ​ർ​ച് തെ​ളി​ച്ച് ടീ​മി​ന് ആ​വേ​ശം പ​ക​ർ​ന്നു. 77ാം മി​നി​റ്റി​ൽ ക്യാ​പ്റ്റ​ൻ ഡ​യ​മ​ന്റ​കോ​സ് ദി​മി​ത്രി​യോ​സി​ന്റെ ഹെ​ഡ​ർ ബം​ഗ​ളൂ​രു വ​ല​യി​ൽ പ​തി​ച്ച​പ്പോ​ൾ സ്റ്റേ​ഡി​യം പൊ​ട്ടി​ത്തെ​റി​ച്ചു. പ​ക്ഷേ, വി​ജ​യം മാ​ത്രം അ​ക​ന്നു​പോ​യി.

ബം​ഗ​ളൂ​രു​വി​നോ​ട് ക​ണ​ക്കു​തീ​ർ​ക്കു​മെ​ന്ന് പ്ര​തീ​ക്ഷി​ച്ചെ​ങ്കി​ലും സ​മ​നി​ല​യി​ലാ​വു​ക​യും സെ​മി കാ​ണാ​തെ പു​റ​ത്താ​വു​ക​യും ചെ​യ്ത​തി​​ന്റെ നി​രാ​ശ​യി​ലാ​ണ് കാ​ണി​ക​ൾ സ്റ്റേ​ഡി​യം വി​ട്ട​ത്. എ​ങ്കി​ലും സ​മീ​പ​കാ​ല​ത്ത് ന​ട​ന്ന മ​ത്സ​ര​ങ്ങ​ൾ കാ​ണി​ക​ളി​ല്ലാ​ത്ത ക​ൽ​പ​ട​വു​ക​ൾ​ക്കു മു​ന്നി​ലാ​യ​പ്പോ​ൾ ഞാ​യ​റാ​ഴ്ച വ​ൻ​ജ​നം ഒ​ഴു​കി​യെ​ത്തി​യ​ത് കോ​ഴി​ക്കോ​ടി​ന് കാ​ൽ​പ​ന്തു പെ​രു​മ ന​ഷ്ട​മാ​യി​ട്ടി​ല്ലെ​ന്ന് വ്യ​ക്ത​മാ​ക്കു​ന്ന​താ​യി​രു​ന്നു. ന​ല്ല ടീ​മു​ക​ളും ന​ല്ല ക​ളി​ക​ളും വ​ന്നാ​ൽ കോ​ഴി​ക്കോ​ട്ടു​കാ​ർ ക​ളി കാ​ണാ​ൻ ഒ​ഴു​കി​യെ​ത്തു​മെ​ന്നു​റ​പ്പ്.