വേനൽമഴ; കർഷകർക്ക് കണ്ണീർ വെള്ളരി

പ​ന്തീ​രാ​ങ്കാ​വ്: ക​ണി​വെ​ള്ള​രി​യു​ടെ വി​ള​വെ​ടു​പ്പി​ന് കാ​ത്തി​രു​ന്ന പെ​രു​മ​ണ്ണ പാ​റ​ക്കോ​ട്ട് താ​ഴ​ത്തെ ക​ർ​ഷ​ക​ർ​ക്ക് വേ​ന​ൽ​മ​ഴ ദു​രി​ത​മാ​യി. വി​ഷു​വി​ന് വി​ള​വെ​ടു​ക്കാ​ൻ കാ​ത്തി​രു​ന്ന അ​ഞ്ച് ഹെ​ക്ട​റോ​ള​മു​ള്ള കൃ​ഷി​യി​ട​ത്തി​ലെ വെ​ള്ള​രി, കൈ​പ്പ, പ​യ​റ്, വെ​ണ്ട തു​ട​ങ്ങി​യ കൃ​ഷി​ക​ളാ​ണ് വെ​ള്ളം കെ​ട്ടി​നി​ന്ന് ന​ശി​ച്ച​ത്. വ​ള്യാ​ട്ട് പാ​ട​ശേ​ഖ​ര സ​മി​തി​യു​ടെ നേ​തൃ​ത്വ​ത്തി​ൽ 25ഓ​ളം ക​ർ​ഷ​ക​ർ​ക്കാ​ണ് ഭീ​മ​മാ​യ ന​ഷ്ടം സം​ഭ​വി​ച്ച​ത്. വ​ർ​ഷ​ങ്ങ​ളാ​യി ഈ ​വ​യ​ലു​ക​ളി​ൽ​നി​ന്നു​ള്ള വെ​ള്ള​രി ക​ണി​വെ​ക്കാ​നാ​യി ഇ​ന്ത്യ​ക്ക് പു​റ​ത്തേ​ക്ക് വ​രെ ക​യ​റ്റി അ​യ​ക്കു​ന്നു​ണ്ട്.

ദേ​ശീ​യ​പാ​ത വി​ക​സ​ന​ത്തി​നാ​യി പു​തി​യ പാ​ല​ങ്ങ​ൾ​ക്ക് പു​ഴ​യി​ൽ മ​ണ്ണി​ട്ട് നി​ക​ത്തി​യ​തി​നാ​ൽ വെ​ള്ളം ഒ​ഴി​ഞ്ഞ് പു​ഴ​യി​ലേ​ക്ക് വ​ലി​ഞ്ഞ് പോ​വാ​ത്ത​തും, കു​ന്ന​ത്ത് പാ​ല​ത്തെ ത​ട​യ​ണ തു​റ​ക്കാ​ത്ത​തി​നാ​ലു​മാ​ണ് മ​ഴ​വെ​ള്ളം ഒ​ഴി​ഞ്ഞു​പോ​വാ​തെ കൃ​ഷി​ന​ശി​ക്കാ​ൻ കാ​ര​ണ​മാ​യ​തെ​ന്ന് ക​ർ​ഷ​ക​ർ പ​റ​യു​ന്നു.

സ​മി​തി​യി​ലെ മി​ക്ക ക​ർ​ഷ​ക​രും പാ​ട്ട​ത്തി​നെ​ടു​ത്ത ഭൂ​മി​യി​ലാ​ണ് കൃ​ഷി ന​ട​ത്തു​ന്ന​ത്. പാ​ട്ട​ത്തു​ക ന​ൽ​കാ​ൻ പോ​ലു​മാ​വാ​ത്ത​വി​ധം ഭീ​മ​മാ​യ ന​ഷ്ട​മാ​ണ് സം​ഭ​വി​ച്ച​ത്. അ​ര​ക്കോ​ടി​യോ​ളം രൂ​പ​യു​ടെ ന​ഷ്ടം സം​ഭ​വി​ച്ച​താ​യി പാ​ട​ശേ​ഖ​ര സ​മി​തി ഭാ​ര​വാ​ഹി​ക​ൾ പ​റ​ഞ്ഞു. പി.​എം. രാ​ധാ​കൃ​ഷ്ണ​ൻ, പു​ന്ന​ത്തൂ​ർ കൃ​ഷ്ണ​ൻ​കു​ട്ടി, പി.​എം. വേ​ലാ​യു​ധ​ൻ, പു​ന്ന​ത്തൂ​ർ ബാ​ല​ൻ, പി.​എം. ബാ​ല​കൃ​ഷ്ണ​ൻ, ബാ​ബു ചെ​ര​ണ്ടാ​ത്ത്, ശ​ശി വ​ള്ളി​യാ​ട്ട്, ചെ​ര​ണ്ടാ​ത്ത് ല​ക്ഷ്മ​ണ​ൻ തു​ട​ങ്ങി​യ ക​ർ​ഷ​ക​രു​ടെ കൃ​ഷി​യാ​ണ് ന​ശി​ച്ച​ത്.