പുഴയില്‍ മുങ്ങിത്താഴ്​ന്ന വിദ്യാര്‍ഥിനികളെ രക്ഷിച്ചു

വാ​ണി​മേ​ല്‍: കു​ളി​ക്കാ​ൻ പു​ഴ​യി​ലി​റ​ങ്ങി മു​ങ്ങി​ത്താ​ഴ്​​ന്ന വി​ദ്യാ​ർ​ഥി​നി​ക​ൾ​ക്ക് യു​വാ​ക്ക​ൾ ര​ക്ഷ​ക​രാ​യി. വാ​ണി​മേ​ൽ പാ​ല​ത്തി​ന​ടു​ത്ത് ചി​യ്യൂ​ര്‍ ത​ട​ക്കൂ​ല്‍ പു​ഴ​യി​ല്‍ കു​ളി​ക്കു​ന്ന​തി​നി​ട​യി​ല്‍ മു​ങ്ങി​ത്താ​ഴ്ന്ന ര​ണ്ട് വി​ദ്യാ​ര്‍ഥി​നി​ക​ളെ സാ​ഹ​സി​ക​മാ​യി ര​ക്ഷ​പ്പെ​ടു​ത്തു​ക​യാ​യി​രു​ന്നു.

ഞാ​യ​റാ​ഴ്ച വൈ​കു​ന്നേ​രം അേ​ഞ്ചാ​ടെ​യാ​ണ് സം​ഭ​വം. ചേ​ല​മു​ക്ക് സ്വ​ദേ​ശി​നി​ക​ളാ​യ വി​ദ്യാ​ര്‍ഥി​നി​ക​ള്‍ കു​ളി​ക്കു​ന്ന​തി​നി​ടെ പു​ഴ​യി​ലെ ചു​ഴി​യി​ല്‍ അ​ക​പ്പെ​ടു​ക​യാ​യി​രു​ന്നു. പു​ഴ​ക്ക​ര​യി​ൽ ക്രി​ക്ക​റ്റ് ക​ളി​ക്കു​ന്ന​തി​നി​ടെ​യാ​ണ് യു​വാ​ക്ക​ൾ വി​ദ്യാ​ര്‍ഥി​നി​ക​ള്‍ വെ​ള്ള​ത്തി​ല്‍ മു​ങ്ങി​ത്താ​ഴു​ന്ന​ത് ക​ണ്ട​ത്. പി. ​സി​നാ​ൻ, പി.​പി. ഷാ​ന​ദ് സി​ദാ​ൻ എ​ന്നി​വ​ർ പു​ഴ​യി​ലേ​ക്ക് ചാ​ടി ഇ​വ​രെ ര​ക്ഷി​ക്കാ​ന്‍ ശ്ര​മി​ച്ചെ​ങ്കി​ലും വി​ദ്യാ​ര്‍ഥി​നി​ക​ള്‍ ഇ​രു​വ​രെ​യും പി​ടി​ച്ച​പ്പോ​ള്‍ വെ​ള്ള​ത്തി​ല്‍ മു​ങ്ങി​പ്പോ​വു​ക​യാ​യി​രു​ന്നു.

ഈ ​സ​മ​യം പു​ഴ​ക്ക​ര​യി​ലു​ണ്ടാ​യി​രു​ന്ന നീ​ളം​പ​റ​മ്പ​ത്ത് മു​ഹ​മ്മ​ദ്, ഏ​ര​ത്ത് ജു​നൈ​ദ്, ക​ല്ലി​ക്ക​ണ്ടി മു​ഹ​മ്മ​ദ്, എ.​കെ. അ​ഫ്‌​ന​ജ്, ഏ​ര​ത്ത് ഫ​സ​ലു​റ​ഹ്മാ​ന്‍ എ​ന്നി​വ​ർ പു​ഴ​യി​ല്‍ മു​ങ്ങി​യ നാ​ലു പേ​രെ​യും ര​ക്ഷ​പ്പെ​ടു​ത്തി ക​ര​യി​ലെ​ത്തി​ച്ചു. പു​ഴ​യി​ലെ ച​ളി​യും മ​ണ്ണും നീ​ക്കി​യ​തി​നാ​ൽ പു​ഴ​യു​ടെ പ​ല​ഭാ​ഗ​ത്തും ആ​ഴം കൂ​ടി​യി​ട്ടു​ണ്ട്. സം​ഭ​വ​മ​റി​യാ​തെ പു​ഴ​യി​ൽ കു​ളി​ക്കാ​ൻ എ​ത്തു​ന്ന​ത് അ​പ​ക​ട​ത്തി​നി​ട​യാ​ക്കു​ന്നു​ണ്ടെ​ന്ന് നാ​ട്ടു​കാ​ര്‍ പ​റ​ഞ്ഞു.