വെ​ള്ള​ച്ചാ​ട്ട​ത്തി​ൽ വീ​ണ വി​ദ്യാ​ർ​ഥി ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്

ബാ​ലു​ശ്ശേ​രി: പൂ​ന​ത്ത് തു​രു​ത്തു​മ​ല​യി​ലെ 10 ആ​ൾ ഉ​യ​ര​ത്തി​ൽ കു​ത്തി​യൊ​ഴു​കു​ന്ന വെ​ള്ള​ച്ചാ​ട്ട​ത്തി​ൽ വീ​ണ വി​ദ്യാ​ർ​ഥി അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. പൂ​ന​ത്ത് പു​ത്ത​ല​ത്തു​ക​ണ്ടി ഹി​ലാ​ലി​ന്‍റെ മ​ക​ൻ മു​ഹ​മ്മ​ദ് മാ​സി​മാ​ണ് (12) വ​ൻ അ​പ​ക​ട​ത്തി​ൽ​നി​ന്ന് പ​രി​​ക്കു​ക​ളോ​ടെ ര​ക്ഷ​പ്പെ​ട്ട​ത്. കാ​ലി​നും മു​ഖ​ത്തും പു​റം​ഭാ​ഗ​ത്തും പ​രി​ക്കേ​റ്റ മു​ഹ​മ്മ​ദ് മാ​സി​മി​നെ കൂ​ട്ടാ​ലി​ട​യി​ലെ സ്വ​കാ​ര്യാ​ശു​പ​ത്രി​യി​ലെ പ്രാ​ഥ​മി​ക ചി​കി​ത്സ​ക്കു​ശേ​ഷം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ശ​നി​യാ​ഴ്ച രാ​വി​ലെ ഒ​മ്പ​ത​ര​യോ​ടെ​യാ​ണ് ആ​റാം ക്ലാ​സ് വി​ദ്യാ​ർ​ഥി​ക​ളാ​യ നാ​ലം​ഗ സം​ഘം പൂ​ന​ത്ത് തു​രു​ത്തു​മ​ല​യി​ലെ കാ​രി​പ്പാ​റ വെ​ള്ള​ച്ചാ​ട്ടം കാ​ണാ​നാ​യെ​ത്തി​യ​ത്.

പാ​റ​ക്ക് മു​ക​ളി​ലെ​ത്തി​യ ഇ​വ​രി​ൽ മു​ഹ​മ്മ​ദ് മാ​സിം പാ​റ​യി​ലെ വ​ഴു​ക്ക് കാ​ര​ണം താ​ഴോ​ട്ടു വീ​ഴു​ക​യാ​യി​രു​ന്നു. 10 ആ​ൾ ഉ​യ​ര​ത്തി​ൽ കു​ത്തി​യൊ​ഴു​കു​ന്ന വെ​ള്ള​ത്തോ​ടൊ​പ്പം വീ​ണ മാ​സിം പ​കു​തി​വ​ഴി​ക്ക് മ​റ്റൊ​രു പാ​റ​യി​ൽ ത​ങ്ങി​നി​ന്നു. പാ​റ​മു​ക​ളി​ൽ​നി​ന്ന് കു​ട്ടി വീ​ഴു​ന്ന​ത് താ​ഴെ പ​റ​മ്പി​ലു​ണ്ടാ​യി​രു​ന്ന ഒ​രാ​ൾ ക​ണ്ടു. ഇ​ദ്ദേ​ഹം പ​റ​മ്പി​ൽ പ​ണി​യെ​ടു​ക്കു​ക​യാ​യി​രു​ന്ന തൊ​ഴി​ലു​റ​പ്പ് തൊ​ഴി​ലാ​ളി​ക​ളെ വി​വ​രം അ​റി​യി​ച്ച​തി​നെ​തു​ട​ർ​ന്ന് തൊ​ഴി​ലാ​ളി​ക​ൾ വെ​ള്ള​ച്ചാ​ട്ട​ത്തി​ന​ടു​ത്തേ​ക്കു എ​ത്തു​ക​യാ​യി​രു​ന്നു.

എ​ന്നാ​ൽ, പാ​റ​യി​ലെ വ​ഴു​ക്ക് കാ​ര​ണം ശ്ര​മം നി​ഷ്ഫ​ല​മാ​യി. പി​ന്നീ​ട് ഇ​വ​ർ ക​യ​റു​മാ​യെ​ത്തി താ​ഴേ​ക്കി​ട്ടു കൊ​ടു​ക്കു​ക​യും മു​ഹ​മ്മ​ദ് മാ​സി​മി​നെ സാ​ഹ​സി​ക​മാ​യി അ​തി​ൽ​പി​ടി​ച്ച് ക​ര​ക്കെ​ത്തി​ക്കു​ക​യു​മാ​യി​രു​ന്നു. വെ​ള്ള​ച്ചാ​ട്ട​ത്തി​ന്‍റെ താ​ഴെ അ​പ​ക​ട​ക​ര​മാ​യ കു​ഴി​ക​ളു​ണ്ട്. തൊ​ഴി​ലു​റ​പ്പ് തൊ​ഴി​ലാ​ളി​ക​ളാ​യ ഷാ​ജു, വി​നോ​ദ്, അ​നൂ​പ്, സു​ധാ​ക​ര​ൻ, റി​നേ​ഷ്, രാ​ജു എ​ന്നി​വ​രു​ടെ അ​വ​സ​രോ​ചി​ത​വും സാ​ഹ​സി​ക​വു​മാ​യ ഇ​ട​പെ​ട​ലാ​ണ് മു​ഹ​മ്മ​ദ് മാ​സി​മി​ന്‍റെ ജീ​വ​ൻ ര​ക്ഷി​ക്കാ​ൻ സ​ഹാ​യ​ക​മാ​യ​ത്. തൊ​ഴി​ലാ​ളി​ക​ളെ നാ​ട്ടു​കാ​ർ അ​ഭി​ന​ന്ദി​ച്ചു. വ​ർ​ഷ​ങ്ങ​ൾ​ക്കു​മു​മ്പ് പൂ​ന​ത്ത് പു​ത്ത​ല​ത്തു​ക​ണ്ടി മൊ​യ്തീ​ൻ​കു​ട്ടി എ​ന്ന​യാ​ൾ കാ​രി​പ്പാ​റ വെ​ള്ള​ച്ചാ​ട്ട​ത്തി​ൽ വീ​ണു മ​രി​ച്ചി​ട്ടു​ണ്ട്.