വി​ദ്യാ​ർ​ഥി സം​ഘ​ർ​ഷം ജി​ല്ല​യി​ൽ തു​ട​ർ​ക്ക​ഥ; ഭീ​തി​യോ​ടെ ര​ക്ഷി​താ​ക്ക​ളും അ​ധ്യാ​പ​ക​രും

കോ​ഴി​ക്കോ​ട്: ജി​ല്ല​യി​ലെ വി​വി​ധ സ്കൂ​ളു​ക​ളി​ൽ വി​ദ്യാ​ർ​ഥി സം​ഘ​ർ​ഷം തു​ട​ർ​ക്ക​ഥ. നി​സ്സാ​ര കാ​ര്യ​ത്തി​നാ​ണ് വി​ദ്യാ​ർ​ഥി​ക​ൾ ഏ​റ്റു​മു​ട്ടു​ന്ന​തും ക്രൂ​ര​മാ​യ അ​ക്ര​മം അ​ഴി​ച്ചു​വി​ടു​ന്ന​തും ഒ​റ്റ​തി​രി​ഞ്ഞ് ആ​ക്ര​മി​ക്കു​ന്ന​തും. സ​ഹ​പാ​ഠി​ക​ളു​ടെ ആ​ക്ര​മ​ണ​ത്തി​ൽ കാ​ഴ്ച, കേ​ൾ​വി ത​ക​രാ​റി​ലാ​യ​വ​ർ ഏ​റെ​യാ​ണ്.

താ​മ​ര​ശ്ശേ​രി​യി​ൽ വി​ദ്യാ​ർ​ഥി​ക​ൾ ഏ​റ്റു​മു​ട്ടി ത​ല​യോ​ട്ടി ത​ക​ർ​ന്ന് മു​ഹ​മ്മ​ദ് ഷ​ഹ​ബാ​സ് മ​രി​ച്ച​തോ​ടെ​യാ​ണ് വി​ദ്യാ​ർ​ഥി സം​ഘ​ർ​ഷ​ങ്ങ​ൾ കൂ​ടു​ത​ൽ ച​ർ​ച്ച​യാ​യ​ത്. സ്ഥി​ര​മാ​യി വി​ദ്യാ​ർ​ഥി സം​ഘ​ർ​ഷ​മു​ണ്ടാ​വു​ന്ന സ്കൂ​ളു​ക​ളി​ലെ അ​ധ്യാ​പ​ക​രും വി​ദ്യാ​ർ​ഥി​ക​ളു​​ടെ ര​ക്ഷി​താ​ക്ക​ളും ഒ​​രു​പോ​ലെ ഭീ​തി​യി​ലാ​ണ്. സ്കൂ​ളു​ക​ളി​ൽ​നി​ന്ന് തു​ട​ങ്ങു​ന്ന വാ​ക് ത​ർ​ക്ക​ത്തി​ന്റെ ‘ക​ണ​ക്കു​തീ​ർ​ക്കു​ന്ന​ത്’ വെ​ളി​യി​ൽ​വെ​ച്ചാ​ണ് എ​ന്ന​തി​നാ​ൽ സ്കൂ​ൾ അ​ധി​കൃ​ത​ർ വി​ദ്യാ​ർ​ഥി​ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കു​ന്നി​ല്ല. വി​ദ്യാ​ർ​ഥി​ക​ളു​ടെ ഭാ​വി​യോ​ർ​ത്ത് പൊ​ലീ​സും പ​ല​പ്പോ​ഴും കേ​സെ​ടു​ക്കാ​തെ പ്ര​ശ്നം ഒ​ത്തു​തീ​ർ​പ്പാ​ക്കു​ക​യാ​ണ് ചെ​യ്യു​ന്ന​ത്.

നേ​ര​ത്തെ രാ​ഷ്ട്രീ​യ ചേ​രി​തി​രി​വു​ക​ളു​ടെ പേ​രി​ലാ​യി​രു​ന്നു വി​ദ്യാ​ർ​ഥി സം​ഘ​ർ​ഷ​മു​ണ്ടാ​യി​രു​ന്ന​തെ​ങ്കി​ൽ ഇ​പ്പോ​ൾ ഓ​രോ ഗ്യാ​ങ്ങു​ക​ളും ഗ്രൂ​പ്പു​ക​ളും ത​മ്മി​ലാ​ണ് ഓ​ണാ​ഘോ​ഷ​ത്തി​ന്റെ​യും സെ​ന്റോ​ഫി​ന്റെ​യും ക​ലാ-​കാ​യി​ക​​മേ​ള​യു​ടെ​യു​മെ​ല്ലാം മ​റ​വി​ൽ ഏ​റ്റു​മു​ട്ടു​ന്ന​ത്. ഗു​രു​ത​ര പ​രി​ക്കേ​ൽ​ക്കു​ന്ന അ​ക്ര​മ​ങ്ങ​ൾ സ്കൂ​ൾ അ​ധി​കൃ​ത​രും ര​ക്ഷി​താ​ക്ക​ളെ വി​ളി​ച്ചു​വ​രു​ത്തി ഒ​ത്തു​തീ​ർ​പ്പാ​ക്കു​ക​യാ​ണ് ചെ​യ്യു​ന്ന​ത്.

● നാ​ദാ​പു​ര​ത്ത് ക​ർ​ണ​പു​ടം ത​ക​ർ​ത്ത് ഏ​റ്റു​മു​ട്ട​ൽ

ക​ഴി​ഞ്ഞ​യാ​ഴ്ച നാ​ദാ​പു​രം പേ​രോ​ട് എം.​ഐ.​എം ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ് ടു ​വി​ദ്യാ​ർ​ഥി​ക​ളു​ടെ മ​ർ​ദ​ന​ത്തി​ൽ പ്ല​സ് വ​ൺ വി​ദ്യാ​ർ​ഥി​ക​ൾ​ക്ക് സാ​ര​മാ​യി പ​രി​ക്കേ​റ്റി​രു​ന്നു. പ്ല​സ് വ​ൺ വി​ദ്യാ​ർ​ഥി​ക​ളാ​യ മു​ഹ​മ്മ​ദ് റി​ഷാ​ൻ, മു​ഹ​മ്മ​ദ് സി​ദാ​ൻ എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. മ​ർ​ദ​ന​ത്തി​ൽ ക​ർ​ണ​പു​ടം ത​ക​ർ​ന്ന് കേ​ൾ​വി​ശ​ക്തി ത​ക​രാ​റി​ലാ​യ മു​ഹ​മ്മ​ദ് റി​ഷാ​ൻ വി​ദ​ഗ്‌​ധ ചി​കി​ത്സ തേ​ടി​യി​രി​ക്ക​യാ​ണ്. വി​ഷ്ണു​മം​ഗ​ലം ഓ​ത്തി​യി​ൽ ഹോ​ട്ട​ലി​ൽ ഭ​ക്ഷ​ണം ക​ഴി​ക്ക​വേ​യാ​ണ് സം​ഘ​ടി​ത​മാ​യെ​ത്തി​യ പ്ല​സ് ടു ​വി​ദ്യാ​ർ​ഥി​ക​ൾ ഇ​വ​രെ ആ​ക്ര​മി​ച്ചു​പ​രി​ക്കേ​ൽ​പി​ച്ച​ത്. നാ​ദാ​പു​രം പൊ​ലീ​സി​ലും സ്കൂ​ൾ അ​ധി​കൃ​ത​ർ​ക്കും ര​ക്ഷി​താ​ക്ക​ൾ പ​രാ​തി ന​ൽ​കി​യി​ട്ടു​ണ്ട്.

സ്കൂ​ളി​ലെ ഓ​ണാ​ഘോ​ഷ വേ​ള​യി​ലും പ്ല​സ് വ​ൺ വി​ദ്യാ​ർ​ഥി​ക​ൾ​ക്ക് ക്രൂ​ര​മ​ർ​ദ​ന​മേ​റ്റി​രു​ന്നു. ഇ​തി​ന്റെ തു​ട​ർ​ച്ച​യാ​ണ് ക​ഴി​ഞ്ഞ ആ​ഴ്ച​യു​ണ്ടാ​യ സം​ഘ​ർ​ഷ​മെ​ന്നാ​ണ് ര​ക്ഷി​താ​ക്ക​ൾ പ​റ​യു​ന്ന​ത്. ഓ​ണ​ത്തി​ന് ഒ​രേ നി​റ​ത്തി​ലു​ള്ള വ​സ്ത്രം ധ​രി​ച്ച് വ​ര​രു​തെ​ന്ന് പ്ല​സ് ടു ​വി​ദ്യാ​ർ​ഥി​ക​ൾ പ്ല​സ്‍ വ​ൺ വി​ദ്യാ​ർ​ഥി​ക​ളോ​ട് പ​റ​ഞ്ഞി​രു​ന്നു. ഈ ​നി​ർ​ദേ​ശം അ​നു​സ​രി​ക്കാ​ത്ത​തി​നെ തു​ട​ർ​ന്നു​ള്ള ത​ർ​ക്ക​മാ​ണ് ഇ​ട​ക്കി​ടെ അ​ടി​പൊ​ട്ടു​ന്ന​തി​നു​ള്ള കാ​ര​ണം.

● കൊ​ടു​വ​ള്ളി​യി​ൽ കാ​ര്യം നി​സ്സാ​രം; സം​ഘ​ർ​ഷം പ​തി​വ്

കൊ​ടു​വ​ള്ളി, ക​രു​വ​ൻ​പൊ​യി​ൽ, പ​ന്നൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളു​ക​ളി​ൽ വി​ദ്യാ​ർ​ഥി സം​ഘ​ർ​ഷം പ​തി​വാ​ണ്. ചേ​രി​തി​രി​ഞ്ഞ് പ്ല​സ് വ​ൺ-​പ്ല​സ്ടു വി​ദ്യാ​ർ​ഥി​ക​ൾ ത​മ്മി​ലാ​ണ് സം​ഘ​ർ​ഷം ഉ​ണ്ടാ​വു​ന്ന​ത്. റാ​ഗി​ങ്ങി​ന്റെ പേ​രി​ലും ചെ​റി​യ ത​ർ​ക്ക​ങ്ങ​ളു​മാ​യി ബ​ന്ധ​പ്പെ​ട്ടു​മാ​ണ് സ്കൂ​ളി​ന​ക​ത്തു​നി​ന്നും സ്കൂ​ളി​ന്റെ പ​രി​സ​ര പ്ര​ദേ​ശ​ങ്ങ​ളി​ൽ​വെ​ച്ചും വി​ദ്യാ​ർ​ഥി​ക​ൾ ത​മ്മി​ൽ വാ​ക് ത​ർ​ക്ക​ത്തി​ലേ​ർ​പ്പെ​ടു​ന്ന​ത്. ത​ർ​ക്കം പി​ന്നീ​ട് സം​ഘ​ട്ട​ന​ത്തി​ൽ ക​ലാ​ശി​ക്കും. സ്ഥി​ര​മാ​യു​ള്ള വി​ദ്യാ​ർ​ഥി സം​ഘ​ർ​ഷം നാ​ട്ടു​കാ​ർ​ക്കും വ​ലി​യ ദു​രി​ത​മാ​ണ്. അ​ടി​പി​ടി കൂ​ടു​ന്ന വി​ദ്യാ​ർ​ഥി​ക​ളെ പി​ന്തി​രി​പ്പി​ക്കാ​ൻ ഇ​ട​പെ​ടു​ന്ന നാ​ട്ടു​കാ​രെ മ​ർ​ദി​ക്കു​ന്ന​തും വീ​ടു​ക​ളി​ലെ​ത്തി ഭീ​ഷ​ണി​പ്പെ​ടു​ത്തു​ന്ന​തും പ​തി​വാ​ണ്. വി​ഷ​യ​ത്തി​ൽ പൊ​ലീ​സ് ശ​ക്ത​മാ​യ ന​ട​പ​ടി സ്വീ​ക​രി​ക്കാ​ത്ത​ത് വി​ദ്യാ​ർ​ഥി​ക​ൾ​ക്ക് അ​ടി​പി​ടി കൂ​ടാ​ൻ അ​നു​ഗ്ര​ഹ​മാ​കു​​ന്നു​വെ​ന്നാ​ണ് ആ​ക്ഷേ​പം.

● പ​യ്യോ​ളി​യി​ലും വി​ദ്യാ​ർ​ഥി​യു​ടെ ക​ർ​ണ​പു​ടം അ​ടി​ച്ചു​ത​ക​ർ​ത്തു; മൂ​ന്നു​പേ​ർ​ക്കെ​തി​രെ കേ​സ്

പ​യ്യോ​ളി​യി​ൽ ഫു​ട്ബാ​ൾ പ​രി​ശീ​ല​ന​ത്തി​നെ​ത്തി​യ വി​ദ്യാ​ർ​ഥി​യെ സം​ഘം ചേ​ർ​ന്ന് മ​ർ​ദി​ച്ച് ക​ർ​ണ​പു​ടം ത​ക​ർ​ത്ത സം​ഭ​വ​ത്തി​ൽ മൂ​ന്ന് വി​ദ്യാ​ർ​ഥി​ക​ൾ​ക്കെ​തി​രെ കേ​സെ​ടു​ത്ത​ത് ഫെ​ബ്രു​വ​രി​യി​ലാ​ണ്. പ​യ്യോ​ളി ഗ​വ. വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ ഗ്രൗ​ണ്ടി​ലാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ന​ന്തി ക​ട​ലൂ​ർ സ്വ​ദേ​ശി​യാ​യ എ​ട്ടാം ക്ലാ​സ് വി​ദ്യാ​ർ​ഥി​യെ​യാ​ണ് പ​യ്യോ​ളി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ എ​ട്ടാം ക്ലാ​സ് വി​ദ്യാ​ർ​ഥി​ക​ൾ റാ​ഗി​ങ്ങി​ന് സ​മാ​ന​മാ​യ രീ​തി​യി​ൽ അ​തി​ക്രൂ​ര​മാ​യി മ​ർ​ദി​ച്ച​ത്.

ഫു​ട്ബാ​ൾ പ​രി​ശീ​ല​നം ക​ഴി​ഞ്ഞ് മ​ട​ങ്ങു​ക​യാ​യി​രു​ന്ന വി​ദ്യാ​ർ​ഥി​യെ മൂ​ന്നു വി​ദ്യാ​ർ​ഥി​ക​ൾ ചേ​ർ​ന്ന് മ​ർ​ദി​ക്കു​ക​യും നാ​ലാ​മ​ത്തെ​യാ​ൾ സം​ഭ​വം മൊ​ബൈ​ലി​ൽ പ​ക​ർ​ത്തു​ക​യു​മാ​യി​രു​ന്നു. അ​തു​വ​ഴി വ​ന്ന ഫു​ട്ബാ​ൾ പ​രി​ശീ​ല​ക​നാ​യ അ​ധ്യാ​പ​ക​നാ​ണ് മ​ർ​ദ​ന​മേ​റ്റ വി​ദ്യാ​ർ​ഥി​യെ അ​വ​ശ​നി​ല​യി​ൽ ക​ണ്ടെ​ത്തി​യ​ത്. ചെ​വി​ക്ക് ഗു​രു​ത​ര പ​രി​ക്കേ​റ്റ വി​ദ്യാ​ർ​ഥി​ക്ക് മൂ​ന്നു​മാ​സ​ത്തെ വി​ശ്ര​മം വേ​ണ​മെ​ന്നാ​ണ് ഡോ​ക്ട​ർ​മാ​ർ നി​ർ​ദേ​ശി​ച്ച​ത്. സം​ഭ​വ​ത്തി​ന്റെ വി​ഡി​യോ ദൃ​ശ്യ​ങ്ങ​ൾ ര​ണ്ടാ​ഴ്ച​ക്കു​ശേ​ഷം സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ച​തോ​ടെ​യാ​ണ് ക്രൂ​ര​ത പു​റം​ലോ​ക​മ​റി​ഞ്ഞ​ത്.

● ചാ​ത്ത​മം​ഗ​ല​ത്ത് അ​ടി തു​ട​ങ്ങി​യ​ത് ക​ള​ർ വ​സ്ത്രം ഇ​ട്ട​തി​ന്റെ പേ​രി​ൽ

അ​ടു​ത്തി​ടെ ന​ട​ന്ന ‘അ​സോ​സി​യേ​ഷ​ൻ ഡേ’​ക്ക് ക​ള​ർ വ​സ്ത്രം ഇ​ട്ട​തി​നാ​ണ് സീ​നി​യ​ർ വി​ദ്യാ​ർ​ഥി​ക​ൾ ചാ​ത്ത​മം​ഗ​ലം ക​ള​ൻ​തോ​ട് എം.​ഇ.​എ​സ് കോ​ള​ജി​ലെ ബി.​സി.​എ ര​ണ്ടാം വ​ർ​ഷ വി​ദ്യാ​ർ​ഥി മു​ഹ​മ്മ​ദ് മി​ൻ​ഹാ​ജി​നെ (20) മ​ർ​ദി​ച്ച​ത്. പ​രി​പാ​ടി​യി​ൽ പ​ങ്കെ​ടു​ക്കു​ന്ന​തി​ന് അ​ധ്യാ​പ​ക​രു​ടെ അ​നു​മ​തി​യോ​ടെ ക​ള​ർ വ​സ്ത്ര​വും ടൈ​യും കെ​ട്ടി​വ​ന്ന​തി​നെ​ച്ചൊ​ല്ലി കൂ​ട്ടു​കാ​രെ മ​ർ​ദി​ക്കാ​ൻ ശ്ര​മി​ച്ച​പ്പോ​ൾ ത​ട​യാ​ൻ ചെ​ന്ന​തി​നാ​ണ് ക​ണ്ടാ​ല​റി​യാ​വു​ന്ന അ​ഞ്ച് സീ​നി​യ​ർ വി​ദ്യാ​ർ​ഥി​ക​ൾ മ​ർ​ദി​ച്ച​ത്. ഇ​ക്കാ​ര്യം ചൂ​ണ്ടി​ക്കാ​ട്ടി വി​ദ്യാ​ർ​ഥി കു​ന്ദ​മം​ഗ​ലം പൊ​ലീ​സി​ൽ പ​രാ​തി​യും ന​ൽ​കി​യി​ട്ടു​ണ്ട്. ഇ​രു​മ്പ് റി​ങ് ഉ​പ​യോ​ഗി​ച്ചു​ള്ള മ​ർ​ദ​ന​ത്തി​ൽ മു​ഖ​ത്ത് പ​രി​ക്കേ​റ്റ മു​ഹ​മ്മ​ദ് മി​ൻ​ഹാ​ജ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ തേ​ടി​യി​രു​ന്നു.

● ന​ട​ക്കാ​വി​ൽ കൂ​ളി​ങ് ഗ്ലാ​സ് വെ​ച്ച​തി​ന് ക്രൂ​ര​മ​ർ​ദ​നം

കോ​ള​ജ് ഡേ​ക്ക് കൂ​ളി​ങ് ഗ്ലാ​സ് വെ​ച്ചു​വ​ന്ന വി​ദ്യാ​ർ​ഥി​യെ സീ​നി​യ​ർ വി​ദ്യാ​ർ​ഥി​ക​ൾ ക്രൂ​ര​മാ​യി മ​ർ​ദി​ച്ച സം​ഭ​വം ന​ട​ക്കാ​വ് ഹോ​ളി ക്രോ​സ് കോ​ള​ജി​ലാ​യി​രു​ന്നു. ഫെ​ബ്രു​വ​രി 14ന് ​ഒ​ന്നാം വ​ർ​ഷ ബി.​ബി.​എ വി​ദ്യാ​ർ​ഥി​യെ മ​ർ​ദി​ക്കു​ക​യും റാ​ഗി​ങ്ങി​നി​ര​യാ​ക്കു​ക​യും ചെ​യ്തെ​ന്ന പ​രാ​തി​യി​ൽ ആ​റ് സീ​നി​യ​ർ വി​ദ്യാ​ർ​ഥി​ക​ൾ​ക്കെ​തി​രെ​യാ​ണ് ന​ട​ക്കാ​വ് പൊ​ലീ​സ് കേ​​സെ​ടു​ത്ത​ത്. ‘ഞ​ങ്ങ​ളു​ടെ മു​ന്നി​ലൂ​ടെ ഷോ ​കാ​ണി​ക്കു​​ന്നോ​ടാ’ എ​ന്ന് ചോ​ദി​ച്ചാ​യി​രു​ന്നു സീ​നി​യേ​ഴ്സി​ന്റെ മ​ർ​ദ​നം.