വ്യാപാര കേന്ദ്രത്തിന് ലൈസൻസിനായി വനിത സംരംഭകയുടെ നിൽപ്പ് സമരം

മു​ക്കം: സം​രം​ഭ​ക​രെ ആ​ക​ർ​ഷി​ക്കാ​ൻ സ​ർ​ക്കാ​ർ നൂ​ത​ന പ​ദ്ധ​തി​ക​ൾ പ്ര​ഖ്യാ​പി​ക്കു​ന്ന നാ​ട്ടി​ൽ വ്യാ​പാ​ര കേ​ന്ദ്ര​ത്തി​ന് ലൈ​സ​ൻ​സ് തേ​ടി വ​നി​ത സം​രം​ഭ​ക​യും കു​ടും​ബ​വും ന​ഗ​ര​സ​ഭ ഓ​ഫി​സി​ന് മു​ന്നി​ൽ നി​ൽ​പ്പു​സ​മ​രം ന​ട​ത്തി. മാ​സ​ങ്ങ​ൾ​ക്ക് മു​മ്പ് നി​ർ​മാ​ണം പൂ​ർ​ത്തി​യാ​ക്കി​യ കെ​ട്ടി​ട​ത്തി​ൽ വ്യാ​പാ​ര​ത്തി​ന് അ​നു​മ​തി നി​ഷേ​ധി​ക്കു​ന്ന അ​ധി​കൃ​ത​രു​ടെ ക​ണ്ണു​തു​റ​പ്പി​ക്കാ​ൻ മ​ണാ​ശ്ശേ​രി മ​ഠ​ത്തി​ൽ തൊ​ടി​ക ഷീ​ബ​യും കു​ടും​ബ​വു​മാ​ണ് സ​മ​ര​വു​മാ​യി എ​ത്തി​യ​ത്. മ​ണാ​ശ്ശേ​രി അ​ങ്ങാ​ടി​യോ​ട് ചേ​ർ​ന്ന് ഇ​വ​രു​ടെ സ്ഥ​ല​ത്ത് നി​ർ​മി​ച്ച കെ​ട്ടി​ട സ​മു​ച്ച​യ​ത്തി​ന് അ​ധി​കൃ​ത​രു​ടെ അ​നു​മ​തി തേ​ടി മാ​സ​ങ്ങ​ളാ​യി കു​ടും​ബം അ​ല​യു​ക​യാ​ണ്.

ധ​ന​കാ​ര്യ സ്ഥാ​പ​ന​ങ്ങ​ളി​ൽ നി​ന്ന് വാ​യ്പ​യെ​ടു​ത്തും നാ​ളി​തു​വ​രെ​യു​ള്ള സ​മ്പാ​ദ്യ​വും ഉ​പ​യോ​ഗി​ച്ച് നി​ർ​മി​ച്ച സ്ഥാ​പ​ന​ത്തി​ന് അ​നു​മ​തി കി​ട്ടാ​ത്ത​തി​നാ​ൽ കു​ടും​ബം ഏ​റെ ദു​രി​ത​ത്തി​ലാ​ണ്. സ്ഥാ​പ​നം തു​ട​ങ്ങാ​ൻ ക​ഴി​യാ​ത്ത​തി​നാ​ൽ വാ​യ്പ തി​രി​ച്ച​ട​വ് മു​ട​ങ്ങി ജ​പ്തി ഭീ​ഷ​ണി​യും നി​ല​നി​ൽ​ക്കു​ക​യാ​ണ്. കോ​വി​ഡ് കാ​ല​ത്ത് പ്ര​വാ​സി​ക​ളു​ൾ​പ്പെ​ടെ​യു​ള്ള​വ​ർ​ക്ക് ഗൃ​ഹ​വാ​സ​ത്തി​ന് സൗ​ജ​ന്യ​മാ​യി വി​ട്ടു​കൊ​ടു​ത്ത കെ​ട്ടി​ട സ​മു​ച്ച​യം കൂ​ടി​യാ​ണി​ത്. കോ​വി​ഡ് ബാ​ധി​ത​ർ​ക്ക് മാ​സ​ങ്ങ​ളോ​ളം ഭ​ക്ഷ​ണ വി​ത​ര​ണം ന​ട​ത്തി​യ​തും ഈ ​കു​ടും​ബ​മാ​യി​രു​ന്നു. രാ​വി​ലെ തു​ട​ങ്ങി​യ സ​മ​രം ഉ​ച്ച​യോ​ടെ അ​വ​സാ​നി​പ്പി​ച്ചു.

ലൈ​സ​ൻ​സ് അ​നു​വ​ദി​ക്കാ​തെ വ​ട്ടം ക​റ​ക്കു​ന്ന​തി​നാ​ൽ തെ​രു​വി​ലി​റ​ങ്ങേ​ണ്ട സാ​ഹ​ച​ര്യ​ത്തി​ലാ​ണ് സ​മ​ര​മെ​ന്നും നി​ഷേ​ധാ​ത്മ​ക നി​ല​പാ​ട് തു​ട​ർ​ന്നാ​ൽ പ്ര​തി​ഷേ​ധം ശ​ക്ത​മാ​ക്കു​മെ​ന്നും കു​ടും​ബം വ്യ​ക്ത​മാ​ക്കി.