ആറുമാസം പിന്നിട്ടു; പാസഞ്ചർ ട്രെയിനുകൾ പുനഃസ്ഥാപിച്ചില്ല

കോ​ഴി​ക്കോ​ട്: സാ​ധാ​ര​ണ​ക്കാ​രു​ടെ പ്ര​ധാ​ന ആ​ശ്ര​മാ​യി​രു​ന്ന പാ​സ​ഞ്ച​ർ (സ്പെ​ഷ​ൽ ട്രെ​യി​നു​ക​ൾ) പു​നഃ​സ്ഥാ​പി​ക്കാ​ത്ത​ത് മ​ല​ബാ​റി​ലെ യാ​ത്രാ പ്ര​തി​സ​ന്ധി രൂ​ക്ഷ​മാ​ക്കു​ന്നു. സെ​പ്റ്റം​ബ​ർ ഒ​മ്പ​തി​നാ​ണ് ഷൊ​ർ​ണൂ​ർ- കോ​ഴി​ക്കോ​ട് ട്രാ​ക്ക് അ​റ്റ​കു​റ്റ​പ്പ​ണി​യു​ടെ പേ​രു​പ​റ​ഞ്ഞ് 06495 തൃ​ശൂ​ർ -കോ​ഴി​ക്കോ​ട്, 06496 -കോ​ഴി​ക്കോ​ട് -ഷൊ​ർ​ണൂ​ർ ട്രെ​യി​നു​ക​ൾ റ​ദ്ദാ​ക്കി​യ​ത്. ആ​റ് ആ​ഴ്ച​ത്തേ​ക്കാ​യി​രു​ന്നു സ​ർ​വി​സ് റ​ദ്ദാ​ക്കി​യ​ത്.

പി​ന്നീ​ട് മൂ​ന്നു മാ​സ​ത്തി​നു​ള്ളി​ൽ പ്ര​വൃ​ത്തി പൂ​ർ​ത്തീ​ക​രി​ച്ച് ട്രെ​യി​നു​ക​ൾ പു​നഃ​സ്ഥാ​പി​ക്കു​മെ​ന്ന് പ​റ​ഞ്ഞെ​ങ്കി​ലും ന​ട​ന്നി​ല്ല. ഇ​പ്പോ​ൾ ആ​റു​മാ​സ​മാ​യി​ട്ടും പു​നഃ​സ്ഥാ​പി​ക്കാ​ൻ ന​ട​പ​ടി​യാ​യി​ട്ടി​ല്ല. ഷൊ​ർ​ണൂ​ർ- കോ​ഴി​ക്കോ​ട് ട്രാ​ക്ക് അ​റ്റ​കു​റ്റ​പ്പ​ണി ക​ഴി​ഞ്ഞ​യാ​ഴ്ച പൂ​ർ​ത്തീ​ക​രി​ച്ചി​ട്ടു​ണ്ട്.

ട്രെ​യി​ൻ പു​നഃ​സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് എം.​കെ. രാ​ഘ​വ​ൻ എം.​പി റെ​യി​ൽ​വേ മ​ന്ത്രി​ക്ക് നി​വേ​ദ​നം ന​ൽ​കി. റ​ദ്ദാ​ക്കി​യ സ്പെ​ഷ​ൽ ട്രെ​യി​നു​ക​ൾ പാ​സ​ഞ്ച​ർ ട്രെ​യി​നു​ക​ളാ​യോ മെ​മു ആ​യി​ട്ടോ പു​നഃ​സ്ഥാ​പി​ക്ക​ണ​മെ​ന്നും എം.​പി ആ​വ​ശ്യ​പ്പെ​ട്ടു. ജ​ന​റ​ൽ ക​മ്പാ​ർ​ട്ടു​മെ​ന്റു​ക​ൾ വെ​ട്ടി​ക്കു​റ​ച്ച​തും ട്രെ​യി​നു​ക​ൾ മു​ട​ങ്ങു​ന്ന​തും കാ​ര​ണം മ​ല​ബാ​ർ മേ​ഖ​ല​യി​ൽ ട്രെ​യി​നു​ക​ളി​ൽ വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ഇ​ന്ന​ലെ ഉ​ച്ച​ക്ക് 2.40 ഷൊ​ർ​ണൂ​രി​ൽ നി​ന്ന് പു​റ​പ്പെ​ടു​ന്ന ഷൊ​ർ​ണൂ​ർ-​കോ​ഴി​ക്കോ​ട് സ്പെ​ഷ​ൽ എ​ക്സ്പ്ര​സ് ട്രെ​യി​ൻ റ​ദ്ദാ​ക്കി​യ​തും റൂ​ട്ടി​ൽ തി​ര​ക്ക് വ​ർ​ധി​ക്കാ​നി​ട​യാ​ക്കി. ഇ​ന്ന് പു​ല​ർ​ച്ച ഷൊ​ർ​ണൂ​രി​ൽ നി​ന്ന് പു​റ​പ്പെ​ടു​ന്ന എ​ക്സ്പ്ര​സ് ട്രെ​യി​നും റ​ദ്ദാ​ക്കി​യ​തി​ൽ ഉ​ൾ​പ്പെ​ടും. പ​ല ട്രെ​യി​നു​ക​ളും വൈ​കി​യോ​ടു​ന്ന​തും തി​ര​ക്ക് വ​ർ​ധി​ക്കാ​നി​ട​യാ​ക്കു​ന്നു.

കോ​വി​ഡ് ലോ​ക്ഡൗ​ണി​ൽ നി​ർ​ത്തി​വെ​ച്ച ലോ​ക്ക​ൽ സ​ർ​വി​സു​ക​ൾ പു​ന​രാ​രം​ഭി​ച്ചി​ട്ടി​ല്ല. കോ​വി​ഡി​നു​ശേ​ഷം ട്രെ​യി​നു​ക​ൾ പു​ന​രാ​രം​ഭി​ച്ച​പ്പോ​ൾ പാ​സ​ഞ്ച​ർ ട്രെ​യി​നു​ക​ൾ ‘സ്പെ​ഷ​ൽ എ​ക്സ്പ്ര​സ്’ വി​ഭാ​ഗ​ത്തി​ലേ​ക്ക് മാ​റ്റി എ​ക്സ്പ്ര​സ് ടി​ക്ക​റ്റ് നി​ര​ക്ക് ഈ​ടാ​ക്കു​ക​യാ​യി​രു​ന്നു. പ​ത്ത് രൂ​പ​യാ​യി​രു​ന്ന ടി​ക്ക​റ്റ് നി​ര​ക്ക് മു​പ്പ​തി​ലേ​ക്ക് ഉ​യ​ർ​ത്തി.

ഏ​റ്റ​വും തി​ര​ക്കു​ള്ള വൈ​കു​ന്നേ​ര​ങ്ങ​ളി​ൽ ഓ​ടി​യി​രു​ന്ന കോ​യ​മ്പ​ത്തൂ​ർ- ക​ണ്ണൂ​ർ, ഷൊ​ർ​ണൂ​ർ -കോ​ഴി​ക്കോ​ട്, ആ​ല​പ്പു​ഴ- ക​ണ്ണൂ​ർ വ​ണ്ടി​ക​ളു​ടെ സ​മ​യ​മാ​റ്റം വ​രു​ത്തി​യ​തും യാ​ത്ര​ക്കാ​ർ​ക്ക് തി​രി​ച്ച​ടി​യാ​യി. മ​ല​ബാ​റി​ലെ ഉ​ൾ​ഗ്രാ​മ​ങ്ങ​ളി​ൽ​നി​ന്ന് ക​ണ്ണൂ​ർ, കോ​ഴി​ക്കോ​ട്, കാ​ലി​ക്ക​റ്റ് യൂ​നി​വേ​ഴ്സി​റ്റി, തി​രൂ​ർ, കു​റ്റി​പ്പു​റം, പ​ട്ടാ​മ്പി, ഷൊ​ർ​ണൂ​ർ, പാ​ല​ക്കാ​ട് എ​ന്നി​വി​ട​ങ്ങ​ളി​ലെ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പ​ഠ​ന​ത്തി​നെ​ത്തു​ന്ന വി​ദ്യാ​ർ​ഥി​ക​ളും ഉ​ദ്യോ​ഗ​സ്ഥ​രും സ്വ​കാ​ര്യ സ്ഥാ​പ​ന​ങ്ങ​ളി​ലെ തൊ​ഴി​ലാ​ളി​ക​ളും ക​ച്ച​വ​ട​ക്കാ​രും സ്ഥി​ര​യാ​ത്ര​ക്ക് ട്രെ​യി​ൻ സ​ർ​വി​സി​നെ ആ​ശ്ര​യി​ക്കു​ന്ന​വ​രാ​ണ്.