ക​ല്ലാ​യി​പ്പു​ഴ​യി​ൽ​നി​ന്ന് ആ​റ് ലോ​ഡ് ച​ളി നീ​ക്കി

കോ​ഴി​ക്കോ​ട്: ക​ല്ലാ​യി​പ്പു​ഴ​യി​ലെ ച​ളി​യും മ​ണ്ണും നീ​ക്കി ആ​ഴം കൂ​ട്ടു​ന്ന പ്ര​വൃ​ത്തി ഒ​രാ​ഴ്ച പി​ന്നി​ട്ട​​പ്പോ​ൾ മൊ​ത്തം ആ​റ് ലോ​ഡ് ച​ളി ക​ട​ലി​ൽ കൊ​ണ്ടു​പോ​യി ത​ള്ളി​യ​താ​യി ഇ​റി​ഗേ​ഷ​ൻ അ​സി. എ​ക്സി​ക്യൂ​ട്ടി​വ് എ​ൻ​ജി​നീ​യ​ർ സി. ​അ​ജ​യ​ൻ അ​റി​യി​ച്ചു. ഒ​രു ലോ​ഡി​ൽ 800 ക്യു​ബി​ക് മീ​റ്റ​ർ ച​ളി​യെ​ങ്കി​ലും കൊ​ള്ളും. ഇ​ത്ത​രം ആ​റ് ലോ​ഡാ​ണ് നീ​ക്കി​യ​ത്. ചെ​റി​യ ടി​പ്പ​ർ ലോ​റി​യി​ൽ മൂ​ന്ന് ക്യൂ​ബി​ക് മീ​റ്റ​റാ​ണ് സാ​ധാ​ര​ണ​യാ​യി കൊ​ള്ളു​ക. മൊ​ത്തം 3.29 ല​ക്ഷം ക്യൂ​ബി​ക് മീ​റ്റ​ർ ച​ളി എ​ടു​ത്തു​മാ​റ്റാ​നാ​ണ് ക​രാ​ർ ന​ൽ​കി​യി​രി​ക്കു​ന്ന​ത്. മ​ഴ​ക്ക് മു​മ്പു​ത​ന്നെ മു​ഴു​വ​ൻ മാ​റ്റാ​നാ​വു​മെ​ന്നാ​ണ് പ്ര​തീ​ക്ഷ.

ലോ​ക​ത്തെ എ​റ്റ​വും പ്ര​ധാ​ന മ​ര​വ്യ​വ​സാ​യ കേ​ന്ദ്ര​ങ്ങ​ളി​ലൊ​ന്നാ​യി​രു​ന്ന ക​ല്ലാ​യി​പ്പു​ഴ​യി​ൽ ആ​ഴ്ന്നു​കി​ട​ക്കു​ന്ന മ​ര​ങ്ങ​ളു​ണ്ടെ​ങ്കി​ൽ എ​ടു​ത്ത് ലേ​ലം ചെ​യ്യാ​നും മ​റ്റും ക​രാ​റി​ൽ വ്യ​വ​സ്ഥ​യു​ണ്ടെ​ങ്കി​ലും അ​ധി​കം മ​രം ഉ​ണ്ടാ​വി​ല്ലെ​ന്ന നി​ഗ​മ​ന​ത്തി​ലാ​ണ് അ​ധി​കൃ​ത​ർ. മ​ര വ്യ​വ​സാ​യി​ക​ൾ​ക്കെ​ല്ലാം ​ക്രെ​യി​നു​ക​ളും മ​റ്റു​മു​ള്ള സാ​ഹ​ച​ര്യ​ത്തി​ൽ പ​ര​മാ​വ​ധി മ​ര​ങ്ങ​ൾ നീ​ക്കി​ക്ക​ഴി​ഞ്ഞി​ട്ടു​ണ്ടാ​വു​മെ​ന്നാ​ണ് ക​രു​തു​ന്ന​ത്. 2.2 മീ​റ്റ​ർ ആ​ഴ​ത്തി​ലാ​ണ് ഇ​പ്പോ​ൾ ചെ​ളി നീ​ക്കു​ന്ന​ത്. അ​തി​നാ​ൽ അ​തി​നു​മ​ടി​യി​ൽ കി​ട​ക്കു​ന്ന മ​ര​ങ്ങ​ൾ ക​ണ്ടെ​ത്തു​ക പ്ര​യാ​സ​മാ​വും.

അ​ഴി​മു​ഖ​ത്താ​യ​തി​നാ​ൽ ക​ന​ത്ത തി​ര ച​ളി​യെ​ടു​ക്ക​ലി​ന് പ്ര​യാ​സ​മു​ണ്ടാ​ക്കു​ന്നു​ണ്ട്. തി​ര​യി​ൽ ഡ്ര​ഡ്ജ​റും ബാ​ർ​ജും കൂ​ട്ടി​യി​ടി​ച്ച് ദ്വാ​രം വീ​ണ​തി​നാ​ൽ ര​ണ്ട് ദി​വ​സം മ​ണ്ണ് നീ​ക്ക​ൽ നി​ർ​ത്തി​വെ​ക്കേ​ണ്ടി​വ​ന്നു. അ​തി​നു ശേ​ഷം ഞാ​യ​റാ​ഴ്ച മ​ണ്ണെ​ടു​ക്ക​ൽ പു​ന​രാ​രം​ഭി​ക്കു​ക​യാ​യി​രു​ന്നു. അ​ടു​ത്ത​ടു​ത്ത് നി​ർ​ത്തി​യി​ട്ടാ​ണ് മ​ണ്ണ് കോ​രി​യി​ടു​ന്ന​ത് എ​ന്ന​തി​നാ​ലാ​ണ് തി​ര ശ​ക്ത​മാ​വു​മ്പോ​ൾ ഇ​വ കൂ​ട്ടി​യി​ടി​ക്കാ​നു​ള്ള സാ​ധ്യ​ത​യേ​റു​ന്ന​ത്. ക​ട​ലി​നോ​ട് ചേ​ർ​ന്ന ഭാ​ഗ​ത്ത് തി​ര കാ​ര​ണം ച​ളി എ​ളു​പ്പം നീ​ക്കാ​നാ​വാ​ത്ത​താ​ണ് ജോ​ലി വേ​ഗം കു​റ​യാ​ൻ കാ​ര​ണം. അ​ഴി​മു​ഖം ക​ഴി​ഞ്ഞ് പു​ഴ​യി​ലേ​ക്ക് നീ​ങ്ങു​മ്പോ​ൾ തി​ര​യ​ടി​യി​ല്ലാ​ത്ത​തി​നാ​ൽ പെ​ട്ടെ​ന്ന് തീ​ർ​ക്കാ​നാ​വും. കൂ​ടു​ത​ൽ ഡ്ര​ഡ്ജ​റു​ക​ൾ പു​ഴ​യി​ൽ ഉ​പ​യോ​ഗി​ക്കാ​നു​മാ​വും.

പു​ഴ​യി​ലെ മാ​ലി​ന്യ​ങ്ങ​ളും ച​ളി​യും നീ​ക്കം ചെ​യ്യു​ന്ന​തി​ന് കോ​ഴി​ക്കോ​ട് കോ​ർ​പ​റേ​ഷ​ന്റെ 12.98 കോ​ടി രൂ​പ ഉ​പ​യോ​ഗി​ച്ച് ജ​ല​സേ​ച​ന വ​കു​പ്പി​ന്റെ മ​ണ്ണ് നീ​ക്ക​ൽ പ്ര​വ​ർ​ത്ത​ന​ങ്ങ​ളാ​ണ് ക​ഴി​ഞ്ഞ​യാ​ഴ്ച ആ​രം​ഭി​ച്ച​ത്. കോ​തി അ​ഴി​മു​ഖ​ത്തു​നി​ന്നാ​ണ് ച​ളി​യെ​ടു​ക്ക​ൽ ആ​രം​ഭി​ച്ച​ത്. ഡ്ര​ഡ്ജ​റി​ൽ ഹി​റ്റാ​ച്ചി ഉ​പ​യോ​ഗി​ച്ച് കോ​രി​യെ​ടു​ക്കു​ന്ന ച​ളി​യും മാ​ലി​ന്യ​ങ്ങ​ളും ബാ​ർ​ജ​റി​ൽ ക​യ​റ്റി ക​ട​ലി​ൽ അ​ഞ്ച് കി​ലോ​മീ​റ്റ​ർ ദൂ​ര​ത്തി​ൽ ത​ള്ളാ​നു​ള്ള ന​ട​പ​ടി​യാ​ണ് തു​ട​ങ്ങി​യ​ത്. ബാ​ർ​ജ​ർ പൂ​ർ​ണ​മാ​യി ച​ളി നി​റ​ഞ്ഞ ശേ​ഷ​മാ​ണ് ക​ട​ലി​ൽ കൊ​ണ്ടു​പോ​യി ത​ള്ളു​ക. ബാ​ർ​ജ​റി​ന്റെ സു​ഗ​മ​മാ​യ യാ​ത്ര​ക്ക് വേ​ലി​യേ​റ്റ​മാ​ണ് ന​ല്ല​ത്. അ​തി​നാ​ൽ വേ​ലി​യേ​റ്റ സ​മ​യം​കൂ​ടി പ​രി​ഗ​ണി​ച്ചാ​ണ് ച​ളി​നീ​ക്കം. വ​ലി​യ ബാ​ർ​ജ്, എ​ക്സ്ക​വേ​റ്റ​ർ, മ​ണ്ണു​മാ​ന്തി തു​ട​ങ്ങി​യ​വ ഉ​പ​യോ​ഗി​ച്ചാ​ണ് ​പ്ര​വൃ​ത്തി.

കോ​തി അ​ഴി​മു​ഖ​ത്തു​നി​ന്ന് മാ​ങ്കാ​വ് ക​ടു​പ്പി​നി​വ​രെ നാ​ല​ര കി​ലോ​മീ​റ്റ​ർ ദൂ​ര​ത്തി​ലെ ച​ളി​യും മാ​ലി​ന്യ​ങ്ങ​ളും നീ​ക്ക​ൽ ചെ​യ്യു​ന്ന പ്ര​വൃ​ത്തി പൂ​ർ​ത്തി​യാ​യാ​ൽ ന​ഗ​ര​ത്തി​ലെ​യും താ​ഴ്ന്ന പ്ര​ദേ​ശ​ങ്ങ​ളി​ലെ​യും മ​ഴ​ക്കാ​ല​ത്തെ വെ​ള്ള​പ്പൊ​ക്ക ദു​രി​ത​ത്തി​ന് പ​രി​ഹാ​ര​മാ​കു​മെ​ന്നാ​ണ് പ്ര​തീ​ക്ഷ.