ശോഭ സുരേന്ദ്രന്​ വേദി നൽകൽ; ബി.ജെ.പിയിലെ തർക്കം പരസ്യപോരിലേക്ക്

കോ​ഴി​ക്കോ​ട്: സം​സ്ഥാ​ന വൈ​സ് പ്ര​സി​ഡ​ന്റ് ശോ​ഭ സു​രേ​ന്ദ്ര​നെ കോ​ഴി​ക്കോ​ട്ടെ പാ​ര്‍ട്ടി പ​രി​പാ​ടി​ക​ളി​ല്‍ പ​ങ്കെ​ടു​പ്പി​ക്കു​ന്ന​തി​നെ ചൊ​ല്ലി​യു​ള്ള ബി.​ജെ.​പി​യി​ലെ ത​ര്‍ക്കം പ​ര​സ്യ പോ​രി​ലേ​ക്ക്.

പാ​ർ​ട്ടി ജി​ല്ല ക​മ്മി​റ്റി​യു​ടെ ഔ​ദ്യോ​ഗി​ക വാ​ട്‌​സ്ആ​പ് ഗ്രൂ​പ്പാ​യ ‘BJP KOZHIKODE DIST’ ലാ​ണ് നേ​തൃ​ത്വ​ത്തെ പ​ര​സ്യ​മാ​യി അ​പ​മാ​നി​ക്കു​ന്ന ശോ​ഭ സു​രേ​ന്ദ്ര​നെ എ​ന്തി​നാ​ണ് കോ​ഴി​ക്കോ​ട്ടെ പ​രി​പാ​ടി​ക​ളി​ൽ പ​​ങ്കെ​ടു​പ്പി​ക്കു​ന്ന​തെ​ന്ന വി​മ​ർ​ശ​ന​മു​ന്ന​യി​ച്ച് എ.​ബി.​വി.​പി മു​ൻ സം​സ്ഥാ​ന സെ​ക്ര​ട്ട​റി വി.​പി. രാ​ജീ​വ​ൻ പ്ര​തി​ക​ര​ണ​മി​ട്ട​ത്. മ​ണ്ഡ​ലം പ്ര​സി​ഡ​ന്റു​മാ​രാ​യ പി.​സി. അ​ഭി​ലാ​ഷ്, മ​നോ​ജ് ന​ടു​ക്ക​ണ്ടി എ​ന്നി​വ​ർ ഇ​തി​നെ പി​ന്തു​ണ​ക്കു​ക​യും ചെ​യ്ത​തോ​ടെ​യാ​ണ് പോ​ര് രൂ​ക്ഷ​മാ​യ​ത്.

പി​ണ​റാ​യി സ​ർ​ക്കാ​റി​ന്റെ മ​ത്സ്യ​ത്തൊ​ഴി​ലാ​ളി വ​ഞ്ച​ന​ക്കെ​തി​രെ ബി.​ജെ.​പി വെ​ള്ള​യി​ൽ, വെ​സ്റ്റ്ഹി​ൽ, പു​തി​യ​ങ്ങാ​ടി ഏ​രി​യ ക​മ്മി​റ്റി​ക​ൾ ചേ​ർ​ന്ന് കോ​ന്നാ​ട് ബീ​ച്ചി​ലെ ഫി​ഷ​റീ​സ് ഡി.​സി ഓ​ഫി​സ് പ​രി​സ​ര​ത്ത് വെ​ള്ളി​യാ​ഴ്ച ന​ട​ത്തി​യ രാ​പ​ക​ൽ സ​മ​ര​ത്തി​ന്റെ പോ​സ്റ്റ​ർ ഈ ​വാ​ട്സ്ആ​പ് ഗ്രൂ​പ്പി​ൽ ഇ​ട്ടി​രു​ന്നു. ‘ക​ട​ലി​ന്റെ ക​ണ്ണീ​​രൊ​പ്പാ​ൻ കേ​ര​ള​ത്തി​ന്റെ സ​മ​ര നാ​യി​ക’ എ​ന്നാ​ണ് ശോ​ഭ സു​രേ​ന്ദ്ര​നെ പോ​സ്റ്റ​റി​ൽ വി​ശേ​ഷി​പ്പി​ച്ച​ത്. പോ​സ്റ്റ​റി​ന് പ്ര​തി​ക​ര​ണ​മെ​ന്നോ​ണ​മാ​ണ് ‘ആ ​വ്യ​ക്തി​യെ എ​ന്തി​നാ​ണ് വി​ളി​ക്കു​ന്ന​ത്’ എ​ന്ന് ചോ​ദി​ച്ചു​ള്ള വി​ശ​ദ പ്ര​തി​ക​ര​ണം വ​ന്ന​ത്.

കേ​ന്ദ്ര സ​ഹ​മ​ന്ത്രി വി. ​മു​ര​ളീ​ധ​ര​ന്റെ​യും സം​സ്ഥാ​ന പ്ര​സി​ഡ​ന്റ് കെ. ​സു​രേ​ന്ദ്ര​ന്റെ​യും നേ​തൃ​ത്വ​ത്തി​ലു​ള്ള ചേ​രി​യു​ടെ ര​ഹ​സ്യ എ​തി​ർ​പ്പാ​ണ് വാ​ട്സ്ആ​പ് ഗ്രൂ​പ്പി​​ലൂ​ടെ പ​ര​സ്യ​മാ​യ​തെ​ന്നാ​ണ് പാ​ർ​ട്ടി​യി​ലെ ഒ​രു​വി​ഭാ​ഗം വി​ല​യി​രു​ത്തു​ന്ന​ത്.

ഹ​ർ​ഷി​ന മെ​ഡി​ക്ക​ൽ കോ​ള​ജ് പ​രി​സ​ര​ത്ത് ന​ട​ത്തു​ന്ന സ​മ​ര​ത്തി​ന് പി​ന്തു​ണ​യ​ർ​പ്പി​ച്ച് നേ​ര​ത്തെ ശോ​ഭ കോ​ഴി​ക്കോ​ട്ടെ​ത്തി​യ​പ്പോ​ൾ വ​ലി​യ സ്വീ​കാ​ര്യ​ത ല​ഭി​ക്കു​ക​യും സ​മ​ര​വേ​ദി​ക്ക​രി​കി​ൽ​നി​ന്ന് മ​ന്ത്രി വി. ​മു​ര​ളീ​ധ​ര​നെ വി​മ​ർ​ശി​ച്ച് മാ​ധ്യ​മ​ങ്ങ​ളോ​ട് പ്ര​തി​ക​രി​ക്കു​ക​യും ചെ​യ്തി​രു​ന്നു. ഇ​താ​ണ് മു​ര​ളീ​ധ​ര​പ​ക്ഷ​ത്തെ കൂ​ടു​ത​ൽ പ്ര​കോ​പി​പ്പി​ച്ച​തെ​ന്നും ഇ​ക്കൂ​ട്ട​ർ ചൂ​ണ്ടി​ക്കാ​ട്ടു​ന്നു. കൂ​ടു​ത​ൽ പ​രി​പാ​ടി​ക​ളി​ലേ​ക്ക് ശോ​ഭ​യെ വി​ളി​ക്കു​ന്ന​ത് ഒ​ഴി​വാ​ക്കി​ക്കാ​നു​ള്ള ശ്ര​മ​ങ്ങ​ളും അ​ണി​യ​റ​യി​ൽ തു​ട​രു​ന്നു​ണ്ട്. ശോ​ഭ സു​രേ​ന്ദ്ര​നെ​തി​രാ​യ പോ​സ്റ്റ് ശോ​ഭ​യെ അ​നു​കൂ​ലി​ക്കു​ന്ന​വ​ർ​ത​ന്നെ​യാ​ണ് ഗ്രൂ​പ്പി​ന് പു​റ​ത്തു​ള്ള​വ​ർ​ക്ക് ചോ​ർ​ത്തി ന​ൽ​കി പാ​ർ​ട്ടി​യി​ൽ ച​ർ​ച്ച​യാ​ക്കി​യ​ത്.

അ​തേ​സ​മ​യം, ബി.​ജെ.​പി ജി​ല്ല ക​മ്മി​റ്റി​യു​ടെ ഔ​ദ്യോ​ഗി​ക വാ​ട്സ്ആ​പ് ഗ്രൂ​പ്പി​ല്‍ ത​നി​ക്കെ​തി​രെ പ​രാ​മ​ര്‍ശം വ​ന്നാ​ല്‍ അ​ത് പാ​ര്‍ട്ടി നേ​തൃ​ത്വ​ത്തോ​ടാ​ണ് ചോ​ദി​ക്കേ​ണ്ട​തെ​ന്ന് രാ​പ​ക​ൽ സ​മ​ര​ത്തി​ൽ പ​​ങ്കെ​ടു​ത്ത​ശേ​ഷം ശോ​ഭ സു​രേ​ന്ദ്ര​ന്‍ കോ​ഴി​ക്കോ​ട്ട് മാ​ധ്യ​മ​ങ്ങ​ളോ​ട് പ​റ​ഞ്ഞു.

ജ​ന​ങ്ങ​ളു​ടെ വി​ഷ​യ​ങ്ങ​ള്‍ ഏ​റ്റെ​ടു​ത്ത് മു​ന്നോ​ട്ടു​പോ​കാ​നാ​ണ് രാ​ഷ്ട്രീ​യ​രം​ഗ​ത്ത് പ്ര​വ​ര്‍ത്തി​ക്കു​ന്ന​ത്. എ​വി​ടെ​യും പ്ര​വ​ര്‍ത്തി​ക്കു​ന്ന​തി​നു​ള്ള സ്വാ​ത​ന്ത്ര്യം ശോ​ഭ​ക്കു​ണ്ടെ​ന്നാ​ണ് സം​സ്ഥാ​ന പ്ര​സി​ഡ​ന്റ് കെ. ​സു​രേ​ന്ദ്ര​ൻ വ്യ​ക്ത​മാ​ക്കി​യ​ത്. പൊ​തു​പ്ര​വ​ര്‍ത്ത​ന​രം​ഗ​ത്തു​ള്ള വ്യ​ക്തി എ​ന്ന നി​ല​യി​ല്‍ അ​ഭി​പ്രാ​യ​ങ്ങ​ൾ പ​റ​യും. പാ​ര്‍ട്ടി​ക്കെ​തി​രെ താ​ന്‍ ഇ​തു​വ​രെ ഒ​ന്നും പ​റ​ഞ്ഞി​ട്ടി​ല്ല. ഇ​ത് ത​ന്റെ​കൂ​ടി പാ​ർ​ട്ടി​യാ​ണ്. അ​ല്ലെ​ന്ന് വ​രു​ത്താ​ൻ ആ​രെ​ങ്കി​ലും ശ്ര​മി​ക്കു​ന്നു​ണ്ടെ​ങ്കി​ൽ ആ ​വെ​ള്ളം വാ​ങ്ങി​വെ​ച്ചേ​ക്ക​ണം.

ബി.​ജെ.​പി ഉ​യ​ര്‍ത്തി​പ്പി​ടി​ക്കു​ന്ന ആ​ശ​യ​ത്തോ​ടാ​ണ് എ​നി​ക്ക് പ്ര​തി​ബ​ദ്ധ​ത. അ​തു​മാ​യാ​ണ് മു​ന്നോ​ട്ടു​പോ​കു​ന്ന​ത്. എ​ന്റെ വ​ഴി​യി​ല്‍ ആ​രെ​ങ്കി​ലും ത​ട​സ്സം സൃ​ഷ്ടി​ച്ചാ​ല്‍ അ​ത് എ​ടു​ത്തു​മാ​റ്റി മു​ന്നോ​ട്ടു​പോ​കാ​ന്‍ അ​റി​യാ​മെ​ന്നും അ​വ​ര്‍ കൂ​ട്ടി​ച്ചേ​ര്‍ത്തു.

ശോ​ഭ സു​രേ​ന്ദ്ര​നെ​തി​രെ വ​ന്ന പോ​സ്റ്റ്

പ്രി​യ സ​ഹ​പ്ര​വ​ർ​ത്ത​ക​രെ,

സം​ഘ​ട​ന​യെ​യും മു​തി​ര്‍ന്ന പ്ര​വ​ര്‍ത്ത​ക​രെ​യും മാ​ധ്യ​മ​ങ്ങ​ള്‍ക്കു മു​ന്നി​ല്‍ പ​ര​സ്യ​മാ​യി വി​മ​ര്‍ശി​ക്കു​ന്ന ഈ ​വ്യ​ക്തി​യെ (ശോ​ഭ സു​രേ​ന്ദ്ര​നെ) എ​ന്തി​നാ​ണ് ഇ​ത്ത​രം പ​രി​പാ​ടി​ക​ളി​ല്‍ വി​ളി​ക്കു​ന്ന​ത്. സം​ഘ​ട​ന​യു​ടെ അ​ച്ച​ട​ക്കം പാ​ലി​ച്ച് പ്ര​വ​ര്‍ത്തി​ക്കു​ന്ന​വ​ര്‍ക്ക് ഈ ​നേ​താ​വി​ന്റെ അ​ഭി​പ്രാ​യ​ത്തോ​ട് യോ​ജി​ക്കാ​ന്‍ സാ​ധി​ക്കു​മോ? എ​തി​രാ​ളി​ക​ള്‍ക്ക് അ​ടി​ക്കാ​നു​ള്ള വ​ടി​കൊ​ടു​ക്കു​ക​യും പ്ര​വ​ര്‍ത്ത​ക​രു​ടെ ആ​ത്മ​വീ​ര്യം ത​ക​ര്‍ക്കു​ക​യും ചെ​യ്യു​ന്ന നേ​താ​ക്ക​ളെ നാം ​എ​ന്തി​ന് കൊ​ണ്ടു​ന​ട​ക്ക​ണം? സം​ഘ​ട​ന​യു​ടെ ഭാ​ഗ​ത്തോ നേ​തൃ​ത്വ​ത്തി​ന്റെ ഭാ​ഗ​ത്തോ തെ​റ്റു​ണ്ടെ​ങ്കി​ല്‍ വി​മ​ര്‍ശി​ക്കു​ക​ത​ന്നെ വേ​ണം, പ​ക്ഷേ അ​ത് മാ​ധ്യ​മ​ങ്ങ​ളു​ടെ മു​ന്നി​ല​ല്ല വേ​ണ്ട​തെ​ന്ന അ​ഭി​പ്രാ​യ​ക്കാ​ര​നാ​ണ് ഞാ​ന്‍. ദേ​ശീ​യ നേ​താ​ക്ക​ളെ​യ​ട​ക്കം പേ​രെ​ടു​ത്ത് വി​മ​ര്‍ശി​ച്ച ഇ​ത്ത​രം നേ​താ​ക്ക​ള്‍ക്കെ​തി​രെ സം​ഘ​ട​ന ശ​ക്ത​മാ​യ ന​ട​പ​ടി സ്വീ​ക​രി​ക്കു​ക​യ​ല്ലേ വേ​ണ്ട​ത്​?.