ഷെർലി വാസു; തിയറിക്കപ്പുറം അപഗ്രഥിച്ച ഫോറൻസിക് സർജൻ

കോ​ഴി​ക്കോ​ട്: പാ​ഠ​പു​സ്ത​ക​ങ്ങ​ളി​ൽ വാ​യി​ച്ചു​പ​ഠി​ച്ച തി​യ​റി​യി​ൽ​നി​ന്ന് വേ​റി​ട്ടു​ചി​ന്തി​ച്ച് സൂ​ക്ഷ്മ വി​ഷ​യ​ങ്ങ​ളെ​വ​രെ ആ​ഴ​ത്തി​ൽ അ​പ​ഗ്ര​ഥ​നം ചെ​യ്ത് റി​പ്പോ​ർ​ട്ടു​ക​ൾ സ​മ​ർ​പ്പി​ക്കു​ന്ന ഫോ​റ​ൻ​സി​ക് വി​ദ​ഗ്ധ​യാ​യി​രു​ന്നു ഡോ. ​ഷെ​ർ​ലി വാ​സു എ​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ മു​ൻ ഫോ​റ​ൻ​സി​ക് മേ​ധാ​വി​യും നി​ല​വി​ൽ എം.​ഇ.​എ​സ് മെ​ഡി​ക്ക​ൽ കോ​ള​ജി​ലെ പ്ര​ഫ​സ​റു​മാ​യ ഡോ. ​കെ. പ്ര​സ​ന്ന​ൻ. ഫോ​റ​ൻ​സി​ക് മേ​ഖ​ല​യി​ലേ​ക്ക് അ​ധി​കം പേ​ർ ക​ട​ന്നു​വ​രാ​ത്ത കാ​ല​ത്താ​ണ് പ്ര​ത്യേ​ക താ​ൽ​പ​ര്യ​മെ​ടു​ത്ത് ഒ​രു വ​നി​ത ഈ ​മേ​ഖ​ല​യി​ലേ​ക്ക് ക​ട​ന്നു​വ​ന്ന​ത്. ഒ​രു ത​ര​ത്തി​ലു​ള്ള സ്വാ​ധീ​ന​ങ്ങ​ൾ​ക്കും വ​ഴ​ങ്ങാ​തെ ജോ​ലി​യി​ൽ നൂ​റു​ശ​ത​മാ​നം സ​മ​ർ​പ്പി​ത​യാ​യി​രു​ന്നു അ​വ​ർ.

പോ​സ്റ്റ്മോ​ർ​ട്ടം ടേ​ബി​ളി​ൽ ക​ണ്ടെ​ത്തു​ന്ന ചെ​റി​യ ചെ​റി​യ കാ​ര്യ​ങ്ങ​ളെ വ​രെ സൂ​ക്ഷ്മ​മാ​യി നി​രീ​ക്ഷി​ച്ച് ആ​ഴ​ത്തി​ൽ പ​ഠി​ച്ച് ത​ന്‍റെ നി​ഗ​മ​ന​ങ്ങ​ൾ​കൂ​ടി ചേ​ർ​ത്താ​യി​രു​ന്നു റി​പ്പോ​ർ​ട്ടു​ക​ൾ ത​യാ​റാ​ക്കി​യി​രു​ന്ന​ത്. മ​റ്റ് ഫോ​റ​ൻ​സി​ക് സ​ർ​ജ​ന്മാ​രി​ൽ​നി​ന്ന് വ്യ​ത്യ​സ്ത​മാ​യി മു​ന്നി​ലെ​ത്തു​ന്ന ഓ​രോ കേ​സി​ന്‍റെ​യും സാ​മൂ​ഹി​ക വ​ശ​ങ്ങ​ളും പ​ഠി​ക്കാ​ൻ ശ്ര​മി​ച്ചി​രു​ന്നു. ക്രി​സ്റ്റ​ൽ ക്ലി​യ​റാ​യി​ട്ടാ​യി​രു​ന്നു റി​പ്പോ​ർ​ട്ടു​ക​ൾ. ഇ​ത്ര​യും വ്യ​ക്ത​ത​യോ​ടു​കൂ​ടി എ​ഴു​തു​ന്ന മ​റ്റൊ​രു ഫോ​റ​ൻ​സി​ക് സ​ർ​ജ​നെ താ​ൻ ക​ണ്ടി​ട്ടി​ല്ല.

ഇം​ഗ്ലീ​ഷി​ലാ​യാ​ലും മ​ല​യാ​ള​ത്തി​ലാ​യാ​ലും ഏ​ത് കാ​ര്യ​വും ന​ന്നാ​യി എ​ഴു​തി ഫ​ലി​പ്പി​ക്കാ​നു​ള്ള ക​ഴി​വും അ​വ​ർ​ക്കു​ണ്ടാ​യി​രു​ന്നു. പൊ​ലീ​സി​നാ​യാ​ലും കോ​ട​തി​യി​ലാ​യാ​ലും സ​ർ​ക്കാ​റി​നാ​യാ​ലും ഉ​ദ്ദേ​ശി​ക്കു​ന്ന കാ​ര്യം അ​തി​ന്‍റെ തീ​വ്ര​ത ഒ​ട്ടും ചോ​ർ​ന്നു​പോ​വാ​തെ ഒ​രു​വി​ധ സം​ശ​യ​ത്തി​നും ഇ​ട​വ​രു​ത്താ​തെ മ​റ്റു​ള്ള​വ​ർ​ക്ക് മ​ന​സ്സി​ലാ​ക്കാ​ൻ ക​ഴി​യു​ന്ന ത​ര​ത്തി​ലാ​യി​രു​ന്നു റി​പ്പോ​ർ​ട്ട് ത​യാ​റാ​ക്കു​ക. പ​തി​റ്റാ​ണ്ട് നീ​ണ്ട സ​ർ​വി​സി​നി​ടെ ഒ​രി​ക്ക​ൽ​പോ​ലും പോ​സ്റ്റ്മോ​ർ​ട്ടം ടേ​ബി​ളി​ലോ, റി​പ്പോ​ർ​ട്ട് ത​യാ​റാ​ക്കു​ന്ന​തി​ലോ യാ​ന്ത്രി​ക​ത ക​ട​ന്നു​കൂ​ടി​യി​രു​ന്നി​ല്ല.

കോ​ട​തി​യി​ൽ കാ​ര്യ​ങ്ങ​ൾ അ​വ​ത​രി​പ്പി​ക്കു​ന്ന​തി​നും കൃ​ത്യ​ത കാ​ത്തു​സൂ​ക്ഷി​ച്ചു. കോ​ട​തി​യി​ൽ ത​ന്‍റെ നി​ഗ​മ​ന​ങ്ങ​ൾ സം​ശ​യ​ലേ​ശ​മെ​ന്യേ കൃ​ത്യ​മാ​ണെ​ന്ന് തെ​ളി​യി​ക്കാ​നും അ​വ​ർ​ക്കു ക​ഴി​ഞ്ഞി​രു​ന്നു. അ​ധ്യാ​പി​ക, സ​ഹ​പ്ര​വ​ർ​ത്ത​ക എ​ന്നീ നി​ല​യി​ൽ അ​വ​രി​ൽ​നി​ന്ന് മ​ക​ച്ച പാ​ഠ​ങ്ങ​ൾ സ്വാ​യ​ത്ത​മാ​ക്കാ​ൻ ക​ഴി​ഞ്ഞി​ട്ടു​ണ്ട്. ഫോ​റ​ൻ​സി​ക് ഡി​പ്പാ​ർ​ട്മെ​ന്‍റി​ന് പു​റ​ത്തി​റ​ങ്ങി​യാ​ൽ ഒ​രു ജ്യേ​ഷ്ഠ​സ​ഹോ​ദ​രി​യെ​പ്പോ​ലെ​യാ​യി​രു​ന്നു പെ​രു​മാ​റി​യി​രു​ന്ന​ത്. ആ​ശു​പ​ത്രി​യി​ൽ മ​റ്റ് ജീ​വ​ന​ക്കാ​രോ​ടും വ​ലു​പ്പ​ച്ചെ​റു​പ്പ​മി​ല്ലാ​തെ ഊ​ഷ്മ​ള​മാ​യി പെ​രു​മാ​റി​യി​രു​ന്നു. ത​ന്‍റെ മു​ന്നി​ലെ​ത്തു​ന്ന കേ​സു​ക​ളെ​ക്കു​റി​ച്ച് പ​ഠി​ക്കു​ന്ന അ​വ​ർ പി​ന്നീ​ട് പ​ല​പ്പോ​ഴും അ​തേ​ക്കു​റി​ച്ച് സം​സാ​രി​ക്കു​ക​യും ചെ​യ്യു​മാ​യി​രു​ന്നു. പൊ​തു​സ​മൂ​ഹ​വു​മാ​യി ന​ല്ല ബ​ന്ധം കാ​ത്തു​സൂ​ക്ഷി​ക്കാ​നും അ​വ​ർ മ​റ​ന്നി​രു​ന്നി​ല്ല -ഡോ. ​പ്ര​സ​ന്ന​ൻ അ​നു​സ്മ​രി​ച്ചു.