കെ.എസ്​.ആർ.ടി.സിയിൽ 'സർവിസ്​ ലോക്​ഡൗൺ'

കോ​ഴി​ക്കോ​ട്​: കോ​വി​ഡ്​​ കാ​ല​ത്തി​നു​ശേ​ഷം എ​ല്ലാം സാ​ധാ​ര​ണ നി​ല​യി​ലാ​യി​ട്ടും കെ.​എ​സ്.​ആ​ർ.​ടി.​സി സ​ർ​വി​സു​ക​ളി​ൽ 'ലോ​ക്​​ഡൗ​ൺ' തു​ട​രു​ന്നു. ന​ഗ​ര​ത്തി​ൽ​നി​ന്ന്​ അ​ക​ലെ​യു​ള്ള റൂ​ട്ടു​ക​ളി​ലേ​ക്കു​ള്ള സ​ർ​വി​സു​ക​ൾ ഭൂ​രി​ഭാ​ഗ​വും ഓ​ർ​മ​യാ​യി. പു​നഃ​സ്ഥാ​പി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ല. രാ​ത്രി​യി​ലെ രൂ​ക്ഷ​മാ​യ യാ​ത്രാ​​ക്ലേ​ശ​ത്തി​നെ​തി​രെ ചെ​റു​വി​ര​ല​ന​ക്കാ​ൻ രാ​ഷ്​​ട്രീ​യ പാ​ർ​ട്ടി​ക​ളും ജ​ന​പ്ര​തി​നി​ധി​ക​ളും മ​ടി​ക്കു​ക​യാ​ണെ​ന്ന്​ യാ​ത്ര​ക്കാ​ർ കു​റ്റ​​പ്പെ​ടു​ത്തു​ന്നു. ഏ​റ്റ​വും കൂ​ടു​ത​ൽ യാ​ത്ര​ക്കാ​രു​ള്ള ജി​ല്ല​യി​ലെ റൂ​ട്ടു​ക​ളി​ലൊ​ന്നാ​യ ബാ​ലു​ശ്ശേ​രി​ക്കു​ള്ള അ​പൂ​ർ​വം സ​ർ​വി​സ്​ മാ​​ത്ര​മാ​ണ്​ നി​ല​വി​ലു​ള്ള​ത്. ​

കോ​ഴി​​ക്കോ​ട്​ ടെ​ർ​മി​ന​ലി​ൽ​നി​ന്ന്​ രാ​ത്രി 7.30നും ​ഒ​മ്പ​തി​നും 9.55നു​മു​ള്ള ബ​സു​ക​ൾ ഓ​ട്ടം നി​ർ​ത്തി​യി​ട്ട്​ ര​ണ്ടു​വ​ർ​ഷം പൂ​ർ​ത്തി​യാ​യി. ബാ​ലു​ശ്ശേ​രി വ​ഴി താ​മ​ര​​ശ്ശേ​രി​ക്കു​ള്ള ബ​സു​ക​ൾ​ക്ക്​ മി​ക​ച്ച ക​ല​ക്ഷ​നു​ണ്ടാ​യി​രു​ന്നു. കോ​വി​ഡി​നെ തു​ട​ർ​ന്നാ​യി​രു​ന്നു സ​ർ​വി​സു​ക​ൾ നി​ർ​ത്തി​യ​ത്. താ​മ​ര​ശ്ശേ​രി ഡി​പ്പോ ഓ​പ​റേ​റ്റ്​ ചെ​യ്ത ബ​സു​ക​ളാ​യി​രു​ന്നു ഇ​വ. രാ​വി​ലെ 4.40നും 6.30​നും താ​മ​ര​ശ്ശേ​രി​യി​ൽ നി​ന്ന്​ പു​റ​പ്പെ​ട്ടി​രു​ന്ന ഗു​രു​വാ​യൂ​ർ​ക്കു​ള്ള ബ​സു​ക​ളു​ടെ ​അ​വ​സാ​ന ട്രി​പ്പാ​യി​രു​ന്നു യാ​ത്ര​ക്കാ​ർ​ക്ക്​ ഏ​റെ ഉ​പ​കാ​ര​പ്ര​ദ​മാ​യി​രു​ന്ന​ത്.

9.55നു​ള്ള ബ​സി​നെ ട്രെ​യി​ൻ യാ​ത്ര​ക്കാ​രും ഏ​റെ ആ​ശ്ര​യി​ച്ചി​രു​ന്നു. ആ​ല​പ്പു​ഴ-​ക​ണ്ണൂ​ർ എ​ക്​​സി​ക്യൂ​ട്ടി​വ്​ എ​ക്സ്​​പ്ര​സി​ൽ എ​ത്തു​ന്ന​വ​ർ​ക്കും മ​റ്റും നാ​ട്ടി​ലെ​ത്താ​ൻ ഈ ​ബ​സാ​യി​രു​ന്നു ആ​​ശ്ര​യം. നി​ല​വി​ൽ നാ​ട്ടി​ലെ​ത്താ​ൻ ബ​ന്ധു​ക്ക​​ളെ​യും മ​റ്റും വി​ളി​ച്ചു​വ​രു​ത്തു​ക​യാ​ണ്​ പ​ല​രും. ഇ​ത്ത​രം സൗ​ക​ര്യ​ങ്ങ​ളി​ല്ലാ​ത്ത​വ​ർ​ക്ക്​ ദു​രി​ത​മേ​റെ​യാ​ണ്. ക​ക്കോ​ടി, കാ​ക്കൂ​ർ, ന​ന്മ​ണ്ട, ബാ​ലു​ശ്ശേ​രി, എ​ക​രൂ​ൽ, പൂ​നൂ​ർ തു​ട​ങ്ങി​യ പ്ര​ദേ​ശ​ങ്ങ​ളി​ലും പ​രി​സ​ര​ങ്ങ​ളി​ലു​മു​ള്ള​വ​ർ​ക്ക്​ രാ​ത്രി ന​ഗ​ര​ത്തി​ൽ​നി​ന്ന്​ നാ​ട്ടി​ലെ​ത്ത​ണ​മെ​ങ്കി​ൽ സ​മ​യ​ന​ഷ്ട​വും ധ​ന​ന​ഷ്ട​വും ഏ​റെ​യാ​ണ്. ഓ​ട്ടോ​റി​ക്ഷ​ക്ക്​ വ​ൻ​തു​ക ന​ൽ​കി​യാ​ണ്​ ക​ക്കോ​ടി മു​ത​ൽ ബാ​ലു​ശ്ശേ​രി വ​രെ​യു​ള്ള​വ​ർ രാ​ത്രി എ​ട്ടു​മ​ണി​ക്ക്​ ശേ​ഷം നാ​ട്ടി​ലെ​ത്തു​ന്ന​ത്.

എ​ക​രൂ​ൽ, പൂ​നൂ​ർ ഭാ​ഗ​ങ്ങ​ളി​ലു​ള്ള​വ​ർ​ക്ക് വ​യ​നാ​ട്​ ഭാ​ഗ​ത്തേ​ക്കു​ള്ള കെ.​എ​സ്.​ആ​ർ.​ടി.​സി ബ​സി​ൽ ക​യ​റി താ​മ​ര​ശ്ശേ​രി ഇ​റ​ങ്ങ​ണം. പി​ന്നീ​ട്​ ഓ​ട്ടോ​ക്ക്​ ​വേ​റെ പ​ണം കൊ​ടു​ക്ക​ണം. എം.​കെ. രാ​ഘ​വ​ൻ എം.​പി മു​ൻ​കൈ​യെ​ടു​ത്താ​യി​രു​ന്നു ന​ഗ​ര​ത്തി​ൽ​നി​ന്ന്​ ബാ​ലു​ശ്ശേ​രി വ​ഴി താ​മ​ര​ശ്ശേ​രി​ക്ക്​ രാ​ത്രി 9.55ന്​ ​ബ​സ്​ സ​ർ​വി​സ്​ തു​ട​ങ്ങി​യ​ത്. ജീ​വ​ന​ക്കാ​രും ബ​സു​ക​ളു​മി​ല്ലാ​ത്ത​താ​ണ്​ സ​ർ​വി​സ്​ നി​ന്നു​പോ​കാ​ൻ കാ​ര​ണ​മെ​ന്നാ​ണ്​ താ​മ​ര​ശ്ശേ​രി ഡി​പ്പോ അ​ധി​കൃ​ത​രു​ടെ വി​ശ​ദീ​ക​ര​ണം. 2019 സെ​പ്റ്റം​ബ​ർ ഒ​ന്നി​ന്​ കോ​ഴി​ക്കോ​ട്​-​ബാ​ലു​ശ്ശേ​രി റൂ​ട്ടി​ൽ ഓ​ർ​ഡി​ന​റി ചെ​യി​ൻ സ​ർ​വി​സ്​ തു​ട​ങ്ങി​യി​രു​ന്നു. ആ​റ്​ ബ​സു​ക​ൾ, 36 സ​ർ​വി​സു​ക​ൾ എ​ന്നെ​ല്ലാം പ​റ​ഞ്ഞ്​ തു​ട​ങ്ങി​യ​ട്ട് ഒ​രു​മാ​സം പി​ന്നി​ട്ട​പ്പോ​ൾ നി​ല​ച്ചു. സ്വ​കാ​ര്യ ബ​സു​കാ​രു​​ടെ സ​മ്മ​ർ​ദ​മാ​യി​രു​ന്നു കാ​ര​ണ​മെ​ന്നാ​ണ്​ ആ​ക്ഷേ​പം.