കോ​ഴി​ക്കോ​ട്​ നഗരത്തിൽ പിടിച്ചുപറി വ്യാപകം

കോ​ഴി​ക്കോ​ട്​: പ​ട്ടാ​പ്പ​ക​ൽ പോ​ലും ന​ഗ​ര​ത്തി​ൽ പി​ടി​ച്ചു​പ​റി വ്യാ​പ​ക​മാ​കു​ന്നു. സം​ഘം ചേ​ർ​ന്നും ഒ​റ്റ​ക്കും ക​വ​ർ​ച്ച​ക്കാ​ർ ന​ഗ​ര​ത്തി​ലെ ഇ​ട​വ​ഴി​ക​ളി​ലും മ​റ്റും അ​ണി​നി​ര​ക്കു​ന്ന അ​വ​സ്​​ഥ​യാ​ണ്.

ഒ​രാ​ഴ്​​ച​ക്കി​ടെ മൂ​ന്നു​ പി​ടി​ച്ചു​പ​റി സം​ഭ​വ​ങ്ങ​ളാ​ണ്​ ന​ഗ​ര​ത്തി​ലു​ണ്ടാ​യ​ത്. ലി​ങ്ക് റോ​ഡി​ൽ അം​ഗ​പ​രി​മി​ത​യാ​യ ലോ​ട്ട​റി വി​ൽ​പ​ന​ക്കാ​രി​യു​ടെ പ​ണം ക​വ​ർ​ന്ന​താ​ണ്​ ഒ​ടു​വി​ല​ത്തെ സം​ഭ​വം.

കൊ​ല്ലം അ​ഞ്ചാ​ലും​മൂ​ട് സ്വ​ദേ​ശി​യാ​യ ആ​യ ധ​നേ​ഷ് ആ​ണ് പി​ടി​യി​ലാ​യ​ത്. ഈ​മാ​സം 11നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. സ്ത്രീ ​ലി​ങ്ക്റോ​ഡി​ൽ ലോ​ട്ട​റി ക​ച്ച​വ​ടം ന​ട​ത്തു​മ്പോ​ൾ ബാ​ഗി​ലെ പൈ​സ ത​ട്ടി​പ്പ​റി​ച്ച് ഓ​ടു​ക​യാ​യി​രു​ന്നു. പ​രാ​തി​ക്കാ​രി​യി​ൽ​നി​ന്നും സി.​സി.​ടി.​വി ദൃ​ശ്യ​ങ്ങ​ളി​ൽ​നി​ന്നും പ്ര​തി​യെ തി​രി​ച്ച​റി​ഞ്ഞ പൊ​ലീ​സ് പി.​വി.​എ​സ് ഹോ​സ്പി​റ്റ​ലി​നു പി​റ​കു​വ​ശ​ത്തു​ള്ള റോ​ഡി​ൽ​നി​ന്ന്​ അ​റ​സ്​​റ്റ്​ ചെ​യ്യു​ക​യാ​യി​രു​ന്നു.

പാ​വ​മ​ണി റോ​ഡി​ലെ ബീ​വ​റേ​ജ് ഷോ​പ്പി​നു സ​മീ​പം നി​ന്ന സു​ഹൃ​ത്തു​ക്ക​ളാ​യ ര​ണ്ടു​പേ​രെ ക​വ​ർ​ച്ച ന​ട​ത്തി​യ കേ​സി​ലെ നാ​ലം​ഗ സം​ഘ​ത്തി​ലെ മൂ​ന്നു​പേ​രെ ക​ഴ​ി​ഞ്ഞ ചൊ​വ്വാ​ഴ്​​ച പി​ടി​കൂ​ടി​യി​രു​ന്നു. പൈ​ലി​ങ് ജോ​ലി​ക്കാ​യി എ​ത്തി​യ ത​മി​ഴ്നാ​ട് സ്വ​ദേ​ശി​ക​ളാ​യ സു​ഹൃ​ത്തു​ക്ക​ൾ തി​ങ്ക​ളാ​ഴ്ച ഉ​ച്ച​സ​മ​യ​ത്ത് പാ​വ​മ​ണി റോ​ഡി​ലു​ള്ള ബീ​വ​റേ​ജ് ഷോ​പ്പി​നു സ​മീ​പം നി​ൽ​ക്കു​മ്പോ​ൾ നാ​ലു​പേ​ർ വ​ന്ന് വ​ള​ഞ്ഞ്​ മ​ർ​ദി​ക്കു​ക​യാ​യി​രു​ന്നു.

ആ​യു​ധം കാ​ട്ടി ഭീ​ഷ​ണി​പ്പെ​ടു​ത്തി നാ​ലാ​യി​രം രൂ​പ​യും മൊ​ബൈ​ൽ ഫോ​ണും ക​വ​രു​ക​യാ​യി​രു​ന്നു.

അ​പ്​​സ​ര തി​യ​റ്റ​റി​ന്​ സ​മീ​പം യാ​ത്ര​ക്കാ​ര​നെ​യും സു​ഹൃ​ത്തി​​നെ​യും മ​ർ​ദി​ച്ച്​ 12,000 രൂ​പ​യു​ടെ ഫോ​ണും 1500 രൂ​പ​യും ക​വ​ർ​ന്ന യു​വാ​ക്ക​ളെ ക​ഴി​ഞ്ഞ ബു​ധ​നാ​ഴ്​​ച​ പൊ​ലീ​സ്​ അ​റ​സ്​​റ്റ്​ ചെ​യ്​​തി​രു​ന്നു. ജി​ല്ല​ക്ക്​ പു​റ​ത്ത്​ നി​ന്ന​ട​ക്കം നി​ര​വ​ധി കു​റ്റ​വാ​ളി​ക​ളാ​ണ് ന​ഗ​ര​ത്തി​ൽ എ​ത്തു​ന്ന​ത്. സ്​​ഥ​ലം പ​രി​ച​യ​മി​ല്ലാ​ത്ത​വ​രാ​ണ്​ ഇ​വ​രു​ടെ ​െക​ണി​യി​ൽ​െ​പ​ടു​ന്ന​വ​രി​ലേ​റെ​യും.

ഇ​ട​വ​ഴി​ക​ളി​ൽ വെ​ളി​ച്ച​മി​ല്ലാ​ത്ത​തും ക​വ​ർ​ച്ച​ക്കാ​ർ​ക്ക്​ അ​നു​കൂ​ല​മാ​ണ്. ആ​യു​ധ​ങ്ങ​ളു​മാ​യാ​ണ്​ വി​വി​ധ സം​ഘ​ങ്ങ​ൾ ന​ഗ​ര​ത്തി​ൽ ക​റ​ങ്ങു​ന്ന​ത്. മ​ദ്യ​ഷാ​പ്പു​ക​ളി​ലെ​ത്തു​ന്ന​വ​രെ​യും ഇ​വ​ർ നോ​ട്ട​മി​ടാ​റു​ണ്ട്. ബാ​റു​ക​ളി​ൽ​നി​ന്ന്​ മ​ദ്യ​പി​ച്ചെ​ത്തു​ന്ന​വ​രും ക​വ​ർ​ച്ച​ക്കി​ര​യാ​കു​ന്നു​ണ്ട്.