നമ്പ്രത്ത്കര യു.പി സ്കൂളിൽ പ്രവേശനോത്സവം

കോഴിക്കോട്: നമ്പ്രത്ത്കര യു.പി സ്കൂളിൽ ഈ അധ്യയന വർഷത്തെ പ്രവേശനോത്സവം വിപുലമായ രീതിയിൽ നടന്നു. പ്രശസ്ത പിന്നണിഗായകനും ഗാനരചയിതാവുമായ അജയ് ഗോപാൽ പരിപാടി ഉദ്ഘാടനം ചെയ്തു. നവീകരിച്ച പാചകപ്പുരയുടെ താക്കോൽദാനം മാനേജർ കെ. രാഘവൻ നിർവഹിച്ചു. പ്രവേശനോത്സവ ഗാനവും, കവിതകളും മറ്റും അവതരിപ്പിച്ചും , മധുര വിതരണം നടത്തിയുമാണ് നവാഗതരെ വരവേറ്റത്.

പ്രധാനാധ്യാപിക സുഗന്ധി ടി.പി സ്വാഗത ഭാഷണം നടത്തി. പി.ടി.എ പ്രസിഡൻ്റ് സുനിൽ പാണ്ടിയാടത്ത് അധ്യക്ഷനായി, കീഴരിയൂർ ഗ്രാമപഞ്ചായത്ത് അംഗം കെ.സി രാജൻ, മാനേജ്മെൻ്റ് പ്രതിനിധി ശ്രീമതി അസിത, എം.പി ടി.എ വൈസ് പ്രസിഡൻ്റ് ഗോഷിന, നാരായണൻ കെ.സി, ഭാസ്കരൻ നമ്പ്രത്ത്കര എന്നിവർ ആശംസകൾ അറിയിച്ചു സംസാരിച്ചു. സ്റ്റാഫ് സെക്രട്ടറി ഗോപിഷ് ജി.എസ് ചടങ്ങിന് നന്ദി പറഞ്ഞു.