സ്കൂൾ തുറക്കുന്നത്​ യാ​ത്രാദുരിതത്തിലേക്ക്​

കോ​ഴി​​ക്കോ​ട്​: തി​ങ്ക​ളാ​ഴ്ച സ്കൂ​ളു​ക​ൾ പൂ​ർ​ണ​തോ​തി​ൽ പ്ര​വ​ർ​ത്ത​ന​മാ​രം​ഭി​ക്കു​ന്ന​തോ​ടെ വി​ദ്യാ​ർ​ഥി​ക​ളു​​ടെ യാ​ത്രാ​ദു​രി​ത​വും പൂ​ർ​ണ​മാ​കും. കോ​വി​ഡ്​​കാ​ല പ്ര​തി​സ​ന്ധി​ക​ൾ​ക്കു​ശേ​ഷം സ്വ​കാ​ര്യ ബ​സു​ക​ൾ പ​ല​തും ഓ​ട്ടം പു​ന​രാ​രം​ഭി​ക്കാ​ത്ത​തും കെ.​എ​സ്.​ആ​ർ.​ടി.​സി ബ​സു​ക​ളി​ൽ യാ​ത്രാ​പാ​സ്​ ആ​വ​ശ്യ​ത്തി​ന്​ ല​ഭി​ക്കാ​ത്ത​തും വി​ദ്യാ​ർ​ഥി​ക​ൾ​ക്ക്​ തി​രി​ച്ച​ടി​യാ​കു​മെ​ന്ന്​ ര​ക്ഷി​താ​ക്ക​ൾ ചൂ​ണ്ടി​ക്കാ​ട്ടു​ന്നു. സ്കൂ​ളു​ക​ളും കോ​ള​ജു​ക​ളും ഘ​ട്ടം​ഘ​ട്ട​മാ​യി തു​റ​ന്ന​പ്പോ​ൾ പോ​ലും യാ​ത്രാ​ക്ലേ​ശം രൂ​ക്ഷ​മാ​യി​രു​ന്നു. വി​ദൂ​ര ഗ്രാ​മ​ങ്ങ​ളി​ലേ​ക്കു​ള്ള ബ​സു​ക​ൾ പ​ല​തും ഇ​പ്പോ​ഴും ക​ട്ട​പ്പു​റ​ത്താ​ണ്.

സ്വ​കാ​ര്യ വാ​ഹ​ന​ങ്ങ​ളെ​യും ഓ​ട്ടോ​​റി​ക്ഷ​യെ​യും മ​റ്റു​ ടാ​ക്സി സ​ർ​വി​സു​ക​ളെ​യും ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ്​ വി​ദ്യാ​ർ​ഥി​ക​ൾ. പ​ല​യി​ട​ത്തും വി​ദ്യാ​ർ​ഥി​ക​ളെ ക​യ​റ്റാ​ൻ ബ​സ്​ ജീ​വ​ന​ക്കാ​ർ​ക്ക്​ താ​ൽ​പ​ര്യ​വു​മി​ല്ല. ഒ​രു വി​ദ്യാ​ഭ്യാ​സ സ്ഥാ​പ​ന​ത്തി​നു​ മു​ന്നി​ൽ​നി​ന്ന്​ വി​ദ്യാ​ർ​ഥി​ക​ളെ ക​യ​റ്റി​യാ​ൽ ബ​സ്​ നി​റ​യു​ന്ന അ​വ​സ്ഥ​യു​മു​ണ്ട്. കോ​വി​ഡ്​ പൂ​ർ​ണ​മാ​യും വി​ട്ടു​മാ​റാ​ത്ത സാ​ഹ​ച​ര്യ​ത്തി​ൽ കു​ത്തി​നി​റ​ച്ചു​ള്ള യാ​ത്ര​യും അ​പ​ക​ട​ക​ര​മാ​ണ്. ജി​ല്ല​യി​ൽ നേ​ര​ത്തേ​യു​ള്ള​തി​ന്‍റെ 75 ശ​ത​മാ​നം ബ​സ്​ സ​ർ​വി​സ്​ മാ​ത്ര​മാ​ണ്​ പു​ന​രാ​രം​ഭി​ച്ച​ത്. ര​ണ്ടും മൂ​ന്നും മി​നി​റ്റ്​ വ്യ​ത്യാ​സ​ത്തി​ൽ ബ​സു​ക​ൾ ഓ​ടി​യി​രു​ന്ന റൂ​ട്ടു​ക​ളി​ൽ 10​ മി​നി​റ്റു​വ​രെ​യാ​ണ്​ നി​ല​വി​ലു​ള്ള 'ടൈം ​ഗ്യാ​പ്​'. ബ​സ്​ ചാ​ർ​ജ്​ വ​ർ​ധി​പ്പി​ക്കാ​ത്ത​തി​നാ​ൽ ന​ഷ്​​ട​ത്തി​ലാ​ണ്​ ഓ​ട്ട​മെ​ന്ന്​ ഉ​ട​മ​ക​ൾ പ​റ​യു​ന്നു.

വി​ദ്യാ​ർ​ഥി​ക​ളി​ൽ​നി​ന്ന്​ കൂ​ടു​ത​ൽ നി​ര​ക്ക്​ വാ​ങ്ങു​ന്ന​വ​രു​മു​ണ്ട്. സ്കൂ​ൾ ബ​സു​ക​ളും പൂ​ർ​ണ​മാ​യും നി​ര​ത്തി​ലി​റ​ങ്ങി​യി​ട്ടി​ല്ല. ലോ​ക്​​ഡൗ​ൺ കാ​ല​ത്ത്​ നി​ർ​ത്തി​യി​ട്ട ചി​ല ബ​സു​ക​ൾ ന​ശി​ച്ചു. പു​തി​യ ബ​സു​ക​ൾ വാ​ങ്ങാ​നു​ള്ള സാ​മ്പ​ത്തി​ക​സ്ഥി​തി സ​ർ​ക്കാ​ർ സ്കൂ​ളു​ക​ൾ​ക്ക​ട​ക്ക​മി​ല്ല. ഇ​തോ​ടെ ഈ ​ബ​സു​ക​ളെ ആ​ശ്ര​യി​ക്കു​ന്ന​വ​രും സ്വ​കാ​ര്യ ബ​സി​ലേ​ക്ക്​ യാ​ത്ര മാ​റ്റി​യി​ട്ടു​ണ്ട്.

ഓ​​ട്ടോ​യി​ലും മ​റ്റു​ കോ​ൺ​ട്രാ​ക്ട്​​ വാ​ഹ​ന​ങ്ങ​ളി​ലും പോ​യി​രു​ന്ന കു​ട്ടി​ക​ൾ ര​ക്ഷി​താ​ക്ക​ളു​ടെ സാ​മ്പ​ത്തി​ക പ്ര​തി​സ​ന്ധി കാ​ര​ണം സ്വ​കാ​ര്യ ബ​സി​ലാ​ണ്​ യാ​ത്ര. കെ.​എ​സ്.​ആ​ർ.​ടി.​സി സ​ർ​വി​സു​ക​ൾ സ​ജീ​വ​മാ​യ റൂ​ട്ടു​ക​ളി​ൽ പാ​സ്​ അ​നു​വ​ദി​ക്കാ​ൻ അ​ധി​കൃ​ത​ർ മ​ടി​ക്കു​ന്ന​ത്​ സ്വ​കാ​ര്യ ബ​സു​കാ​ർ​ക്ക്​ തി​രി​ച്ച​ടി​യാ​ണ്. കെ.​എ​സ്.​ആ​ർ.​ടി.​സി ബ​സു​ക​ൾ കാ​ലി​യാ​യി പോ​കു​മ്പോ​ൾ സ്വ​കാ​ര്യ ബ​സു​ക​ളി​ൽ നി​റ​യെ കു​ട്ടി​ക​ളു​മാ​യി യാ​ത്ര ചെ​യ്യു​ന്ന​ത്​ അ​ടി​വാ​രം മു​ത​ൽ കോ​ഴി​ക്കോ​ട്​ ന​ഗ​രം വ​രെ​യു​ള്ള സ്ഥി​രം കാ​ഴ്ച​യാ​ണ്.