പാഴ്ക്കുളം ജലവാഹിനിയാക്കി സാഗ കൃഷ്ണൻകുട്ടി

ന​ന്മ​ണ്ട: പാ​ഴ്ക്കു​ളം ജ​ല​വാ​ഹി​നി​യാ​ക്കി പ​രി​സ്ഥി​തി​യു​ടെ സം​ര​ക്ഷ​ക​നാ​യി ഒ​രു ക​ർ​ഷ​ക​ൻ. ന​ന്മ​ണ്ട 13 ലെ ​ചെ​റു​വോ​ട്ട് സാ​ഗ കൃ​ഷ്ണ​ൻ​കു​ട്ടി നാ​യ​ർ, കോ​ഴി​ക്കോ​ട് കോ​ർ​പ​റേ​ഷ​ൻ ശു​ചീ​ക​ര​ണ വി​ഭാ​ഗ​ത്തി​ലെ റി​ട്ട. ജീ​വ​ന​ക്കാ​ര​നാ​ണ്.

ശു​ചി​ത്വ​ബോ​ധം വി​ശ്ര​മ​ജീ​വി​ത​ത്തി​ലും സ്വ​ന്തം. അ​ങ്ങ​നെ​യാ​ണ് ച​ളി നി​റ​ഞ്ഞ്​ മാ​ലി​ന്യ​ക്കു​ണ്ടാ​യി മാ​റി​യ നാ​ഷ​ന​ൽ സ്​​കൂ​ളി​ന​ടു​ത്തെ തി​യ്യ​ക്ക​ണ്ടി കു​ളം ന​വീ​ക​രി​ക്കാ​നാ​യി മ​ൺ കോ​രി​യും കു​ട്ട​യു​മാ​യി ഈ ​പ്ര​കൃ​തി സ്നേ​ഹി ഇ​റ​ങ്ങി​യ​ത്. നാ​ട്ടു​കാ​രി​ൽ പ​ല​രും മൂ​ക്ക​ത്ത് വി​ര​ൽ വെ​ച്ചു. എ​ന്നാ​ൽ, കൃ​ഷ്ണ​ൻ​കു​ട്ടി നാ​യ​ർ പ​ക്ഷേ ല​ക്ഷ്യം വി​ജ​യ​ത്തി​ലെ​ത്തി​ച്ചു.

ചെ​ങ്ക​ല്ല് കൊ​ണ്ട് നാ​ല് ഭാ​ഗ​വും ചു​മ​ർ കെ​ട്ടി കു​ളം സം​ര​ക്ഷി​ച്ചു. എ​ട്ടു മീ​റ്റ​ർ നീ​ള​വും ആ​റ​ര മീ​റ്റ​ർ വീ​തി​യു​മാ​ണ് കു​ള​ത്തി​നു​ള്ള​ത്. മൂ​ന്ന​ര മീ​റ്റ​റി​ൽ വെ​ള്ളം നി​ല​നി​ർ​ത്തി ആ​കെ ചെ​ല​വാ​യ​താ​വ​ട്ടെ ഒ​രു ല​ക്ഷ​ത്തി മു​പ്പ​തി​നാ​യി​രം രൂ​പ​യും.

മ​രം ഒ​രു വ​ര​മാ​ണെ​ന്നും ജ​ലം അ​മൂ​ല്യ​മാ​ണെ​ന്നു​മു​ള്ള തി​രി​ച്ച​റി​വാ​ണ് ഈ ​ക​ർ​ഷ​ക​നെ മ​റ്റു​ള്ള​വ​രി​ൽ​നി​ന്ന്​ വ്യ​ത്യ​സ്ത​നാ​ക്കു​ന്ന​ത്. കു​ള​ത്തി​ന​രി​കി​ൽ നാ​ശോ​ന്മു​ഖ​മാ​യി​ക്കൊ​ണ്ടി​രി​ക്കു​ന്ന കൈ​ത​ച്ചെ​ടി​ക​ൾ​ക്കും ഇ​ദ്ദേ​ഹം സം​ര​ക്ഷ​ണ​വ​ല​യം തീ​ർ​ത്തു. വേ​ന​ലി​ൽ പോ​ലും വ​റ്റി​വ​ര​ളു​ന്ന പ്ര​ദേ​ശ​ത്തെ കി​ണ​റു​ക​ൾ ജ​ല​സ​മൃ​ദ്ധി​യി​ലാ​ണി​പ്പോ​ൾ.