ഓണത്തിരക്കിൽ ട്രെയിനുകളിൽ സൂചികുത്താൻ ഇടമില്ല; എന്ന് തീരും ഈ ദുരിതയാത്ര?

കോ​ഴി​ക്കോ​ട്‌: ഓ​ണാ​വ​ധി ക​ഴി​ഞ്ഞ് മ​ട​ങ്ങാ​ൻ ട്രെ​യി​നു​ക​ളി​ൽ കാ​ലു​കു​ത്താ​ൻ ഇ​ട​മി​ല്ലാ​​തെ യാ​ത്ര​ക്കാ​ർ പെ​രു​വ​ഴി​യി​ലാ​കു​ന്നു. മ​ല​ബാ​ർ മേ​ഖ​ല​യി​ലാ​ണ് കൂ​ടു​ത​ൽ യാ​ത്രാ​പ്ര​തി​സ​ന്ധി. സം​സ്ഥാ​ന​ത്തി​ന​ക​ത്തേ​ക്കും പു​റ​ത്തേ​ക്കു​മു​ള്ള ‍യാ​ത്ര​ക​ളെ​ല്ലാം വ​ൻ​ദു​രി​ത​മാ​യി. ജ​ന​റ​ൽ ക​മ്പാ​ർ​ട്ട്മെ​ന്‍റു​ക​ളി​ൽ ശ്വാ​സം​മു​ട്ടു​ന്ന തി​ര​ക്കാ​ണ്. നേ​രെ നി​ൽ​ക്കാ​ൻ​പോ​ലും ക​ഴി​യാ​തെ​യാ​ണ് കോ​ഴി​ക്കോ​ട് എ​ത്തി​യ​തെ​ന്ന് ബു​ധ​നാ​ഴ്ച വൈ​കീ​ട്ട് തു​ര​ന്തോ എ​ക്സ്പ്ര​സി​ൽ കോ​ഴി​ക്കോ​ട് സ്റ്റേ​ഷ​നി​ൽ ഇ​റ​ങ്ങി​യ യാ​ത്ര​ക്കാ​ർ പ​റ​യു​ന്നു. ഏ​റെ മു​റ​വി​ളി​ക​ൾ ഉ​യ​ർ​ന്നെ​ങ്കി​ലും ഇ​ത്ത​വ​ണ​യും നാ​മ​മാ​ത്ര സ്പെ​ഷ​ൽ ട്രെ​യി​നു​ക​ൾ മാ​ത്ര​മാ​ണ് മ​ല​ബാ​ർ മേ​ഖ​ല​ക്ക് ല​ഭി​ച്ച​ത്.

ബു​ധ​നാ​ഴ്ച വൈ​കീ​ട്ട് എ​റ​ണാ​കു​ളം -ലോ​ക​മാ​ന്യ​തി​ല​ക് തു​ര​ന്തോ എ​ക്സ്പ്ര​സ് കോ​ഴി​ക്കോ​ട് റെ​യി​ൽ​വേ സ്റ്റേ​ഷ​നി​ൽ എ​ത്തി​യ​പ്പോ​ൾ പ്ലാ​റ്റ് ഫോം ​നി​റ​യെ ട്രെ​യി​നി​ൽ ക​യ​റാ​നു​ള്ള യാ​ത്ര​ക്കാ​ർ കാ​ത്തി​രി​ക്കു​ന്നു​ണ്ടാ​യി​രു​ന്നു. എ​ന്നാ​ൽ, ജ​ന​റ​ൽ ക​മ്പാ​ർ​ട്ട്മെ​ന്‍റു​ക​ളി​ൽ കാ​ലു​കു​ത്താ​ൻ​പോ​ലും ഇ​ട​മി​ല്ലാ​ത്ത​വി​ധം തി​ര​ക്കാ​യി​രു​ന്നു. ഇ​തു​കാ​ര​ണം പ​ല​ർ​ക്കും ട്രെ​യി​നി​ൽ ക​യ​റി​പ്പ​റ്റാ​ൻ ക​ഴി​ഞ്ഞി​ല്ല. റി​സ​ർ​വേ​ഷ​ൻ ടി​ക്ക​റ്റു​ക​ളെ​ല്ലാം നേ​ര​ത്തേ തീ​ർ​ന്നി​രു​ന്നു.

ജ​ന​റ​ൽ ടി​ക്ക​റ്റ് എ​ടു​ത്ത പ​ല​രും ക​മ്പാ​ർ​ട്ട്മെ​ന്‍റു​ക​ളി​ൽ ക​യ​റി​പ്പ​റ്റാ​ൻ ക​ഴി​യാ​തെ, ടി.​ടി.​ആ​ർ വ​രു​മ്പോ​ൾ ഫൈ​ൻ അ​ട​ക്കാ​മെ​ന്നു പ​റ​ഞ്ഞു റി​സ​ർ​വേ​ഷ​ൻ ക​മ്പാ​ർ​ട്ട്മെ​ന്‍റു​ക​ളി​ൽ ക​യ​റി​പ്പ​റ്റി. ഇ​ത്ത​ര​ക്കാ​രോ​ട് ടി.​ടി.​ആ​ർ വ​ൻ​തു​ക പി​ഴ ഈ​ടാ​ക്കു​ന്നു​മു​ണ്ട്. തി​രു​വ​ന​ന്ത​പു​ര​ത്തു​നി​ന്ന് മം​ഗ​ളൂ​രു​വി​ലേ​ക്കു​ള്ള ഏ​റ​നാ​ട് എ​ക്സ്പ്ര​സ് അ​ട​ക്കം മ​റ്റു ട്രെ​യി​നു​ക​ളി​ലെ​ല്ലാം സ​മാ​ന​മാ​യി​രു​ന്നു അ​വ​സ്ഥ.

‘പാ​ര​യി​ൽ’ കു​ടു​ങ്ങി സ്വ​പ്ന സ​ർ​വി​സ്

കോ​ഴി​ക്കോ​ട്‌: ദീ​ർ​ഘ​കാ​ല ആ​വ​ശ്യ​മാ​യ ബം​ഗ​ളൂ​രൂ-​ക​ണ്ണൂ​ർ എ​ക്സ്പ്ര​സ് കോ​ഴി​ക്കോ​ട്‌ വ​രെ നീ​ട്ടാ​ൻ കേ​ന്ദ്ര റെ‍യി​ൽ​വേ മ​ന്ത്രാ​ല​യം അ​നു​മ​തി​യാ​യി​ട്ടും ക​ർ​ണാ​ട​ക​യി​ലെ മു​ൻ ബി.​ജെ.​പി എം.​പി​യു​ടെ ‘പാ​ര​യി​ൽ’ കു​ടു​ങ്ങി​ക്കി​ട​ക്കു​ക​യാ​ണ്. രാ​ത്രി 9.35ന് ​കെ.​എ​സ്.​ആ​ർ ബം​ഗ​ളൂ​രു സ്റ്റേ​ഷ​നി​ൽ​നി​ന്ന് പു​റ​പ്പെ​ട്ട് രാ​വി​ലെ 10.55ന് ​ക​ണ്ണൂ​രി​ൽ എ​ത്തു​ന്ന ട്രെ​യി​ൻ ആ​റു മ​ണി​ക്കൂ​ർ ക​ണ്ണൂ​രി​ൽ നി​ർ​ത്തി​യി​ടു​ന്ന​തി​നു പ​ക​രം കോ​ഴി​ക്കോ​ട്ടേ​ക്ക് സ​ർ​വി​സ് ദീ​ർ​ഘി​പ്പി​ച്ചാ​ൽ ആ​യി​ര​ക്ക​ണ​ക്കി​ന് യാ​ത്ര​ക്കാ​ർ​ക്ക് ആ​ശ്വാ​സ​മാ​വും.

എം.​കെ. രാ​ഘ​വ​ൻ എം.​പി​യു​ടെ ശ്ര​മ​ഫ​ല​മാ​യി ഈ ​ട്രെ​യി​ൻ 11ന് ​ക​ണ്ണൂ​രി​ൽ​നി​ന്ന് പു​റ​പ്പെ​ട്ട് ഉ​ച്ച​ക്ക് 12.40ന് ​കോ​ഴി​ക്കോ​ട്ടെ​ത്തി തി​രി​ച്ച് വൈ​കീ​ട്ട് 3.30ന് ​കോ​ഴി​ക്കോ​ട്ടു​നി​ന്ന് പു​റ​പ്പെ​ട്ട് അ​ഞ്ചി​ന് ക​ണ്ണൂ​രി​ൽ എ​ത്തി 5.05ന് ​ഇ​വി​ടെ​നി​ന്ന് പു​പ്പെ​ട്ട് അ​ടു​ത്ത​ദി​വ​സം രാ​വി​ലെ 6.35ന് ​ബം​ഗ​ളൂ​രു​വി​ൽ എ​ത്തു​ന്ന രീ​തി​യി​ൽ ക്ര​മീ​ക​രി​ച്ച് റെ​യി​ൽ​വേ അം​ഗീ​കാ​രം നേ​ടി​യി​രു​ന്നു.

എ​ന്നാ​ൽ, ഇ​ങ്ങ​നെ സ​ർ​വി​സ് നീ​ട്ടു​ന്ന​ത് മം​ഗ​ളൂ​രു​വി​ലു​ള്ള​വ​ർ​ക്ക് ന​ഷ്ട​മാ​യി​രി​ക്കു​മെ​ന്ന വാ​ദ​വു​മാ​യി ക​ർ​ണാ​ട​ക മു​ൻ എം.​പി ന​ളി​ൻ കു​മാ​ർ ക​ട്ടീ​ൽ കേ​ന്ദ്ര റെ​യി​ൽ​വേ മ​ന്ത്രി അ​ശ്വി​നി വൈ​ഷ്ണ​വി​നെ സ്വാ​ധീ​നി​ച്ച് ത​ട​യു​ക​യാ​യി​രു​ന്നു. ക​ട്ടീ​ലി​ന്‍റെ വാ​ദം അം​ഗീ​ക​രി​ച്ച കേ​ന്ദ്ര​മ​ന്ത്രി തീ​രു​മാ​നം മ​ര​വി​പ്പി​ച്ചു. മ​ന്ത്രി മാ​റി​യെ​ങ്കി​ലും ട്രെ​യി​ൻ കോ​ഴി​ക്കോ​ട്ടേ​ക്ക് നീ​ട്ടു​ന്ന​തി​നോ​ട് കേ​ന്ദ്ര​മ​ന്ത്രി അ​നു​കൂ​ല​മാ​യി പ്ര​തി​ക​രി​ച്ചി​ട്ടി​ല്ല.