ജ​ന​ങ്ങ​ളെ ഭീ​തി​യി​ലാ​ഴ്ത്തി അ​ർ​ധ​രാ​ത്രി സ്ഫോ​ട​വ​സ്തു ഉ​പ​യോ​ഗി​ച്ച് ക​രി​ങ്ക​ൽ​ഖ​ന​നം

മു​ക്കം: ജ​ന​വാ​സ​മേ​ഖ​ല​യി​ൽ അ​ർ​ധ​രാ​ത്രി സ്ഫോ​ട​ക​വ​സ്തു​ക്ക​ൾ ഉ​പ​യോ​ഗി​ച്ച് പാ​റ പൊ​ട്ടി​ച്ച​താ​യി പ​രാ​തി. കാ​ര​ശ്ശേ​രി പ​ഞ്ചാ​യ​ത്തി​ലെ ഫാ​ത്തി​മ എ​സ്റ്റേ​റ്റ് - പാ​റ​ത്തോ​ട് റോ​ഡി​ൽ മി​ൽ​മ ജ​ങ്ഷ​നി​ൽ ഞാ​യ​റാ​ഴ്ച രാ​ത്രി​യാ​ണ് സം​ഭ​വം. പു​തു​വ​ർ​ഷ​പ്പി​റ​വി ആ​ഘോ​ഷി​ക്കു​ന്ന​തി​ന്റെ ഭാ​ഗ​മാ​യി പ​ട​ക്കം പൊ​ട്ടി​ക്കു​ന്ന സ​ന്ദ​ർ​ഭം മു​ത​ലെ​ടു​ത്ത് അ​ന​ധി​കൃ​ത​മാ​യി പാ​റ പൊ​ട്ടി​ക്കു​ക​യാ​യി​രു​ന്നെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

പ​രി​സ​ര​ത്തെ വീ​ടു​ക​ളി​ൽ ഉ​റ​ങ്ങു​ന്ന​വ​ർ സ്ഫോ​ട​ന ശ​ബ്ദം​കേ​ട്ട് ഉ​ണ​ർ​ന്ന​പ്പോ​ൾ പൊ​ടി​പ​ട​ലം കാ​ര​ണം ഒ​ന്നും കാ​ണാ​ൻ ക​ഴി​യാ​ത്ത അ​വ​സ്ഥ​യാ​യി​രു​ന്നെ​ന്നും സ്ഫോ​ട​നം കേ​ട്ട സ്ഥ​ലം ല​ക്ഷ്യ​മാ​ക്കി ഓ​ടി​ച്ചെ​ന്ന​പ്പോ​ൾ അ​വി​ടെ​നി​ന്ന് ആ​ളു​ക​ൾ റ​ബ​ർ തോ​ട്ട​ത്തി​ൽ ഓ​ടി​മ​റ​യു​ക​യാ​യി​രു​ന്നെ​ന്നും ര​ണ്ടു ബൈ​ക്കു​ക​ൾ അ​വി​ടെ ഉ​പേ​ക്ഷി​ക്ക​പ്പെ​ട്ട​നി​ല​യി​ൽ ക​ണ്ടെ​ന്നും നാ​ട്ടു​കാ​ർ പ​റ​യു​ന്നു. ഇ​തേ​സ്ഥ​ല​ത്ത് ഇ​തി​നു​മു​മ്പും അ​ന​ധി​കൃ​ത​മാ​യി പാ​റ ഖ​ന​നം ന​ട​ത്തു​ക​യും കെ​ട്ടി​ടം നി​ർ​മി​ക്കാ​ൻ കാ​ര​ശ്ശേ​രി പ​ഞ്ചാ​യ​ത്തി​ൽ​നി​ന്ന് വാ​ങ്ങി​യ അ​നു​മ​തി​യു​ടെ മ​റ​വി​ൽ കു​ന്നി​ടി​ച്ച് മ​ണ്ണെ​ടു​ത്ത് മ​ലാ​ങ്കു​ന്ന് ഗ്രൗ​ണ്ടി​ന​ടു​ത്തു​ള്ള വ​യ​ലി​ല​ട​ക്കം പ​ല സ്ഥ​ല​ത്തും നി​ക്ഷേ​പി​ക്കു​ക​യും പ​രാ​തി​യെ തു​ട​ർ​ന്ന് റ​വ​ന്യൂ അ​ധി​കൃ​ത​രും പ​ഞ്ചാ​യ​ത്ത​ധി​കാ​രി​ക​ളും ഇ​ട​പെ​ട്ട് തി​രി​ച്ചെ​ടു​പ്പി​ക്കു​ക​യും ചെ​യ്ത​താ​ണ്. ഒ​രു​മാ​സം മു​മ്പ് ഇ​വി​ടെ സ്ഫോ​ട​ക​വ​സ്തു​ക്ക​ളു​പ​യോ​ഗി​ച്ച് പാ​റ പൊ​ട്ടി​ച്ച​പ്പോ​ൾ പ​രി​സ​ര​വാ​സി​ക​ൾ ത​ട​യു​ക​യും അ​ധി​കൃ​ത​ർ ഇ​ട​പെ​ട്ട് മേ​ലി​ൽ സ്ഫോ​ട​ക​വ​സ്തു​ക്ക​ൾ ഉ​പ​യോ​ഗി​ക്കി​ല്ലെ​ന്ന് ഉ​റ​പ്പു​വാ​ങ്ങു​ക​യും ചെ​യ്തി​രു​ന്നു. ഈ ​ഉ​റ​പ്പി​ന് വി​രു​ദ്ധ​മാ​യാ​ണ് ക​ഴി​ഞ്ഞ​ദി​വ​സം അ​ർ​ധ​രാ​ത്രി​യി​ൽ ഖ​ന​നം ന​ട​ത്തി​യ​തെ​ന്ന് നാ​ട്ടു​കാ​ർ പ​രാ​തി​പ്പെ​ടു​ന്നു.

അ​ന​ധി​കൃ​ത സ്ഫോ​ട​ന​ത്തി​ന് ഉ​ത്ത​ര​വാ​ദി​ക​ളാ​യ​വ​രു​ടെ​യും അ​വ​ർ​ക്ക് സ്ഫോ​ട​ക​വ​സ്തു​ക്ക​ൾ കൈ​മാ​റി​യ​വ​രു​ടെ​യും പേ​രി​ൽ കേ​സെ​ടു​ക്ക​ണ​മെ​ന്നും ആ​ളു​ക​ൾ താ​മ​സി​ക്കു​ന്ന​തി​നി​ട​യി​ലു​ള്ള സ്ഥ​ല​ത്ത് സ്ഫോ​ട​നം ന​ട​ത്തു​ന്ന​ത് ത​ട​യ​ണ​മെ​ന്നും ആ​വ​ശ്യ​പ്പെ​ട്ട് നാ​ട്ടു​കാ​ർ കോ​ഴി​ക്കോ​ട് റൂ​റ​ൽ ജി​ല്ല പൊ​ലീ​സ് സൂ​പ്ര​ണ്ട് അ​ട​ക്ക​മു​ള്ള അ​ധി​കാ​രി​ക​ൾ​ക്ക് പ​രാ​തി ന​ൽ​കി.

സം​ഭ​വ​വു​മാ​യി ബ​ന്ധ​പ്പെ​ട്ട് മു​ക്കം പൊ​ലീ​സ് കേ​സെ​ടു​ത്ത് അ​ന്വേ​ഷ​ണ​മാ​രം​ഭി​ച്ചു. സ്ഫോ​ട​ക​വ​സ്തു വി​ദ​ഗ്ധ​രും ഡോ​ഗ് സ്ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.