വഴിമുട്ടിയ ജീവിതത്തിലും മറ്റുള്ളവർക്ക് ‘വഴി’യൊരുക്കി രത്നാകരൻ

വേ​ങ്ങേ​രി: പൊ​റു​പ്പ് ക​ട​വ​രാ​ന്ത​ക​ളി​ലാ​ണെ​ങ്കി​ലും ര​ത്നാ​ക​ര​ന്റെ സേ​വ​ന​പ്ര​വ​ർ​ത്ത​ന​ത്തി​ന് മ​ഹ​ത്ത്വ​മേ​റെ​യാ​ണ്. നേ​രം പു​ല​ർ​ന്ന് അ​ന്തി​യോ​ളം വേ​ങ്ങേ​രി ജ​ങ്ഷ​നി​ലെ ഗ​താ​ഗ​ത​ക്കു​രു​ക്ക് നി​യ​ന്ത്രി​ക്കു​ക​യാ​ണ് മാ​സ​ങ്ങ​ളാ​യി തെ​രു​വി​ൽ അ​ന്തി​യു​റ​ങ്ങു​ന്ന ര​ത്നാ​ക​ര​ൻ.

വേ​ങ്ങേ​രി മേ​ൽ​പാ​ലം പ​ണി​ന​ട​ക്കു​ന്ന​തി​നാ​ൽ കോ​ഴി​ക്കോ​ട് ഭാ​ഗ​ത്തേ​ക്കും ബാ​ലു​ശ്ശേ​രി ഭാ​ഗ​ത്തേ​ക്കു​മു​ള്ള വ​ലി​യ വാ​ഹ​ന​ങ്ങ​ൾ വ​ഴി​തി​രി​ച്ചു​വി​ടു​ന്നു​ണ്ടെ​ങ്കി​ലും ഇ​രു​ഭാ​ഗ​ത്തേ​ക്കു​മു​ള്ള കാ​റു​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ വേ​ങ്ങേ​രി വ​ഴി ത​ന്നെ​യാ​ണ് ക​ട​ന്നു​​പോ​കു​ന്ന​ത്. ക​ഷ്ടി​ച്ച് ഒ​റ്റ വാ​ഹ​ന​ത്തി​നു​മാ​ത്രം ക​ട​ന്നു​പോ​കാ​നു​ള്ള വ​ഴി​യി​ലൂ​ടെ ഇ​രു​ഭാ​ഗ​ത്തു​നി​ന്നും വാ​ഹ​ന​ങ്ങ​ൾ എ​ത്തു​മ്പോ​ൾ കു​രു​ക്ക​നു​ഭ​വ​പ്പെ​ട്ട് വി​ഷ​മി​ച്ചി​രു​ന്നു. ഇ​തേ​ത്തു​ട​ർ​ന്നാ​ണ് ആ​റു മാ​സം​മു​മ്പ് മു​ത​ൽ ട്രാ​ഫി​ക് നി​യ​ന്ത്ര​ണം സ്വ​യം ഏ​റ്റെ​ടു​ത്ത​ത്. ഇ​തു​വ​ഴി ക​ട​ന്നു​പോ​കു​ന്ന പ​ല​രും ക​രു​തു​ന്ന​ത് ക​രാ​റു​കാ​ർ പ​ണം ന​ൽ​കി ആ​ളെ ചു​മ​ത​ല​പ്പെ​ടു​ത്തി​യ​തെ​ന്നാ​ണ്. വെ​യി​ലും മ​ഴ​യി​ലും ര​ത്നാ​ക​ര​ൻ ചു​മ​ത​ല ഭം​ഗി​യാ​യി നി​യ​ന്ത്രി​ക്കു​ന്ന​തി​നാ​ൽ ഒ​രു കു​രു​ക്കു​മി​വി​ടെ​യി​ല്ല. ര​ത്നാ​ക​ര​​ന്റെ കൈ​യി​ലെ മാ​റി​മാ​റി​യു​ള്ള കൊ​ടി​യ​ട​യാ​ള​ങ്ങ​ൾ അ​ക്ഷ​രം​പ്ര​തി യാ​ത്ര​ക്കാ​ർ അ​നു​സ​രി​ക്കും. ആ​ദ്യം കൈ​മാ​ത്രം ഉ​പ​യോ​ഗി​ച്ച് വാ​ഹ​നം നി​യ​ന്ത്രി​ച്ചെ​ങ്കി​ൽ കൊ​ടി​ക​ളും ഉ​ടു​പ്പും മ​ഴ​ക്കോ​ട്ടു​മെ​ല്ലാം സ​മീ​പ​വാ​സി​ക​ൾ ന​ൽ​കു​ക​യാ​യി​രു​ന്നു.

ര​ണ്ടു​വ​ർ​ഷം മു​മ്പ് ത​ന്റെ മ​ക​ൻ ര​ജീ​ഷ് മ​രി​ച്ച​തോ​ടെ വ​ര​ക്ക​ൽ ക​രു​വി​ശ്ശേ​രി കോ​ട്ട​ക്കാ​ഞ്ഞി​ര​ക്ക​ൽ ര​ത്നാ​ക​ര​ന്റെ ജീ​വി​ത​വും താ​ളം തെ​റ്റി. ഇ​തോ​ടെ ഊ​ണും ഉ​റ​ക്ക​വും വേ​ങ്ങേ​രി ജ​ങ്ഷ​നി​ലെ ക​ട​വ​രാ​ന്ത​യി​ലാ​യി. ബോ​ഡി വ​ർ​ക്ക്​​ഷോ​പ്പി​ലെ ക​രാ​റു​കാ​ര​നാ​യി​രു​ന്നു 64കാ​ര​നാ​യ ര​ത്നാ​ക​ര​ൻ. ര​ത്നാ​ക​ര​നി​ല്ലെ​ങ്കി​ൽ ഇ​തു​വ​ഴി വാ​ഹ​ന​ങ്ങ​ൾ​ക്ക് സു​ഗ​മ​മാ​യി ക​ട​ന്നു​പോ​കാ​ൻ ക​ഴി​യി​ല്ലെ​ന്ന് സ​മീ​പ​ത്തെ ക​ട​യു​ട​മ ശ​ശി തെ​ക്കി​നി​യേ​ട​ത്ത് പ​റ​ഞ്ഞു. റോ​ഡി​ൽ കി​ട​ക്കു​ന്ന താ​ൻ പ​ണം മോ​ഹി​ച്ച​ല്ല ഇ​തൊ​ന്നും ​ചെ​യ്യു​ന്ന​തെ​ന്ന് ര​ത്നാ​ക​ര​ൻ പ​റ​ഞ്ഞു.