പെ​രു​ന്നാ​ൾ, വിഷു തി​ര​ക്കി​ൽ കോ​ഴി​ക്കോ​ട്

കോ​ഴി​ക്കോ​ട്: കോ​വി​ഡ് ക​ഴി​ഞ്ഞ​തി​ന് ശേ​ഷ​മു​ള്ള ഏ​റ്റ​വും വ​ലി​യ തി​ര​ക്കി​ലാ​ണ് ന​ഗ​രം. ചൊ​വ്വാ​ഴ്ച രാ​ത്രി വൈ​കി​യും വ​ൻ തി​ര​ക്കാ​യി​രു​ന്നു ന​ഗ​ര​ത്തി​ൽ. മി​ഠാ​യി​തെ​രു​വി​ൽ ക​ടു​ത്ത ചൂ​ടി​ലും ഷോ​പ്പി​ങ്ങി​നെ​ത്തു​ന്ന​ത് ആ​യി​ര​ങ്ങ​ളാ​ണ്. മു​മ്പ് ജി​ല്ല​യി​ൽ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള​വ​രാ​യി​രു​ന്നു എ​ത്തി​യ​തെ​ങ്കി​ൽ ഇ​പ്പോ​ൾ കേ​ര​ള​ത്തി​ൽ എ​ല്ലാ ജി​ല്ല​യി​ൽ നി​ന്നും ആ​ളെ​ത്തു​ന്ന​താ​യി മി​ഠാ​യി തെ​രു​വി​ലെ ക​ച്ച​വ​ട​ക്കാ​ർ പ​റ​യു​ന്നു.

ക​ടു​ത്ത ചൂ​ടി​ൽ മി​ക്ക ക​ട​ക​ളി​ലും ​കു​ടി​വെ​ള്ള സം​വി​ധാ​നം ഏ​ർ​പ്പെ​ടു​ത്തി​യി​ട്ടു​ണ്ട്. ക​ട​ക​ളി​ലേ​ക്ക് വെ​ള്ളം എ​ത്തി​ക്കാ​ൻ വി​ത​ര​ണ​ക്കാ​ർ പ്ര​യാ​സ​പ്പെ​ടും വി​ധ​മാ​ണ് ആ​വ​ശ്യ​ക്കാ​ർ. നോ​മ്പ് തു​റ​ക്കു​ന്ന നേ​ര​ങ്ങ​ളി​ൽ കു​ടി​വെ​ള്ള​ത്തി​നു​ള്ള ആ​വ​ശ്യ​ക്കാ​ർ കൂ​ടും. പെ​രു​ന്നാ​ളും വി​ഷു​വും ഒ​ന്നി​ച്ച് വ​ന്ന​തോ​ടെ​യാ​ണ് ഇ​ത്ത​വ​ണ തി​ര​ക്കി​ന്റെ ഉ​ത്സ​വ​മാ​യ​ത്.

ഏ​റ്റ​വും ബു​ദ്ധി​മു​ട്ടു​ണ്ടാ​ക്കു​ന്ന​ത് ന​ഗ​ര​ത്തി​ലെ പാ​ർ​ക്കി​ങ് പ്ര​ശ്ന​മാ​ണ്. മി​ഠാ​യി തെ​രു​വി​ൽ സ​ത്രം ബി​ൽ​ഡി​ങ് പൊ​ളി​ച്ച സ്ഥ​ല​ത്ത് ഇ​രു ച​ക്ര​വാ​ഹ​ന​ങ്ങ​ൾ നി​ർ​ത്താ​ൻ അ​നു​വ​ദി​ച്ചു തു​ട​ങ്ങി​യ​ത് ആ​ശ്വാ​സ​മാ​ണ്. ഇ​വി​ടെ കാ​റു​ക​ൾ​ക്കും പാ​ർ​ക്കി​ങ് വേ​ണ​മെ​ന്ന ആ​വ​ശ്യം തു​ട​രു​ന്നു. മാ​നാ​ഞ്ചി​റ കോം​ട്ര​സ്റ്റി​ന് ചു​റ്റും ടൗ​ൺ​ഹാ​ൾ റോ​ഡി​ലും ബ​ഷീ​ർ റോ​ഡി​ലു​മെ​ല്ലാം വ​ണ്ടി നി​ർ​ത്താ​ൻ പ​റ്റാ​ത്ത വി​ധം തി​ര​ക്കാ​ണ്. ന​ഗ​ര​ത്തി​ലെ മാ​ളു​ക​ളി​ലും വ​സ്ത്രാ​ല​യ​ങ്ങ​ളി​ലു​മെ​ല്ലാം സാ​ധ​നം വാ​ങ്ങാ​നെ​ത്തു​ന്ന​വ​രു​ടെ തി​ര​ക്ക​നു​ഭ​വ​പ്പെ​ട്ടു. ചൊ​വ്വാ​ഴ്ച ഉ​ച്ച​ക്ക് ശേ​ഷ​മാ​ണ് തി​ര​ക്ക് കൂ​ടി​യ​ത്.

പു​തി​യ ട്രെ​ൻ​ഡാ​യ ബീ​ച്ചി​ൽ ഒ​ന്നി​ച്ചു​കൂ​ടി​യു​ള്ള നോ​മ്പ് തു​റ​ക്ക് ഏ​റെ​പേ​ർ എ​ത്തി​യി​രു​ന്നു. റ​മ​ദാ​ന്റെ അ​വ​സാ​ന ദി​വ​സ​ങ്ങ​ളി​ലും ബീ​ച്ചി​ൽ ദൂ​ര ദി​ക്കി​ൽ നി​ന്നു​പോ​ലും നോ​മ്പ് തു​റ സം​ഘം വാ​ഹ​ന​ങ്ങ​ളി​ലെ​ത്തി. ഇ​വ​രി​ൽ ഭൂ​രി​പ​ക്ഷ​വും ന​ഗ​ര​ത്തി​ൽ പെ​രു​ന്നാ​ൾ ഷോ​പ്പി​ങ് കൂ​ടി ക​ഴി​ഞ്ഞാ​ണ് മ​ട​ങ്ങി​പ്പോ​വു​ന്ന​ത്.