കാലവർഷമെത്തി; അംഗൻവാടികളിലെ ഫിറ്റ്നസ് പരിശോധന പൂർത്തിയായില്ല

കോ​ഴി​ക്കോ​ട്: കാ​ല​വ​ർ​ഷ​മെ​ത്തി, സ്കൂ​ളും തു​റ​ന്നു. പ​ക്ഷേ, ജി​ല്ല​യി​ലെ അം​ഗ​ൻ​വാ​ടി കെട്ടിടങ്ങളുടെ ഫി​റ്റ്‌​ന​സ് പ​രി​ശോ​ധ​ന ഇ​തു​വ​രെ പൂ​ര്‍ത്തി​യാ​യി​ല്ല. ഫി​റ്റ്‌​ന​സ് പ​രി​ശോ​ധി​ച്ച് ഐ.​സി.​ഡി.​എ​സി​ന് റി​പ്പോ​ര്‍ട്ട് സ​മ​ര്‍പ്പി​ക്കേ​ണ്ട അ​വ​സാ​ന തീ​യ​തി​യാ​യ ജൂ​ൺ 15 പി​ന്നി​ട്ടി​ട്ടും പ​കു​തി​യോ​ളം അം​ഗ​ൻ​വാ​ടി​ക​ളി​ൽ​പോ​ലും പ​രി​ശോ​ധ​ന പൂ​ർ​ത്തി​യാ​യി​ട്ടി​ല്ല.

അം​ഗ​ൻ​വാ​ടി​ക​ൾ പ​രി​ശോ​ധി​ച്ച് റി​പ്പോ​ർ​ട്ട് സ​മ​ർ​പ്പി​ക്കേ​ണ്ട​ത് ഓ​രോ പ​ഞ്ചാ​യ​ത്ത് പ​രി​ധി​യി​ലെ​യും അ​സി. എ​ൻ​ജി​നീ​യ​ർ​മാ​രാ​ണ്. സ്‌​കൂ​ള്‍ തു​റ​ന്ന​തോ​ടെ സ്‌​കൂ​ള്‍ ബ​സു​ക​ളു​ടെ ഫി​റ്റ്‌​ന​സ് പ​രി​ശോ​ധി​ച്ച് ഉ​റ​പ്പു​വ​രു​ത്തേ​ണ്ട പ്ര​വൃ​ത്തി​യി​ലാ​ണ് ഇ​വ​ർ.

അ​തി​നാ​ല്‍ ഫി​റ്റ്‌​ന​സ് പ​രി​ശോ​ധ​ന ഇ​നി​യും നീ​ളാ​നാ​ണ് സാ​ധ്യ​ത. അ​സി. എ​ൻ​ജി​നീ​യ​ർ​മാ​രു​ടെ കു​റ​വും പ്ര​തി​സ​ന്ധി​ക്ക് കാ​ര​ണ​മാ​യി ചൂ​ണ്ടി​ക്കാ​ട്ട​പ്പെ​ടു​ന്നു. അം​ഗ​ൻ​വാ​ടി​യി​ലെ കു​ഞ്ഞു​ങ്ങ​ളു​ടെ സു​ര​ക്ഷ ഉ​റ​പ്പാ​ക്കാ​ന്‍ വ​നി​ത ശി​ശു​വി​ക​സ​ന വ​കു​പ്പ് ഐ.​സി.​ഡി.​എ​സ് മു​ഖേ​ന​യാ​ണ് പ​ഞ്ചാ​യ​ത്തു​ക​ള്‍ക്ക് നി​ര്‍ദേ​ശം ന​ല്‍കി​യി​രു​ന്ന​ത്.

കാ​ല​വ​ര്‍ഷ​മെ​ത്തി​യ സാ​ഹ​ച​ര്യ​ത്തി​ല്‍ സു​ര​ക്ഷി​ത​മ​ല്ലാ​ത്ത കെ​ട്ടി​ട​ങ്ങ​ളി​ല്‍നി​ന്ന് എ​ത്ര​യും വേ​ഗം കു​ട്ടി​ക​ളെ മാ​റ്റാ​നാ​ണ് വ​കു​പ്പ് ഉ​ത്ത​ര​വി​ട്ടി​രി​ക്കു​ന്ന​ത്. എ​ന്നാ​ൽ, ഫി​റ്റ്ന​സ് പ​രി​ശോ​ധ​ന പൂ​ർ​ത്തി​യാ​ക്കാ​ൻ ക​ഴി​യാ​ത്ത​തി​നാ​ൽ ഏ​തെ​ല്ലാ​മാ​ണ് സു​ര​ക്ഷി​ത​മെ​ന്ന് ക​ണ്ടെ​ത്താ​നും ക​ഴി​ഞ്ഞി​ട്ടി​ല്ല.

ജി​ല്ല​യി​ലാ​കെ 2938 അം​ഗ​ൻ​വാ​ടി​ക​ളാ​ണ് പ്ര​വ​ർ​ത്തി​ക്കു​ന്ന​ത്. ഇ​തി​ല്‍ വാ​ട​ക കെ​ട്ടി​ട​ത്തി​ല്‍ പ്ര​വ​ര്‍ത്തി​ക്കു​ന്ന 428ഓ​ളം അം​ഗ​ൻ​വാ​ടി​ക​ള്‍ക്ക് മ​തി​യാ​യ സു​ര​ക്ഷാ​ക്ര​മീ​ക​ര​ണ​ങ്ങ​ളി​ല്ലെ​ന്ന് പ​രാ​തി​യു​ണ്ട്. ന​ഗ​ര​പ​രി​ധി​യി​ല്‍ പ്ര​വ​ർ​ത്തി​ക്കു​ന്ന അം​ഗ​ൻ​വാ​ടി​ക​ൾ​ക്ക് കെ​ട്ടി​ട വാ​ട​ക 4000ത്തി​ല്‍നി​ന്ന് 6000മാ​യും ഗ്രാ​മ​പ്ര​ദേ​ശ​ങ്ങ​ളി​ല്‍ 1000ത്തി​ല്‍നി​ന്ന് 2000മാ​യും വ​ര്‍ധി​പ്പി​ച്ചി​ട്ടു​ണ്ടെ​ങ്കി​ലും സു​ര​ക്ഷി​ത​മ​ല്ല പ​ല കെ​ട്ടി​ട​ങ്ങ​ളും.

സം​സ്ഥാ​ന​ത്തെ പ​ല അം​ഗ​ൻ​വാ​ടി​ക​ളും ഫി​റ്റ്‌​ന​സ് ഇ​ല്ലാ​തെ​യാ​ണ് പ്ര​വ​ര്‍ത്തി​ക്കു​ന്ന​തെ​ന്ന് വ​നി​ത ശി​ശു​വി​ക​സ​ന വ​കു​പ്പ് ക​ണ്ടെ​ത്തി​യ സാ​ഹ​ച​ര്യ​ത്തി​ലാ​യി​രു​ന്നു പ​രി​ശോ​ധ​ന​ക്ക് നി​ര്‍ദേ​ശം ന​ൽ​കി​യ​ത്. ഏ​പ്രി​ല്‍ 10ന​കം ഫി​റ്റ്‌​ന​സ് പ​രി​ശോ​ധ​ന ഉ​റ​പ്പാ​ക്കാ​നാ​യി​രു​ന്നു ആ​ദ്യ നി​ര്‍ദേ​ശം. ഈ ​നി​ർ​ദേ​ശം പാ​ലി​ക്ക​പ്പെ​ടാ​തി​രു​ന്ന​തി​നെ തു​ട​ർ​ന്നാ​ണ് തീ​യ​തി നീ​ട്ടി​ന​ൽ​കി​യ​ത്. എ​ന്നി​ട്ടും പ​രി​ശോ​ധ​ന പൂ​ർ​ത്തി​യാ​ക്കാ​നാ​യി​ട്ടി​ല്ല. മ​ഴ​യും കാ​റ്റും വ​ർ​ധി​ക്കു​ന്ന ജൂ​ൺ, ജൂ​ലൈ മാ​സ​ങ്ങ​ളി​ൽ ഫി​റ്റ്ന​സി​ല്ലാ​ത്ത പ​ല അം​ഗ​ൻ​വാ​ടി​ക​ളും പി​ഞ്ചു​കു​ഞ്ഞു​ങ്ങ​ൾ​ക്ക് ഭീ​ഷ​ണി​ത​ന്നെ​യാ​ണ്.

500 മു​ത​ല്‍ 600 വ​രെ ച​തു​ര​ശ്ര അ​ടി വി​സ്തീ​ര്‍ണ​മു​ള്ള മു​റി, ശു​ചി​മു​റി, കു​ടി​വെ​ള്ളം, വൈ​ദ്യു​തി എ​ന്നീ സൗ​ക​ര്യ​ങ്ങ​ളും കു​ട്ടി​ക​ളി​രി​ക്കു​ന്ന മു​റി​യി​ല്‍ ഗ്യാ​സ് സൗ​ക​ര്യം ഉ​ണ്ടാ​കാ​തി​രി​ക്കു​ക, അ​പ​ക​ട സാ​ധ്യ​ത​യു​ള്ള മ​ര​ങ്ങ​ളു​ണ്ടാ​കാ​ന്‍ പാ​ടി​ല്ല എ​ന്നി​ങ്ങ​നെ​യാ​ണ് ഫി​റ്റ്‌​ന​സ് മാ​ന​ദ​ണ്ഡ​ങ്ങ​ള്‍.

കു​ട്ടി​ക​ളു​ടെ സു​ര​ക്ഷ​യെ പ്ര​തി​കൂ​ല​മാ​യി ബാ​ധി​ക്കു​ന്ന​തൊ​ന്നും അം​ഗ​ൻ​വാ​ടി​ക​ളി​ലി​ല്ലെ​ന്ന് ഉ​റ​പ്പാ​ക്കേ​ണ്ട​ത് ചൈ​ല്‍ഡ് ഡെ​വ​ല​പ്‌​മെ​ന്റ് പ്രോ​ജ​ക്ട് ഓ​ഫി​സ​റു​ടെ​യും സൂ​പ്പ​ര്‍വൈ​സ​റു​ടെ​യും ഉ​ത്ത​ര​വാ​ദി​ത്ത​മാ​ണ്. കെ​ട്ടി​ടം സു​ര​ക്ഷി​ത​മ​ല്ലെ​ന്ന് ക​ണ്ടെ​ത്തി​യാ​ല്‍ ഉ​ട​ന്‍ സു​ര​ക്ഷി​ത​മാ​യ കെ​ട്ടി​ട​ത്തി​ലേ​ക്ക് മാ​റ്റു​ക​യും കെ​ട്ടി​ട​ത്തി​ന് സ​ര്‍ട്ടി​ഫി​ക്ക​റ്റ് ല​ഭ്യ​മാ​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കു​ക​യും വേ​ണം.

ജി​ല്ല​യി​ലെ അം​ഗ​ൻ​വാ​ടി​ക​ളി​ലെ പ​രി​ശോ​ധ​ന ഉ​ട​ൻ പൂ​ര്‍ത്തീ​ക​രി​ച്ച് വ​കു​പ്പി​ന് റി​പ്പോ​ര്‍ട്ട് ന​ല്‍കു​മെ​ന്ന് കോ​ഴി​ക്കോ​ട് ഐ.​സി.​ഡി.​എ​സ് ഓ​ഫി​സ​ര്‍ പി. ​അ​നി​ത പ​റ​ഞ്ഞു. നി​ര്‍ദേ​ശ​ങ്ങ​ള്‍ പാ​ലി​ക്കാ​ത്ത സാ​ഹ​ച​ര്യ​മു​ണ്ടാ​യാ​ല്‍ ഉ​ത്ത​ര​വാ​ദ​പ്പെ​ട്ട ജീ​വ​ന​ക്കാ​ര്‍ക്കെ​തി​രെ ക​ര്‍ശ​ന ന​ട​പ​ടി​ക​ള്‍ സ്വീ​ക​രി​ക്കാ​നാ​ണ് നി​ർ​ദേ​ശം.