മഴയിൽ സങ്കടങ്ങൾ ; ഉ​ണ്ണി​കു​ളം തെ​ങ്ങി​നു​കു​ന്ന് മ​ല​യി​ലെ മ​ണ്ണി​ടി​ച്ചി​ൽ

എ​ക​രൂ​ൽ: തെ​ങ്ങി​നു​കു​ന്ന് മ​ല​യി​ലെ മ​ണ്ണി​ടി​ച്ചി​ലി​നു കാ​ര​ണം ചെ​ങ്കു​ത്താ​യ പ്ര​ദേ​ശ​ത്തു​ണ്ടാ​യി​രു​ന്ന സ്വാ​ഭാ​വി​ക പ്ര​കൃ​തി​യെ ന​ശി​പ്പി​ച്ച​താ​ണെ​ന്ന് വി​ല​യി​രു​ത്ത​ൽ. ജ​ന​ങ്ങ​ളു​ടെ പ്ര​തി​ഷേ​ധം അ​വ​ഗ​ണി​ച്ചാ​ണ് കു​ന്നി​ടി​ച്ചു​നി​ര​പ്പാ​ക്കി​യും ക​രി​ങ്ക​ല്‍ ഖ​ന​നം ന​ട​ത്തി​യും ജ​ന​വാ​സ​മേ​ഖ​ല​യി​ൽ ഇ​ന്ത്യ​ൻ ഓ​യി​ൽ അ​ദാ​നി ഗ്യാ​സ് പ്രൈ​വ​റ്റ് ലി​മി​റ്റ​ഡി​ന്റെ സി​റ്റി ഗ്യാ​സ് സ്റ്റേ​ഷ​ൻ സ്ഥാ​പി​ച്ച​ത്. വെ​ള്ളി​യാ​ഴ്ച രാ​ത്രി 10നാ​ണ് ഉ​ണ്ണി​കു​ളം പ​ഞ്ചാ​യ​ത്തി​ലെ എ​ക​രൂ​ല്‍ അ​ങ്ങാ​ടി​ക്ക​ടു​ത്ത് കൊ​യി​ലാ​ണ്ടി-​എ​ട​വ​ണ്ണ സം​സ്ഥാ​ന പാ​ത​യോ​ര​ത്ത് തെ​ങ്ങി​നു​കു​ന്ന് മ​ല​യി​ൽ മ​ണ്ണി​ടി​ച്ചി​ലു​ണ്ടാ​യ​ത്. കു​ന്നി​ൻ​മു​ക​ളി​ൽ സ്വ​കാ​ര്യ വ്യ​ക്തി​യു​ടെ കൈ​വ​ശ​മു​ള്ള ഭാ​ഗ​ത്തു​നി​ന്ന് വ​ലി​യ പാ​റ​ക്ക​ഷ്ണം താ​ഴോ​ട്ട് ഉ​രു​ണ്ടു​വീ​ണ് ഇ​ന്ത്യ​ൻ ഓ​യി​ൽ അ​ദാ​നി ഗ്യാ​സ് പ്രൈ​വ​റ്റ് ലി​മി​റ്റ​ഡ് സി​റ്റി ഗ്യാ​സ് സ്റ്റേ​ഷ​ന്റെ ചു​റ്റു​മ​തി​ലി​നാ​ണ് ഇ​ടി​ച്ചു​നി​ന്ന​ത്. ട​ൺ​ക​ണ​ക്കി​ന് ഭാ​ര​മു​ള്ള കൂ​റ്റ​ൻ​പാ​റ മ​തി​ലി​ന് ഇ​ടി​ച്ചു​നി​ന്നി​ല്ലാ​യി​രു​ന്നെ​ങ്കി​ൽ വ​ൻ ദു​ര​ന്ത​ത്തി​ലാ​യി​രു​ന്നു ക​ലാ​ശി​ക്കു​ക.

പ്ര​കൃ​തി​വാ​ത​കം സം​ഭ​രി​ച്ച വാ​ഹ​ന​ങ്ങ​ളും തൊ​ഴി​ലാ​ളി​ക​ളും സ്റ്റേ​ഷ​നി​ലു​ണ്ടാ​യി​രു​ന്നു. ഗ്യാ​സ് സ്റ്റേ​ഷ​ന്റെ 10 മീ​റ്റ​ർ ചു​റ്റ​ള​വി​ൽ നി​ര​വ​ധി വീ​ടു​ക​ളു​മു​ണ്ട്. സ്‌​റ്റേ​ഷ​ന്റെ സം​ര​ക്ഷ​ണ​ഭി​ത്തി​യി​ൽ ത​ട്ടി​യി​ല്ലാ​യി​രു​ന്നെ​ങ്കി​ൽ കൂ​റ്റ​ൻ പാ​റ ഇ​ടി​ച്ച് സ്റ്റേ​ഷ​നി​ലെ പ്ര​കൃ​തി​വാ​ത​ക സം​ഭ​ര​ണ സം​വി​ധാ​ന​ങ്ങ​ളും ഗ്യാ​സ് സി​ലി​ണ്ട​ർ നി​റ​ച്ച വാ​ഹ​ന​ങ്ങ​ളും തൊ​ഴി​ലാ​ളി​ക​ളും അ​പ​ക​ട​ത്തി​ൽ​പെ​ടു​മാ​യി​രു​ന്നു. ശ​ബ്ദം കേ​ട്ട് പ​രി​സ​ര​ത്തെ വീ​ട്ടു​കാ​ർ പു​റ​ത്തേ​ക്കോ​ടു​ക​യാ​യി​രു​ന്നു​വെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു. ശി​വ​പു​രം വി​ല്ലേ​ജി​ല്‍പെ​ട്ട തെ​ങ്ങി​നു​കു​ന്ന്‍ മ​ല​യു​ടെ മ​ധ്യ​ഭാ​ഗം ഇ​ടി​ച്ചു​നി​ര​ത്തി​യും ക​രി​ങ്ക​ൽ ഖ​ന​നം ന​ട​ത്തി​യും നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​നെ​തി​രെ പ്ര​ദേ​ശ​വാ​സി​ക​ൾ പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു.

സു​ര​ക്ഷാ​നി​യ​മ​ങ്ങ​ള്‍ ലം​ഘി​ച്ചു​കൊ​ണ്ടു​ള്ള നി​ർ​മാ​ണ​പ്ര​വ​ർ​ത്ത​നം ഭാ​വി​യി​ൽ ഉ​രു​ൾ​പൊ​ട്ട​ലി​ന് സാ​ധ്യ​ത​യു​ണ്ടെ​ന്നും പ്ര​ദേ​ശ​വാ​സി​ക​ൾ ആ​ശ​ങ്ക പ്ര​ക​ടി​പ്പി​ച്ചി​രു​ന്നു.

കു​ന്നി​ൽ​നി​ന്ന് ഉ​രു​ണ്ടു​വീ​ണ കൂ​റ്റ​ൻ​പാ​റ നീ​ക്കു​ന്ന പ്ര​വൃ​ത്തി ര​ണ്ടാം ദി​വ​സ​വും പൂ​ർ​ത്തി​യാ​യി​ട്ടി​ല്ല. കു​ന്നി​ൻ​ച​രി​വി​ൽ ഇ​ള​കി​നി​ൽ​ക്കു​ന്ന പാ​റ​ക്ക​ല്ലു​ക​ൾ ഇ​നി​യും അ​വ​ശേ​ഷി​ക്കു​ന്ന​തി​നാ​ൽ കാ​ല​വ​ർ​ഷം ശ​ക്തി​പ്രാ​പി​ക്കു​ന്ന മു​റ​ക്ക് വീ​ണ്ടും അ​പ​ക​ട​ങ്ങ​ൾ ഉ​ണ്ടാ​വു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.

അ​പ​ക​ടാ​വ​സ്ഥ ച​ർ​ച്ച​ചെ​യ്യാ​ൻ ഉ​ണ്ണി​കു​ളം പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ പൊ​ലീ​സ്, സി​റ്റി ഗ്യാ​സ് അ​ധി​കൃ​ത​ർ, പ്ര​ദേ​ശ​വാ​സി​ക​ൾ തു​ട​ങ്ങി​യ​വ​രെ ഉ​ൾ​പ്പെ​ടു​ത്തി യോ​ഗം ചേ​ർ​ന്ന് സ്ഥി​തി​ഗ​തി​ക​ൾ വി​ല​യി​രു​ത്തി. ജി​യോ​ള​ജി​സ്റ്റി​നെ​ക്കൊ​ണ്ട് പ്ര​ദേ​ശ​ത്ത് പ​രി​ശോ​ധ​ന ന​ട​ത്താ​നും ജി​ല്ല ക​ല​ക്ട​റെ നേ​രി​ൽ​ക​ണ്ട് ജ​ന​ങ്ങ​ളു​ടെ ആ​ശ​ങ്ക അ​റി​യി​ക്കാ​നും യോ​ഗ​ത്തി​ൽ തീ​രു​മാ​നി​ച്ചു.