ലൈംഗികാതിക്രമ കേസിൽ ക്വട്ടേഷൻ തലവൻ അറസ്റ്റിൽ

കോ​ഴി​ക്കോ​ട്: ക്വ​ട്ടേ​ഷ​ൻ ത​ല​വ​ന​ട​ക്ക​മു​ള്ള സം​ഘം ലൈം​ഗി​കാ​തി​ക്ര​മ കേ​സി​ ൽ പൊ​ലീ​സ് പി​ടി​യി​ലാ​യി. സം​ഘ​ത്ത​ല​വ​ൻ പ​ന്നി​യ​ങ്ക​ര സ്വ​ദേ​ശി​യാ​യ നൈ​നൂ​ക്കി​നെ​യും (40) കൂ​ട്ടാ​ളി​ക​ളെ​യു​മാ​ണ് വീ​ടി​ന്റെ വാ​തി​ൽ ച​വി​ട്ടി​പ്പൊ​ളി​ച്ച് ടൗ​ൺ ​പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ബു​ധ​നാ​ഴ്ച പു​ല​ർ​ച്ചെ​യാ​യി​രു​ന്നു സം​ഭ​വം. പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ നൈ​നൂ​ക്കും കൂ​ട്ടാ​ളി​ക​ളാ​യ നി​ഷാ​ദ്, സാ​ജ​ർ, ജാ​സിം എ​ന്നി​വ​രും ചേ​ർ​ന്ന് ക​യ​റി​പ്പി​ടി​ക്കു​ക​യും ലൈം​ഗി​ക​മാ​യി ആ​ക്ര​മി​ക്കു​ക​യു​മാ​യി​രു​ന്നു.

ത​ട​യാ​ൻ ശ്ര​മി​ച്ച മ​റ്റു കു​ട്ടി​ക​ളെ ഉ​പ​ദ്ര​വി​ക്കു​ക​യും ക​ട​ലി​ൽ മു​ക്കി​ക്കൊ​ല്ലാ​ൻ ശ്ര​മി​ക്കു​ക​യും ചെ​യ്തു. സം​ഭ​വ​ശേ​ഷം പ​ന്നി​യ​ങ്ക​ര​യി​ലെ വീ​ട്ടി​ൽ ഒ​ളി​ച്ചി​രു​ന്ന ​നൈ​​നൂ​ക്കി​നെ​യും കൂ​ട്ടു​കാ​രെ​യും തേ​ടി പൊ​ലീ​സ് എ​ത്തി​യെ​ങ്കി​ലും ഇ​യാ​ൾ വീ​ടി​ന്റെ വാ​തി​ൽ തു​റ​ക്കാ​ൻ ത​യാ​റാ​വാ​തെ ഗ്യാ​സ് സി​ലി​ണ്ട​ർ തു​റ​ന്നു​വി​ടു​ക​യും ആ​യു​ധ​വു​മാ​യി പൊ​ലീ​സി​നെ വെ​ല്ലു​വി​ളി​ക്കു​ക​യും ചെ​യ്തു.

തു​ട​ർ​ന്ന് ഇ​ൻ​സ്പെ​ക്ട​ർ ബൈ​ജു കെ. ​ജോ​സി​ന്റെ നി​ർ​ദേ​ശ പ്ര​കാ​രം ടൗ​ൺ സ​ബ് ഇ​ൻ​സ്പെ​ക്ട​ർ സു​ഭാ​ഷ് ച​ന്ദ്ര​നും സം​ഘ​വും വാ​തി​ൽ ച​വി​ട്ടി​ത്തു​റ​ന്ന് പ്ര​തി​യെ​യും കൂ​ട്ടാ​ളി​ക​ളെ​യും സാ​ഹ​സി​ക​മാ​യി കീ​ഴ്പ്പെ​ടു​ത്തി. ടൗ​ൺ സ​ബ് ഇ​ൻ​സ്പെ​ക്ട​ർ​മാ​രാ​യ ജി​ബി​ൻ ജെ. ​ഫ്ര​ഡി, മു​ഹ​മ്മ​ദ് സി​യാ​ദ്, പ​ന്നി​യ​ങ്ക​ര എ​സ്.​ഐ കി​ര​ൺ, മ​നോ​ജ് എ​ട​യ​ട​ത്ത്, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ സ​ജേ​ഷ് കു​മാ​ർ, ബി​നി​ൽ​കു​മാ​ർ, ബ​ഷീ​ർ, സു​ജി​ത്ത്, പ്ര​വീ​ൺ​കു​മാ​ർ, ജി​തി​ൻ, ബി​നു​രാ​ജ് എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.

ചി​ല ​പൊ​ലീ​സു​കാ​ർ​ക്ക് പ​രി​ക്കേ​റ്റ​താ​യും ഇ​വ​ർ ബീ​ച്ചാ​ശു​പ​ത്രി​യി​ൽ ചി​കി​ത്സ​യി​ലാ​ണെ​ന്നും ഡി​പ്പാ​ർ​ട്ട്മെ​ന്റ് വാ​ഹ​നം ത​ക​ർ​ത്ത​തി​ന് കേ​സെ​ടു​ത്തി​ട്ടു​ണ്ടെ​ന്നും പൊ​ലീ​സ് പ​റ​ഞ്ഞു.