പുതു സൗകര്യങ്ങളുമായി പുതിയാപ്പ മത്സ്യബന്ധന തുറമുഖം

കോ​ഴി​ക്കോ​ട്​: 26 വ​യ​സ്സ്​ പൂ​ർ​ത്തി​യാ​വു​ന്ന പു​തി​യാ​പ്പ മ​ത്സ്യ​ബ​ന്ധ​ന തു​റ​മു​ഖ​ത്ത്​ പു​തി​യ സൗ​ക​ര്യ​ങ്ങ​ൾ ഒ​രു​ങ്ങി. തെ​ക്കേ പു​ലി​മു​ട്ടി​ല്‍നി​ന്ന് 100 മീ​റ്റ​ര്‍ നീ​ള​ത്തി​ലും 8.45 മീ​റ്റ​ര്‍ വീ​തി​യി​ലു​മു​ള്ള ര​ണ്ട് ഫിം​ഗ​ര്‍ ജെ​ട്ടി​ക​ൾ, 27 ലോ​ക്ക​ര്‍ മു​റി​ക​ൾ, 1520 മീ​റ്റ​ര്‍ നീ​ള​മു​ള്ള ചു​റ്റു​മ​തി​ലു​ക​ൾ എ​ന്നി​വ മു​ഖ്യ​മ​​ന്ത്രി പി​ണ​റാ​യി വി​ജ​യ​ൻ ഹാ​ർ​ബ​റി​ലെ​ത്തി​യ നി​റ​ഞ്ഞ സ​ദ​സ്സി​നു​ മു​ന്നി​ൽ നാ​ടി​ന് സ​മ​ർ​പ്പി​ച്ചു. ഹാ​ര്‍ബ​റി​ലേ​ക്കു​ള്ള 300 മീ​റ്റ​ര്‍ കോ​ണ്‍ക്രീ​റ്റ് റോ​ഡ്, ശു​ദ്ധ​ജ​ല വി​ത​ര​ണ സം​വി​ധാ​ന​ങ്ങ​ൾ എ​ന്നി​വ​യും പു​തി​യ സൗ​ക​ര്യ​ങ്ങ​ളി​ൽ​പെ​ടു​ന്നു.

രാ​ഷ്ട്രീ​യ കൃ​ഷി വി​കാ​സ് യോ​ജ​ന (ആ​ര്‍.​കെ.​വി.​വൈ) പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 11 കോ​ടി രൂ​പ ചെ​ല​വി​ലാ​ണ് നി​ര്‍മാ​ണം. 60 ശ​ത​മാ​നം കേ​ന്ദ്ര​ഫ​ണ്ടും 40 ശ​ത​മാ​നം സം​സ്ഥാ​ന ഫ​ണ്ടും ഉ​പ​യോ​ഗി​ച്ചാ​ണ് പ​ണി​തീ​ർ​ത്ത​ത്. തീ​ര​ദേ​ശ​ത്തി​ന്‍റെ​യും ഹാ​ര്‍ബ​റു​ക​ളു​ടെ​യും സു​ര​ക്ഷ ഉ​റ​പ്പാ​ക്കു​ന്ന​തി​നാ​യു​ള്ള ലോ​ക്ക​ര്‍ മു​റി​ക​ളു​ടെ​യും ചു​റ്റു​മ​തി​ലി​ന്‍റെ​യും പ​ണി ര​ണ്ടേ​കാ​ല്‍ കോ​ടി രൂ​പ ചെ​ല​വി​ല്‍ ന​ബാ​ര്‍ഡി​ന്‍റെ ഫ​ണ്ട് ഉ​പ​യോ​ഗി​ച്ചാ​ണ് തീ​ർ​ത്ത​ത്. അ​പ്രോ​ച്ച് റോ​ഡി​ന്​ 95 ല​ക്ഷം രൂ​പ​യും ചെ​ല​വാ​യി. മൊ​ത്തം 14.2 ​കോ​ടി രൂ​പ ചെ​ല​വി​ൽ ഒ​രു​ക്കി​യ സ​ജ്ജീ​ക​ര​ണ​ങ്ങ​ളാ​ണ്​ ന​ഗ​ര​ത്തി​ന്​ സ​മ​ർ​പ്പി​ച്ച​ത്.

പു​തി​യാ​പ്പ മ​ത്സ്യ​ബ​ന്ധ​ന ഹാ​ര്‍ബ​റി​നെ ആ​ശ്ര​യി​ച്ചു ക​ഴി​യു​ന്ന നാ​ലാ​യി​ര​ത്തോ​ളം മ​ത്സ്യ​ത്തൊ​ഴി​ലാ​ളി​ക​ള്‍ക്കും മ​ത്സ്യാ​നു​ബ​ന്ധ തൊ​ഴി​ലാ​ളി​ക​ള്‍ക്കും പു​തി​യ സ​ജ്ജീ​ക​ര​ണ​ങ്ങ​ൾ ഗു​ണ​ക​ര​മാ​വും. ഇ​തോ​ടെ ഹാ​ര്‍ബ​റി​ലെ അ​ടി​സ്ഥാ​ന​സൗ​ക​ര്യ മേ​ഖ​ല​യി​ല്‍ വ​ലി​യ മാ​റ്റം ഉ​ണ്ടാ​കു​മെ​ന്ന് മു​ഖ്യ​മ​ന്ത്രി പ​റ​ഞ്ഞു. നാ​ടി​ന്‍റെ സ്വ​ന്തം സൈ​ന്യ​മാ​യി പ്ര​വ​ർ​ത്തി​ക്കു​ന്ന മ​ത്സ്യ​ത്തൊ​ഴി​ലാ​ളി​ക​ളു​ടെ പ്ര​ശ്ന​ങ്ങ​ൾ​ക്ക് സ​ർ​ക്കാ​ർ വ​ലി​യ പ​രി​ഗ​ണ​ന​യാ​ണ് ന​ൽ​കു​ന്ന​ത്. 1982ല്‍ ​വി​ഭാ​വ​നം​ചെ​യ്ത പു​തി​യാ​പ്പ ഫി​ഷി​ങ് ഹാ​ര്‍ബ​ര്‍ 1996ലാ​ണ് ക​മീ​ഷ​ന്‍ ചെ​യ്ത​ത്. ശ​രാ​ശ​രി 30 അ​ടി ദൈ​ര്‍ഘ്യ​മു​ള്ള 250 യാ​ന​ങ്ങ​ള്‍ക്കു​വേ​ണ്ടി​യു​ള്ള രൂ​പ​രേ​ഖ​യാ​യി​രു​ന്നു അ​ന്ന് ത​യാ​റാ​ക്കി​യ​ത്. സൗ​ക​ര്യം മ​തി​യാ​കാ​തെ വ​ന്ന​തോ​ടെ 2018ല്‍ ​ആ​രം​ഭി​ച്ച ന​വീ​ക​ര​ണ​പ്ര​വ​ര്‍ത്ത​ന​ങ്ങ​ളാ​ണ് നാ​ടി​നു സ​മ​ര്‍പ്പി​ക്കു​ന്ന​തെ​ന്നും മു​ഖ്യ​മ​ന്ത്രി പ​റ​ഞ്ഞു. മ​ന്ത്രി എ.​കെ. ശ​ശീ​ന്ദ്ര​ന്‍ മു​ഖ്യ​പ്ര​ഭാ​ഷ​ണം ന​ട​ത്തി. മേ​യ​ര്‍ ഡോ. ​ബീ​ന ഫി​ലി​പ്, കൗ​ൺ​സി​ല​ർ വി.​കെ. മോ​ഹ​ൻ​ദാ​സ്, ഫി​ഷ​റീ​സ് വ​കു​പ്പ് ഡ​യ​റ​ക്ട​ർ ഡോ. ​അ​ദീ​ല അ​ബ്ദു​ല്ല തു​ട​ങ്ങി​യ​വ​ര്‍ പ​ങ്കെ​ടു​ത്തു.