പ്രതിഷേധാഗ്‍നി; മുട്ടുമടക്കി എൻ.ഐ.ടി അധികൃതർ

ചാ​ത്ത​മം​ഗ​ലം: എ​ൻ.​ഐ.​ടി​യി​ൽ വി​ക​ല​മാ​ക്കി പ്ര​ദ​ർ​ശി​പ്പി​ച്ച ഇ​ന്ത്യാ ഭൂ​പ​ട​ത്തി​നെ​തി​രെ പ്ര​തി​ഷേ​ധി​ച്ച വി​ദ്യാ​ർ​ഥി​ക്കെ​തി​രെ​യെ​ടു​ത്ത ന​ട​പ​ടി​യി​ൽ​നി​ന്ന് പി​ന്നോ​ട്ടു​പോ​കേ​ണ്ടി​വ​ന്ന​ത് എ​ൻ.​ഐ.​ടി മേ​ധാ​വി​ക​ളു​ടെ ക​ണ​ക്കു​കൂ​ട്ട​ലു​ക​ൾ​ക്ക​പ്പു​റ​മു​ണ്ടാ​യ ക​ടു​ത്ത പ്ര​തി​ഷേ​ധം കാ​ര​ണം.

സ​മീ​പ​കാ​ല​ത്തൊ​ന്നു​മി​ല്ലാ​ത്ത പ്ര​തി​ഷേ​ധ​മാ​ണ് വ്യാ​ഴാ​ഴ്ച എ​ൻ.​ഐ.​ടി​യി​ലു​ണ്ടാ​യ​ത്. കെ.​എ​സ്.​യു, എ​സ്.​എ​ഫ്.​ഐ, ഫ്ര​റ്റേ​ണി​റ്റി മൂ​വ്മെ​ന്റ്, എം.​എ​സ്.​എ​ഫ് പ്ര​വ​ർ​ത്ത​ക​രു​ടെ പ്ര​തി​ഷേ​ധം സം​ഘ​ർ​ഷ​ത്തി​ലേ​ക്ക് നീ​ങ്ങി​യ​തോ​ടെ രാ​ത്രി ഒ​മ്പ​തോ​ടെ​യാ​ണ് വി​ദ്യാ​ർ​ഥി വൈ​ശാ​ഖ് പ്രേം​കു​മാ​റി​ന്റെ സ​സ്പെ​ൻ​ഷ​ൻ മ​ര​വി​പ്പി​ച്ച​ത്. ഒ​രു കാ​ര​ണ​വ​ശാ​ലും പി​ൻ​വ​ലി​ക്കി​ല്ലെ​ന്ന വാ​ശി​യി​ലാ​യി​രു​ന്നു വൈ​കീ​ട്ട് വ​രെ സ്റ്റു​ഡ​ന്റ്സ് വെ​ൽ​ഫെ​യ​ർ ഡീ​ന​ട​ക്ക​മു​ള്ള​വ​ർ. സം​ഘ​ർ​ഷം ശ​ക്തി​പ്രാ​പി​ച്ചാ​ൽ ത​ട​യാ​നാ​കി​ല്ലെ​ന്നും അ​ങ്ങ​നെ​വ​ന്നാ​ൽ, എ​ൻ.​ഐ.​ടി അ​ധി​കൃ​ത​ർ​ക്കെ​തി​രെ കേ​സെ​ടു​ക്കേ​ണ്ടി​വ​രു​മെ​ന്നും പൊ​ലീ​സും മു​ന്ന​റി​യി​പ്പു​ന​ൽ​കി. സ്ഥാ​പ​ന​ത്തെ കാ​വി​വ​ത്ക​രി​ക്കു​ന്ന​തി​നെതിരെ​യു​ള്ള താ​ക്കീ​ത് കൂ​ടി​യാ​യി​രു​ന്നു പ്ര​തി​ഷേ​ധം.

പ​തി​വി​ന് വി​പ​രീ​ത​മാ​യി എ​ൻ.​ഐ.​ടി​യി​ലെ വി​ദ്യാ​ർ​ഥി​ക​ളും ഒ​ന്നാ​യി രം​ഗ​ത്തി​റ​ങ്ങി. സം​ഘ് പ​രി​വാ​ർ അ​നു​കൂ​ലി​ക​ളാ​യ എ​ൻ.​ഐ.​ടി മേ​ധാ​വി​ക​ളും ചി​ല ജീ​വ​ന​ക്കാ​രും ഉ​ത്ത​രേ​ന്ത്യ​ൻ വി​ദ്യാ​ർ​ഥി​ക​ളും സം​ഘ്പ​രി​വാ​ർ ആ​ശ​യ​പ്ര​ചാ​ര​ണ​ത്തി​ന് രൂ​പ​വ​ത്ക​രി​ച്ച സം​ഘ​ട​ന​ക​ളും ചേ​ർ​ന്ന് ഈ​യ​ടു​ത്ത കാ​ല​ത്ത് സ്ഥാ​പ​ന​ത്തെ കാ​വി​വ​ത്ക​രി​ക്കാ​ൻ കൊ​ണ്ടു​പി​ടി​ച്ച ശ്ര​മ​ങ്ങ​ളാ​ണ് ന​ട​ത്തു​ന്ന​ത്. പ്രാ​ണ​പ​തി​ഷ്ഠ​യോ​ട​നു​ബ​ന്ധി​ച്ച് ത​ലേ​ദി​വ​സം രാ​ത്രി ന​ട​ന്ന പ​രി​പാ​ടി​ക​ളി​ൽ എ​ൻ.​ഐ.​ടി മേ​ധാ​വി​ക​ളും കു​ടും​ബ​വും​വ​രെ പ​ങ്കെ​ടു​ത്തി​രു​ന്നു.

ഫ്ര​ഷേ​ഴ്സ് ഡേ ​ദി​വ​സം ന​ട​ന്ന ഇ​ത്ത​രം പ​രി​പാ​ടി​ക​ളി​ൽ പ്ര​തി​ഷേ​ധി​ച്ച​വ​രെ സം​ഘ്പ​രി​വാ​ർ വി​ദ്യാ​ർ​ഥി​ക​ൾ മ​ർ​ദി​ക്കു​ക​യും ചെ​യ്തു. മേ​ധാ​വി​ക​ളു​ടെ ആ​ശീ​ർ​വാ​ദ​ത്തോ​ടെ ന​ട​ക്കു​ന്ന ഇ​വ​ക്കെ​തി​രെ പ്ര​തി​ഷേ​ധി​ക്കാ​ൻ ന​ട​പ​ടി ഭ​യ​ന്ന് മ​റ്റ് വി​ദ്യാ​ർ​ഥി​ക​ൾ ത​യാ​റാ​കാ​റി​ല്ല. എ​ന്നാ​ൽ, വി​ക​ല​മാ​യി കാ​വി ഭൂ​പ​ടം വ​ര​ച്ച് പ്ര​ദ​ർ​ശി​ച്ച​വ​ർ​ക്കെ​തി​രെ ന​ട​പ​ടി​യെ​ടു​ക്കാ​ത്ത അ​ധി​കൃ​ത​ർ പ്ര​തി​ഷേ​ധി​ച്ച വി​ദ്യാ​ർ​ഥി​യെ സ​സ്പെ​ൻ​ഡ് ചെ​യ്ത​തോ​ടെ വി​ദ്യാ​ർ​ഥി​ക​ൾ കൂ​ട്ട​മാ​യി രം​ഗ​ത്തി​റ​ങ്ങു​ക​യാ​യി​രു​ന്നു.

മർദനമേറ്റ വിദ്യാർഥിയുടെ പരാതിയിൽ കേസ്

ചാ​ത്ത​മം​ഗ​ലം: എ​ൻ.​ഐ.​ടി​യി​ൽ ഇ​ന്ത്യ​യു​ടെ ഭൂ​പ​ടം വി​ക​ല​മാ​ക്കി പ്ര​ദ​ർ​ശി​പ്പി​ച്ച സം​ഭ​വ​ത്തി​ൽ മ​ർ​ദ​ന​ത്തി​നി​ര​യാ​യ വി​ദ്യാ​ർ​ഥി​യു​ടെ പ​രാ​തി​യി​ൽ കു​ന്ദ​മം​ഗ​ലം പൊ​ലീ​സ് കേ​സെ​ടു​ത്തു. ഭൂ​പ​ടം വ​ര​ച്ച് പ്ര​ദ​ർ​ശി​പ്പി​ച്ച സം​ഘ​ട​ന​യാ​യ സ​യ​ൻ​സ് ആ​ൻ​ഡ് സ്പി​രി​ച്ച​ൽ ക്ല​ബി​നെ​തി​രെ സ്റ്റു​ഡ​ന്റ്സ് കൗ​ൺ​സി​ൽ വാ​ട്സ്ആ​പ് ഗ്രൂ​പ്പി​ൽ ചോ​ദ്യ​ങ്ങ​ൾ ചോ​ദി​ച്ച​തി​ന് മ​ർ​ദ​ന​മേ​റ്റ കൈ​ലാ​സ് നാ​ഥി​ന്റെ പ​രാ​തി​യി​ലാ​ണ് കേ​സെ​ടു​ത്ത​ത്.

വാ​ട്സ്ആ​പ് ഗ്രൂ​പ്പി​ൽ ചോ​ദ്യം ചോ​ദി​ച്ച​തി​ന് എ​ൻ.​ഐ.​ടി വി​ദ്യാ​ർ​ഥി ശി​വ​പാ​ണ്ഡെ​യു​ടെ നേ​തൃ​ത്വ​ത്തി​ൽ ജ​നു​വ​രി 22ന് ​രാ​വി​ലെ 11.30ഓ​ടെ ക​ണ്ടാ​ല​റി​യു​ന്ന പ​ത്തോ​ളം വി​ദ്യാ​ർ​ഥി​ക​ളു​ടെ നേ​തൃ​ത്വ​ത്തി​ൽ ഭീ​ഷ​ണി​പ്പെ​ടു​ത്തു​ക​യും അ​ടി​ക്കു​ക​യും ചെ​യ്തു​വെ​ന്നാ​ണ് പ​രാ​തി. വി​ദ്യാ​ർ​ഥി ക​ഴി​ഞ്ഞ ആ​ഴ്ച ത​ന്നെ പ​രാ​തി ന​ൽ​കി​യി​രു​ന്നു. എ​ന്നാ​ൽ, കേ​സെ​ടു​ക്കാ​ത്ത​തി​ൽ പ്ര​തി​ഷേ​ധം ഉ​യ​ർ​ന്നി​രു​ന്നു. ഭൂ​പ​ട​ത്തി​നെ​തി​രെ പ്ല​ക്കാ​ർ​ഡു​യ​ർ​ത്തി പ്ര​തി​ഷേ​ധി​ച്ച വൈ​ശാ​ഖ് പ്രേം​കു​മാ​റി​നും മ​ർ​ദ​ന​േ​മ​റ്റി​രു​ന്നു.

എൻ.ഐ.ടി ഞായറാഴ്ച വരെ അടച്ചു

ചാത്തമംഗലം: പ്രതിഷേധങ്ങളുടെയും സംഘർഷങ്ങളുടെയും സാഹചര്യത്തിൽ എൻ.ഐ.ടി ഞായറാഴ്ച വരെ അടച്ചു. ഇതുസംബന്ധിച്ച് വ്യാഴാഴ്ച അർധരാത്രിയാണ് സർക്കുലർ ഇറക്കിയത്. അധ്യാപക-അനധ്യാപക ജീവനക്കാരോടും സ്ഥാപനത്തിൽ ഹാജരാകേണ്ടതില്ലെന്ന് അറിയിച്ചിട്ടുണ്ട്.