ഒരുവർഷം കൊണ്ട് ആയിരം പേർക്ക് വീട്; പദ്ധതിക്ക് നടുവട്ടത്ത് 29ന് തുടക്കമാവും

കോ​ഴി​ക്കോ​ട്: സം​സ്ഥാ​ന സ​ർ​ക്കാ​റി​ന്റെ ‘ലൈ​ഫ് -മ​ന​സ്സോ​ടി​ത്തി​രി മ​ണ്ണ്’ പ​ദ്ധ​തി​യു​ടെ ഭാ​ഗ​മാ​യി ന​ഗ​ര​ത്തി​ലെ സ്വ​ന്ത​മാ​യി സ്ഥ​ല​വും വീ​ടു​മി​ല്ലാ​ത്ത നി​ർ​ധ​ന​രാ​യ ആ​യി​രം പേ​ർ​ക്ക് പൊ​തു​ജ​ന പ​ങ്കാ​ളി​ത്ത​ത്തോ​ടെ വീ​ട് നി​ർ​മി​ച്ചു​ന​ൽ​കു​ന്ന കോ​ർ​പ​റേ​ഷ​ൻ പ​ദ്ധ​തി​ക്ക് 29ന് ​ബേ​പ്പൂ​രി​ലെ ന​ടു​വ​ട്ട​ത്ത് തു​ട​ക്കം. സ​ർ​ക്കാ​റി​നൊ​പ്പം വ്യ​ക്തി​ക​ളു​ടെ​യും സ്ഥാ​പ​ന​ങ്ങ​ളു​ടെ​യും സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി ന​ട​പ്പാ​ക്കു​ക.

560 സ്ക്വ​യ​ർ ഫീ​റ്റ് വി​സ്തീ​ർ​ണ​മു​ള്ള വീ​ടി​ന് ര​ണ്ട് ബെ​ഡ്റൂ​മും അ​ടു​ക്ക​ള​യും ബാ​ത്ത് റൂ​മും അ​ട​ക്ക​മു​ള്ള സൗ​ക​ര്യ​ങ്ങ​ളു​ണ്ടാ​കു​മെ​ന്ന് മേ​യ​ർ ഡോ. ​ബീ​ന ഫി​ലി​പ് വാ​ർ​ത്ത സ​മ്മേ​ള​ന​ത്തി​ൽ അ​റി​യി​ച്ചു. 14 ല​ക്ഷം രൂ​പ​യാ​ണ് ചെ​ല​വ് പ്ര​തീ​ക്ഷി​ക്കു​ന്ന​ത്. ആ​ദ്യ​ഘ​ട്ടം ആ​യി​രം വീ​ടു​ക​ൾ പ​ണി​തു ന​ൽ​കാ​നാ​ണ് കോ​ർ​പ​റേ​ഷ​ൻ ല​ക്ഷ്യ​മി​ടു​ന്ന​ത്.

സാ​മ്പ​ത്തി​ക​ശേ​ഷി അ​നു​വ​ദി​ക്കു​ന്ന ഗു​ണ​ഭോ​ക്താ​ക്ക​ൾ​ക്ക് പ​ദ്ധ​തി വി​ഹി​തം ന​ൽ​കാം. ഇ​ല്ലാ​ത്ത​വ​ർ​ക്ക് പൂ​ർ​ണ​മാ​യി സൗ​ജ​ന്യ​മാ​യി വീ​ട് നി​ർ​മി​ച്ചു​ന​ൽ​കും. ബേ​പ്പൂ​രി​ലെ കോ​ർ​പ​റേ​ഷ​ൻ സ്ഥ​ല​ത്ത് 93 വീ​ടു​ക​ൾ നി​ർ​മി​ക്കാ​നു​ള്ള പ്ലാ​നാ​ണ് ത​യാ​റാ​ക്കി​യ​ത്. ക്രൗ​ഡ് ഫ​ണ്ടി​ങ് വ​ഴി ധ​ന​സ​മാ​ഹ​ര​ണം ന​ട​ത്തും.

കോ​ർ​പ​റേ​ഷ​ൻ നേ​തൃ​ത്വ​ത്തി​ൽ രൂ​പ​വ​ത്ക​രി​ക്കു​ന്ന ചാ​രി​റ്റ​ബി​ൾ സൊ​സൈ​റ്റി​ക്ക് കീ​ഴി​ലാ​യി​രി​ക്കും ധ​ന​സ​മാ​ഹ​ര​ണ​വും നി​ർ​മാ​ണ​പ്ര​വ​ർ​ത്ത​ന​ങ്ങ​ളും മു​ന്നോ​ട്ടു​പോ​വു​ക. വീ​ട് നി​ർ​മി​ക്കു​ന്ന പ്ര​ദേ​ശ​ങ്ങ​ളി​ൽ ജ​ന​കീ​യ ക​മ്മി​റ്റി​ക​ളും രൂ​പ​വ​ത്ക​രി​ക്കും. പ​ണ​മാ​യോ അ​സം​സ്കൃ​ത വ​സ്തു​ക്ക​ളാ​യോ മ​നു​ഷ്യ​വി​ഭ​വ ശേ​ഷി​യാ​യോ സ​ഹാ​യ​ങ്ങ​ൾ ന​ൽ​കാം.

ഒ​രു ച​തു​ര​ശ്ര അ​ടി​ക്ക് 3,000 രൂ​പ എ​ന്ന നി​ല​യി​ലും സം​ഭാ​വ​ന​ക​ൾ ന​ൽ​കാം. സ്ഥാ​പ​ന​ങ്ങ​ളു​ടെ സി.​എ​സ്.​ആ​ർ ഫ​ണ്ടും ഉ​പ​യോ​ഗി​ക്കാ​നാ​വു​മെ​ന്ന് ക​രു​തു​ന്നു. ഏ​ഴാ​യി​ര​ത്തോ​ളം വീ​ടി​നു​ള്ള അ​പേ​ക്ഷ​ക​ളാ​ണ് ല​ഭി​ച്ച​ത്.

ആ​ദ്യ​ഘ​ട്ട​മാ​യി ഒ​രു വ​ർ​ഷ​ത്തി​നു​ള്ളി​ൽ ആ​യി​രം വീ​ടു​ക​ൾ നി​ർ​മി​ക്കാ​നാ​ണ് ല​ക്ഷ്യ​മി​ടു​ന്ന​ത്. 5000 വീ​ടു​ക​ളെ​ങ്കി​ലും പൂ​ർ​ത്തി​യാ​ക്കാ​നാ​ണ് കോ​ർ​പ​റേ​ഷ​ൻ തീ​രു​മാ​നം. അ​പേ​ക്ഷ​ക​ൾ കൃ​ത്യ​മാ​യി പ​രി​ശോ​ധി​ച്ച് ഗു​ണ​ഭോ​ക്താ​ക്ക​ളെ നി​ശ്ച​യി​ക്കും.

കോ​ർ​പ​റേ​ഷ​ൻ നീ​ക്കി​വെ​ക്കു​ന്ന പ​ണം​കൊ​ണ്ട് മാ​ത്രം ഭൂ​മി വാ​ങ്ങി വീ​ടു​ണ്ടാ​ക്കാ​ൻ സാ​ധി​ക്കി​ല്ലെ​ന്ന​തു​കൊ​ണ്ടാ​ണ് പു​തി​യ പ​ദ്ധ​തി ഒ​രു​ക്കി​യ​ത്. 29ന് ​വൈ​കീ​ട്ട് മൂ​ന്നി​ന് ബേ​പ്പൂ​ർ ബി.​സി റോ​ഡ് ജി.​എ​ൽ.​പി സ്കൂ​ളി​ൽ പ​ദ്ധ​തി പ്ര​ഖ്യാ​പ​ന​വും ത​റ​ക്ക​ല്ലി​ട​ലും മ​ന്ത്രി എം.​ബി. രാ​ജേ​ഷ് നി​ർ​വ​ഹി​ക്കും.

പ​ദ്ധ​തി​ക്കാ​യു​ള്ള ക്രൗ​ഡ് ഫ​ണ്ടി​ങ് ഉ​ദ്ഘാ​ട​നം മ​ന്ത്രി പി.​എ. മു​ഹ​മ്മ​ദ് റി​യാ​സും ലോ​ഗോ പ്ര​കാ​ശ​നം മ​ന്ത്രി അ​ഹ​മ്മ​ദ് ദേ​വ​ർ​കോ​വി​ലും വെ​ബ്സൈ​റ്റ് ലോ​ഞ്ചി​ങ് മ​ന്ത്രി എ.​കെ. ശ​ശീ​ന്ദ്ര​നും നി​ർ​വ​ഹി​ക്കും. ഡെ​പ്യൂ​ട്ടി മേ​യ​ർ സി.​പി. മു​സാ​ഫ​ർ അ​ഹ​മ്മ​ദ്, സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ പി.​കെ. നാ​സ​ർ, കോ​ർ​പ​റേ​ഷ​ൻ സെ​ക്ര​ട്ട​റി കെ.​യു. ബി​നി തു​ട​ങ്ങി​യ​വ​രും വാ​ർ​ത്ത സ​മ്മേ​ള​ന​ത്തി​ൽ പ​​ങ്കെ​ടു​ത്തു.