‘ഇ​നി ഞാ​നൊ​ഴു​ക​ട്ടെ’ ജ​ലാ​ശ​യ​ങ്ങ​ള്‍ വീ​ണ്ടെ​ടു​ക്കാ​ന്‍ പ​ദ്ധ​തി

കോ​ഴി​ക്കോ​ട്: മാ​ലി​ന്യ​മു​ക്തം ന​വ​കേ​ര​ളം ജ​ന​കീ​യ കാ​മ്പ​യി​നി​ന്റെ ഭാ​ഗ​മാ​യി ജി​ല്ല​യി​ലെ ജ​ലാ​ശ​യ​ങ്ങ​ള്‍ വൃ​ത്തി​യു​ള്ള​താ​ക്കി മാ​റ്റാ​ന്‍ ജി​ല്ല​ത​ല ജ​ല​സാ​ങ്കേ​തി​ക സ​മി​തി യോ​ഗ​ത്തി​ല്‍ തീ​രു​മാ​നം. മു​ന്‍കാ​ല​ങ്ങ​ളി​ല്‍ ന​ട​ത്തി​യ​തു​പോ​ലെ ജ​ന​കീ​യ​മാ​യി ജ​ലാ​ശ​യ​ങ്ങ​ളു​ടെ വീ​ണ്ടെ​ടു​പ്പ് ന​ട​ത്തു​ന്ന ‘ഇ​നി ഞാ​നൊ​ഴു​ക​ട്ടെ’ കാ​മ്പ​യി​ന്‍ വ​ഴി​യാ​ണ് പ​ദ്ധ​തി ന​ട​പ്പാ​ക്കു​ക. ഹ​രി​ത​കേ​ര​ളം മി​ഷ​ന്‍ സ്ഥാ​പ​ക ദി​ന​മാ​യ ഡി​സം​ബ​ര്‍ എ​ട്ടി​ന് ആ​രം​ഭി​ച്ച് മാ​ര്‍ച്ച് 21ന് ​അ​വ​സാ​നി​ക്കു​ന്ന രീ​തി​യി​ലാ​ണ് ക്യാ​മ്പ​യി​ന്‍ സം​ഘ​ടി​പ്പി​ക്കു​ക.

ജ​ന​കീ​യ കാ​മ്പ​യി​നി​ന്റെ ഭാ​ഗ​മാ​യി നേ​ര​ത്തേ ര​ണ്ട് ഘ​ട്ട​ങ്ങ​ളി​ലാ​യി വി​വി​ധ പ്ര​വ​ര്‍ത്ത​ന​ങ്ങ​ള്‍ ഏ​റ്റെ​ടു​ത്തി​രു​ന്നു. പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ല്‍ 98 തോ​ടു​ക​ളും ര​ണ്ടാം​ഘ​ട്ട​ത്തി​ല്‍ 457 തോ​ടു​ക​ളു​മാ​ണ് വീ​ണ്ടെ​ടു​ത്ത​ത്. ത​ദ്ദേ​ശ സ്വ​യം​ഭ​ര​ണ വ​കു​പ്പ്, ഹ​രി​ത​കേ​ര​ളം മി​ഷ​ന്‍, ജ​ല​സേ​ച​ന വ​കു​പ്പ്, മ​ഹാ​ത്മാ ഗാ​ന്ധി തൊ​ഴി​ലു​റ​പ്പ് പ​ദ്ധ​തി, മ​ണ്ണ് സം​ര​ക്ഷ​ണ വ​കു​പ്പ്, ഭൂ​ജ​ല വ​കു​പ്പ് തു​ട​ങ്ങി​യ വ​കു​പ്പു​ക​ളു​ടെ സം​യോ​ജ​ന​ത്തോ​ടെ​യാ​ണ് ജ​ലാ​ശ​യ​ങ്ങ​ള്‍ വീ​ണ്ടെ​ടു​ക്കു​ന്ന​തി​നു​ള്ള കാ​മ്പ​യി​ന്‍ സം​ഘ​ടി​പ്പി​ക്കു​ക. ശു​ചീ​ക​ര​ണ​ത്തി​ന്റെ ഭാ​ഗ​മാ​യി ജി​ല്ല​യി​ലെ ജ​ലാ​ശ​യ​ങ്ങ​ളി​ല്‍നി​ന്ന് ശേ​ഖ​രി​ക്ക​പ്പെ​ടു​ന്ന മാ​ലി​ന്യം സ​മ​യ​ബ​ന്ധി​ത​മാ​യി നീ​ക്കം ചെ​യ്യും. ജ​ല​ബ​ജ​റ്റി​ലും മാ​പ്പ​ത്ത​ണി​ലും നീ​രു​റ​വ് പ​ദ്ധ​തി​യി​ലും ക​ണ്ടെ​ത്തി​യ നീ​ര്‍ച്ചാ​ലു​ക​ള്‍ക്ക് പ്രാ​ധാ​ന്യം ന​ല്‍കി പ്ര​വ​ര്‍ത്ത​ന​ങ്ങ​ള്‍ സ​മ​യ​ബ​ന്ധി​ത​മാ​യി ഏ​റ്റെ​ടു​ക്കാ​നും യോ​ഗം തീ​രു​മാ​നി​ച്ചു.