കോഴിക്കോട് പെ​ട്രോ​ൾ പ​മ്പി​ലെ ആക്രമണം മു​ക​ളി​ൽ​നി​ന്ന്​ മു​ള​കു​പൊ​ടി വി​ത​റി

കോഴിക്കോട്: വ്യാ​ഴാ​ഴ്ച കോ​ട്ടൂ​ളി​യി​ലെ പെട്രോൾ പമ്പിൽ നടന്ന ആക്രമണം മു​ക​ളി​ൽ​നി​ന്ന്​ മു​ള​കു​പൊ​ടി വി​ത​റി. മൊ​ത്തം 25 ജീ​വ​ന​ക്കാ​രു​ള്ള സ്ഥാ​പ​ന​ത്തി​ലാ​ണ്​ ആ​ക്ര​മ​ണം. ആ​ക്ര​മ​ണ​ത്തി​ൽ പ​രി​ക്കേ​റ്റ മു​ഹ​മ്മ​ദ്​ റാ​ഫി​യു​ടെ മൊ​ഴി പൊ​ലീ​സ്​ രേ​ഖ​പ്പെ​ടു​ത്തി. മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​ക്ക്​ ശേ​ഷ​മാ​ണ്​ അ​ദ്ദേ​ഹം​ ഉ​ച്ച​യോ​ടെ വീ​ണ്ടും പ​മ്പി​ലെ​ത്തി​യ​ത്.

രാ​ത്രി 12ന്​ ​അ​ട​ക്കാ​റു​ള്ള പ​മ്പി​ൽ അ​തി​ന്​ ശേ​ഷം ക​ണ​ക്ക്​ ശ​രി​യാ​ക്കാ​നും മ​റ്റു​മാ​യി സാ​ധാ​ര​ണ ര​ണ്ടു​​​പേ​ർ ഉ​ണ്ടാ​വാ​റു​ണ്ട്. എ​ന്നാ​ൽ, വ്യാ​ഴാ​ഴ്ച പു​ല​ർ​ച്ച ഡ്യൂ​ട്ടി​​ക്കെ​ത്തേ​ണ്ട​വ​രി​ൽ ഒ​രാ​ൾ അ​വ​ധി​യാ​യി​രു​ന്നു. അ​ന്ന​​ത്തെ ക​ല​ക്ഷ​ൻ ഓ​ഫി​സി​ൽ മേ​ശ​മേ​ൽ വെ​ച്ച്​ എ​ണ്ണി​ത്തി​ട്ട​പ്പെ​ടു​ത്ത​വേ​യാ​ണ്​ ആ​ക്ര​മ​ണം. 100, 200 രൂ​പ നോ​ട്ടു​ക​ൾ വേ​ർ​തി​രി​ക്ക​വേ മു​ക​ളി​ൽ​നി​ന്ന്​ മു​ള​കു​പൊ​ടി വി​ത​റു​ക​യാ​യി​രു​ന്നു. മു​ക​ളി​ലേ​ക്ക്​ നോ​ക്കി​യ​​​പ്പോ​ൾ വീ​ണ്ടും പൊ​ടി​യി​ട്ടു.

ക​ണ്ണ്​ തി​രു​മ്മു​ന്ന​തി​നി​ടെ താ​ഴേ​ക്ക്​ ചാ​ടി​യ ആ​ക്ര​മി ബ​ല​മാ​യി ത​റ​യി​ൽ​ക്കി​ട​ത്തി മ​ൽ​പി​ടി​ത്ത​ത്തി​ന്​ ശേ​ഷം തോ​ർ​ത്ത്​ മു​ണ്ട്​ കൊ​ണ്ട്​ കൈ​കെ​ട്ടി പ​ണ​വു​മാ​യി ക​ട​ക്കു​ക​യാ​യി​രു​ന്നു. മേ​ശ​യി​ൽ എ​ണ്ണി​വെ​ച്ചി​രു​ന്ന 50,000ത്തി​ലേ​റെ​യു​ള്ള നോ​ട്ടു​ക​ളാ​ണ്​ വാ​രി​യെ​ടു​ത്ത​ത്. 1.5 ല​ക്ഷം രൂ​പ റാ​ഫി​യു​ടെ കീ​ശ​യി​ൽ ഉ​ണ്ടാ​യി​രു​ന്നെ​ങ്കി​ലും ആ​ക്ര​മി കീ​ശ ത​പ്പാ​ത്ത​തി​നാ​ൽ ന​ഷ്ട​പ്പെ​ട്ടി​ല്ല.

മോ​ഷ്ടാ​വ്​ ക​ട​ന്ന ശേ​ഷം ഏ​റെ പ്ര​യാ​സ​പ്പെ​ട്ട്​ സ്വ​യം കെ​ട്ട​ഴി​ച്ച്​ ലാ​ൻ​ഡ്​ ഫോ​ണി​ന​ടു​ത്ത്​ ചെ​ന്ന്​ മാ​നേ​ജ​ർ സി​ദ്ധാ​ർ​ഥ​നെ വി​വ​ര​മ​റി​യി​ക്കു​ക​യാ​യി​രു​ന്നു. മാ​നേ​ജ​ർ അ​റി​യി​ച്ച പ്ര​കാ​രം പൊ​ലീ​സ​ട​ക്ക​മു​ള്ള​വ​ർ എ​ത്തി​യാ​ണ്​ റാ​ഫി​യെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ എ​ത്തി​ച്ച​ത്. മ​ൽ​പി​ടി​ത്ത​ത്തി​നി​ടെ മൂ​ക്കി​ന്​ ശ​ക്ത​മാ​യ ഇ​ടി​കി​ട്ടി​യി​രു​ന്നു. കെ​ട്ടാ​നു​പ​യോ​ഗി​ച്ച തോ​ർ​ത്ത്​ മ​ണ​ത്ത പൊ​ലീ​സ്​ നാ​യ് പ​മ്പി​ന്റെ പി​ന്നി​ലു​ള്ള ചു​മ​രി​ന​ടു​ത്തേ​ക്കാ​ണ്​ ഓ​ടി​യ​ത്. പി​ൻ​ഭാ​ഗം വ​ഴി​യാ​ണ്​ ആ​ക്ര​മി എ​ത്തി​യ​തെ​ന്നാ​ണ്​ സൂ​ച​ന.

പി​ടി​ച്ചു​പ​റി​യും ശ​ല്യ​പ്പെ​ടു​ത്ത​ലും: രാ​ത്രി ജോ​ലി ചെ​യ്യു​ന്ന​വ​ർ ഭീ​തി​യി​ൽ

കോ​ഴി​ക്കോ​ട്​: ന​ഗ​ര​ത്തി​ൽ രാ​ത്രി ജോ​ലി​ക്കെ​ത്തു​ന്ന​വ​ർ​ക്ക്​ സു​ര​ക്ഷ​യി​ല്ലാ​ത്ത അ​വ​സ്ഥ. വ്യാ​ഴാ​ഴ്ച രാ​ത്രി ഒ​ന്നി​ന്​ ശേ​ഷം കോ​ട്ടൂ​ളി​യി​ൽ പെ​​ട്രോ​ൾ പ​മ്പി​ൽ ന​ട​ന്ന ആ​ക്ര​മ​ണം സ്​​ത്രീ​ക​ള​ട​ക്കം രാ​ത്രി ഡ്യൂ​ട്ടി​യെ​ടു​ക്കു​ന്ന ന​ഗ​ര​ത്തി​ലെ നൂ​റു​ക​ണ​ക്കി​ന്​ ജീ​വ​ന​ക്കാ​രെ ഭീ​തി​യി​ലാ​ഴ്ത്തി.

മാ​വൂ​ർ​റോ​ഡി​ൽ കെ.​എ​സ്.​ആ​ർ.​ടി.​സി സ്റ്റാ​ൻ​ഡ്​ മു​ത​ൽ മെ​ഡി​ക്ക​ൽ കോ​ള​ജ്​ വ​രെ ഭാ​ഗ​ങ്ങ​ളി​ൽ രാ​ത്രി സാ​മൂ​ഹി​ക വി​രു​ദ്ധ​രു​ടെ ശ​ല്യം കൂ​ടു​ക​യാ​ണ്.

രാ​ത്രി സ​ഞ്ച​രി​ക്കു​ന്ന വ​നി​ത​ക​ള​ട​ക്ക​മു​ള്ള നി​ര​വ​ധി​പേ​ർ​ക്ക്​ ദു​ര​നു​ഭ​വ​മു​ണ്ടാ​വു​ന്നു. നേ​ര​ത്തേ ന​ഗ​ര​ത്തി​ലും പ​രി​സ​ര​ങ്ങ​ളി​ലും വി​വി​ധ പ​മ്പു​ക​ളി​ൽ പ​ണം ത​ട്ടി​പ്പ​റി​ക്ക​ൽ ന​ട​ന്നി​ട്ടു​ണ്ട്. ഇം​ഗ്ലീ​ഷ്​ പ​ള്ളി​ക്ക്​ സ​മീ​പ​ത്തെ​യും ചെ​റൂ​ട്ടി റോ​ഡി​ലെ​യും പ​മ്പു​ക​ളി​ൽ ആ​ക്ര​മ​ണ​മു​ണ്ടാ​യി​. കോ​വൂ​രി​ലെ പ​മ്പി​ലും നേ​ര​ത്തേ ആ​ക്ര​മ​ണ​മു​ണ്ടാ​യി​രു​ന്നു. പ​ണം ജീ​വ​ന​ക്കാ​രു​ടെ കൈ​യി​ലു​ണ്ടാ​വു​മെ​ന്ന​തും രാ​ത്രി ജീ​വ​ന​ക്കാ​ർ കു​റ​വാ​യി​രി​ക്കു​മെ​ന്ന​തു​മാ​ണ്​ ആ​ക്ര​മി​ക്കു​ന്ന​വ​രെ പ​മ്പു​ക​ളി​ലേ​ക്ക്​ ആ​ക​ർ​ഷി​ക്കു​ന്ന​ത്.